Դիլիջանի ՏԻՄ ընտրություններին մասնակցող քաղաքական ուժերի առաջին համարները կբանավիճեն ՏավուշTV-ի ուղիղ եթերում
Հոկտեմբերի 17-ին՝ ժամը 20:00-ին, ՏավուշTV-ի ուղիղ եթերում տեղի կունենա Դիլիջան խոշորացված համայնքի ավագանու ընտրություններին մասնակցող քաղաքական ուժերի ընտրական ցուցակների առաջին համարների բանավեճը։
Բանավեճին կմասնակցեն՝
- Վարդան Ավագյանը՝ «Ապրելու երկիր» կուսակցությունից,
- Նունե Սանթրոսյանը՝ «Հանրապետություն» կուսակցությունից,
- Դավիթ Սարգսյանը՝ «Քաղաքացիական պայմանագիր» կուսակցությունից։
Բանավեճի ընթացքում թեկնածուները կներկայացնեն Դիլիջանի զարգացման իրենց պատկերացումները, կխոսեն համայնքի առջև ծառացած խնդիրների և դրանց լուծման առաջարկվող տարբերակների մասին։
Հեռուստադիտողները ևս կարող են մասնակցել քննարկմանը՝ թեկնածուներին ուղղված հարցերն ուղարկելով info@tavushmedia.am էլեկտրոնային հասցեին կամ գրելով մեկնաբանություններում։
Բանավեճի ուղիղ եթերին հնարավոր կլինի հետևել ՏավուշTV-ի հեռուստաեթերում, Facebook-ի և YouTube-ի էջերում, ինչպես նաև լրատվամիջոցի կայքում։
Ուղիղ եթեր՝ հոկտեմբերի 17-ին, ժամը 20:00-ին։