Իջևանի ավագ դպրոցն ու Լճկաձորի հիմնական դպրոցը՝ «Մշակութային վերջին զանգ» մրցույթի հաղթողներ
ՀՀ կրթության, գիտության, մշակույթի և սպորտի նախարարության հայտարարած մշակութային կրթության տարվա շրջանակում անցկացվել է «Մշակութային վերջին զանգ» մրցույթը:
ԿԳՄՍ նախարարի հրամանով հաստատված «Մշակութային վերջին զանգ» միջոցառումների մրցութային հանձնաժողովն ամփոփել է արդյունքները՝ ըստ սահմանված գնահատման սանդղակի: Ժյուրիի գնահատման հիման վրա յուրաքանչյուր մարզում, ինչպես նաև մայրաքաղաքում հաղթող է ճանաչվել երկուական դպրոց:
Տավուշի մարզում հաղթող են ճանաչվել Իջևանի Գ. Անանյանի անվան ավագ դպրոցն ու Նոյեմբերյան համայնքի Լճկաձորի հիմնական դպրոցը։
«Մշակութային վերջին զանգ» մրցույթին դպրոցները մասնակցել են կամավորության սկզբունքով՝ ներկայացնելով համապատասխան հայտ մինչև 2025 թվականի մայիսի 29-ը ներառյալ: Հայտը ներառում էր միջոցառման ծրագիրը (սցենար), 10 լուսանկար միջոցառումից, ինչպես նաև մինչև 10 րոպեանոց տեսագրություն (այդ թվում՝ սիրողական տեսագրություններ):
Լճկաձորի հիմնական դպրոցի «Մշակութային վերջին զանգը»․ տեսանյութը այստեղ: