Իջևանցի բադմինթոնիստը՝ միջազգային մրցաշարի բրոնզե մեդալակիր

Մարտի 12–15-ը Հունգարիայի Պեչ քաղաքում անցկացված մինչև 13 և մինչև 15 տարեկանների բադմինթոնի միջազգային մրցաշարում հաջող ելույթ է գրանցել Հայաստանը  ներկայացնող Լիլի Կիրակոսյանը։

Զուգախաղի մրցումներում հանդես գալով Մոլդովայի ներկայացուցիչ Անաստասիա Մուստեատաի հետ, գրավել է երրորդ հորիզոնականը։

Լիլի Կիրակոսյանն Իջևանի մարզադպրոցի սան է։ Նա նաև ԽՍՀՄ չեմպիոն, Եվրոպայի չեմպիոն (1980թ․) և Ֆրանսիայի բաց առաջնությունի հաղթող (1981թ․), միջազգային կարգի սպորտի վարպետ Վարդիթեր Պողոսյանի թոռնուհին է։

Պեչում կայացած մրցաշարին մասնակցել են տարբեր երկրների պատանի բադմինթոնիստներ՝ մրցելով մի շարք տարիքային խմբերում։ Մրցաշարին Իջևանից մասնակցում էին նաև Անիտա Արզումանյանը և Մարինա Ասիլբեկյանը՝ հանդես գալով մինչև 15 տարեկանների տարիքային խմբում։