Բերդ համայնքում մեկնարկել է երիտասարդական խորհրդի վերակազմավորման գործընթացը
Բերդ համայնքի ղեկավարին կից երիտասարդական խորհրդի վերակազմավորման գործընթացը արդեն մեկնարկել է։
«Սիրելի՛ երիտասարդ, եթե դու՝
- 16-35 տարեկան ես,
- Բերդ համայնքի 17 բնակավայրերից մեկի բնակիչ ես,
- հավատում ես, որ կարող ես դառնալ փոփոխության շարժիչ ուժ,
- նախաձեռնող ես և պատրաստ համայնքիդ զարգացմանը մասնակցելուն,
- ցանկանում ես նպաստել խնդիրների և դրանց լուծման արդյունավետ ուղիների բացահայտմանը,
- ուզում ես ներգրավվել համայնքային ռազմավարությունների մշակման գործընթացներում,
- և պատրաստ ես քո ներդրումն ունենալ մեր ապագայի կերտման գործում —
ապա սա հենց քո՛ հնարավորությունն է։
Միացի՛ր, արտահայտի՛ր քո կարծիքը, առաջարկի՛ր լուծումներ և դարձի՛ր այն փոփոխության մասնակիցը, որին սպասում ենք բոլորս։
Քո ձայնը կարևոր է, քո մասնակցությունը՝ անհրաժեշտ», – նշված է Բերդի համայնքապետարանի հայտարարության մեջ։
Դիմելու վերջնաժամկետը՝ նոյեմբերի 20
Գրանցվելու համար զանգահարել՝ 093 04 54 63