Իջևանի Երևանյան փողոցում երթևեկությունը կկարգավորվի լուսացույցով

Ճանապարհային երթևեկության անվտանգությունն ու կազմակերպվածությունը բարելավելու նպատակով Երևան–Սևան–Իջևան միջպետական ավտոճանապարհի Իջևան քաղաքի Երևանյան փողոցում՝ շուկայի հարևանությամբ, տեղադրվել է լուսացույց։

Նպատակն է ապահովել հետիոտների և տրանսպորտային միջոցների անվտանգ ու կանոնակարգված տեղաշարժը, ինչպես նաև կարգավորել տվյալ հատվածում առկա ինտենսիվ երթևեկությունը։

Վարորդներին և հետիոտներին հորդորում ենք լինել ուշադիր, պահպանել ճանապարհային անվտանգության կանոնները։