Քարաթափում Մովսես-Բերդ ավտոճանապարհին
![](https://i0.wp.com/tavushmedia.am/wp-content/uploads/2023/03/image0.jpeg?fit=128%2C96&ssl=1)
Մարտի 7-ին, ժամը 21:56-ին Տավուշի մարզային ճգնաժամային կառավարման կենտրոն տեղեկություն է ստացվել, որ Մովսես գյուղի վերջնամասում տեղի է ունեցել քարաթափում։
Դեպքի վայր է մեկնել ՆԳՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տավուշի հատուկ օբյեկտների պահպանության հրշեջ-փրկարարական ջոկատի Մովսեսի հենակետից մեկ մարտական հաշվարկ։
Պարզվել է, որ Մովսես-Բերդ ավտոճանապարհի մոտ 4-րդ կմ-ին խճաքարերը թափվել են ճանապարհի երթևեկելի հատված (մոտ 2 խմ)․ երթևեկությունը դարձել է միակողմանի: Փրկարարները ճանապարհից հեռացրել են մոտ 15-20 քար: