«Հրուշակագործության» անվճար դասընթաց Դիլիջանում
«Հայաստանում աշխատուժի զարգացման» ծրագրի շրջանակում Հայ օգնության ֆոնդը հայտարարում է «Հրուշակագործության» անվճար դասընթաց, որն իրականացվելու է Դիլիջանի պետական քոլեջի հետ համագործակցությամբ։
Դասընթացի արդյունքում մասնակիցները կտիրապետեն տնային և արտադրական պայմաններում թխվածքաբլիթների, մրգային դեսերտների, եփովի խմորների և այլ արտադրատեսակների պատրաստման տեխնոլոգիաներին։
Ո՞վ կարող է մասնակցել․
Դիլիջանի և հարակից բնակավայրերի 15-ից 29 տարեկան երիտասարդներն, ովքեր զբաղվում են հրուշակագործությամբ կամ մտադիր են աշխատել այդ բնագավառում։
- Մեկնարկը՝ 2023թ-ի փետրվար 15
- Տևողությունը՝ 1 ամիս
- Մասնակցությունն՝ անվճար
- Վայրը՝ քաղաք Դիլիջան, Դիլիջանի պետական քոլեջ
- Ձևաչափը՝ լսարանային
Դասընթացին մասնակցելու համար հետաքրքրված անձինք պետք է մինչև փետրվարի 10-ը ներառյալ լրացնեն հետևյալ հղումով առցանց հայտաձևը՝ http://bitly.ws/zxEc
«Հայաստանում աշխատուժի զարգացման» ծրագիրն իրականացվում է ԱՄՆ Միջազգային զարգացման գործակալության ֆինանսավորմամբ։ Ծրագրի նպատակն է երիտասարդներին, այդ թվում՝ կանանց և հաշմանդամություն ունեցող անձանց, տրամադրել հնարավորություն՝ բարելավելու իրենց աշխատանքային հմտությունները՝ համապատասխանեցնելով աշխատաշուկայի պահանջներին, և գտնելու աշխատանք բարձր տեխնոլոգիաների, գյուղատնտեսության և հյուրընկալության ոլորտներում: