Գանձաքար համայնքում Վարդավառը տոնեցին ազգային ավանդույթներով ու ժողովրդական տոնախմբությամբ
![](https://i0.wp.com/tavushmedia.am/wp-content/uploads/2022/08/vardavar.png?fit=128%2C91&ssl=1)
Ազգային երգ, պար, տոնակատարություններ․ հուլիսի 24-ին Գանձաքար համայնքում ժողովրդական մեծ հանդիսություններով նշվեց Վարդավառը։
Վարդավառը կամ Քրիստոսի Պայծառակերպությունը Հայ առաքելական եկեղեցու հինգ տաղավար տոներից է։ Նշվում է Զատիկից 14 շաբաթ կամ 98 օր հետո՝ կիրակի օրը՝ հունիսի 28-ից օգոստոսի 1-ն ընկած ժամանակահատվածում։
Տոնակատարությունն իրականացվեց «Կէան» կրթամշակութային կենտրոնի և Գանձաքարի մշակույթի տան համատեղ նախաձեռնությամբ՝ «Նավակատիք» ծրագրի շրջանակում։ Ծրագրի նպատակը տոները կենդանացնելն ու կենցաղ բերելն է։
Միջոցառումն ուղեկցվեց ազգային երգ ու պարով, որին զուգորդվեցին տոնին բնորոշ արարողություններն ու խաղերը։