Ցանցում խճճված արջի քոթոթը տեղափոխվել է կենդանիների կացարան

Բնապահպանության և ընդերքի տեսչական մարմին ահազանգ էր ստացվել Տավուշի մարզի Աչաջուր համայնքում հայտնաբերված արջի քոթոթի վերաբերյալ։

«Տեսուչները տեղում պարզել են, որ Աչաջրի բնակիչ Ա․Սարուխանյանն Աչաջուր-Մակարավանք ճանապարհին հայտնաբերել է մետաղական ցանցի մեջ խճճված արջի քոթոթ, որին ինքնուրույն ազատել ու տեղափոխել է իր տուն։

Կենդանու արտաքին զննությամբ վնասվածքներ չեն հայտնաբերվել։

Գորշ արջի մոտ 2 ամսական քոթոթը տեղափոխվել է կենդանիների վերականգնողական կենտրոն»,- ասված է հաղորդագրությունում։

https://www.facebook.com/100064410922994/videos/pcb.1136119588545061/1021690986145248