Մասնակցային բյուջետավորման վերաբերյալ միջազգային վերապատրաստման ծրագիր երիտասարդների համար

Մարտի 31-ից ապրիլի 8-ը Ծաղկաձորում կանցկացվի BUDGETIFY ծրագրի շրջանակում կազմակերպվող 7-օրյա վերապատրաստման դասընթացը, որն ուղղված է երիտասարդների մասնակցության խթանմանը, մասնակցային բյուջետավորմանը և տեղական ժողովրդավարության զարգացմանը։

Ծրագիրն իրականացվում է INEDNET կազմակերպության կողմից և համաֆինանսավորվում է Erasmus+ և European Youth Foundation (EYF) ծրագրերով։ Մասնակցությունը լիովին անվճար է ՀՀ քաղաքացիների համար։

Ինչ է մասնակցային բյուջետավորումը և ինչու է այն կարևոր

Մասնակցային բյուջետավորումը քաղաքացիների ուղղակի ներգրավման մեխանիզմ է, որի միջոցով նրանք մասնակցում են համայնքային կամ պետական բյուջեի մի մասի բաշխման վերաբերյալ որոշումների կայացմանը։ Այն հատկապես կարևոր գործիք է երիտասարդների համար՝ հնարավորություն տալով նրանց իրական ազդեցություն ունենալ տեղական քաղաքականությունների, զարգացման առաջնահերթությունների և հանրային ռեսուրսների օգտագործման վրա։

Չնայած դրան՝ երիտասարդները հաճախ չունեն բավարար գիտելիք և գործիքակազմ՝ այս գործընթացներում արդյունավետ ներգրավվելու համար, իսկ տեղական իշխանությունները միշտ չէ, որ կարողանում են ապահովել երիտասարդների բովանդակային մասնակցություն։ BUDGETIFY ծրագիրը նպատակ ունի լրացնել հենց այս բացը։

Ծրագրի հիմնական նպատակն է հզորացնել երիտասարդներին
գիտելիքներով և գործնական հմտություններով և մենթորական աջակցությամբ,
որպեսզի նրանք կարողանան ակտիվ մասնակցել մասնակցային բյուջետավորման և տեղական ժողովրդավարական կառավարման գործընթացներին իրենց համայնքներում։

Ծրագրի երեք հիմնական փուլերը

1․ Youth Budget Lab – առաջնորդների հզորացում մասնակցային ժողովրդավարության համար։ Ծրագրի առաջին փուլը 7-օրյա կարողությունների զարգացման դասընթաց է, որի ընթացքում մասնակիցները կծանոթանան՝

• համայնքային կարիքների գնահատման մեթոդներին,
• որոշում կայացնողների հետ երկխոսության և շահերի պաշտպանության գործիքներին,
• իրազեկման արշավների կազմակերպմանը,
• նախագծային առաջարկների մշակմանը,
• ֆինանսավորվող նախագծերի իրականացման և գնահատման գործընթացներին։

2․ Youth-Led Actions – գաղափարներից մինչև համայնքային նախագծեր
Այս փուլում մասնակից երիտասարդները իրենց համայնքներում կիրականացնեն մասնակցային բյուջետավորման նախաձեռնություններ՝ գաղափարների հավաքագրումից մինչև քվեարկություն և իրականացում։

3․ Միջազգային գագաթնաժողով «Երիտասարդություն և բյուջետավորում. ձևավորում ենք մեր համայնքները» թեմայով․  գագաթնաժողովը կծառայի որպես փորձի փոխանակման և լավագույն օրինակների տարածման հարթակ՝ խթանելով երիտասարդների նոր նախաձեռնությունները տեղական կառավարման ոլորտում։

Ծրագրին կարող են դիմել 16–30 տարեկան երիտասարդները, որոնք ունեն քաղաքացիական ներգրավվածության, առաջնորդության կամ համայնքային ակտիվիզմի փորձ՝

• երիտասարդական ՀԿ-ների անդամներ,
• ուսանողական խորհուրդների ներկայացուցիչներ,
• համայնքային կազմակերպիչներ,
• սոցիալական, բնապահպանական կամ տեղական զարգացման ոլորտի ակտիվիստներ։

Տեղական որոշում կայացնողներ, այդ թվում՝

• ավագանու անդամներ,
• ՏԻՄ աշխատակիցներ,
• համայնքային ծրագրերի և ռազմավարական պլանավորման պատասխանատուներ։

Դիմելու վերջնաժամկետը՝ 26 հունվար 2026թ., ժամը 23:59 (Երևանի ժամանակով)։ Դիմումների ընտրությունը կատարվում է շարունակակա սկզբունքով, ուստի կազմակերպիչները խորհուրդ են տալիս դիմել հնարավորինս շուտ։

Դիմելու համար կարող եք լրացնել հայտադիմումն այստեղ։  

Ծրագրի մասին լրացուցիչ տեղեկատվությունն ընթերցեք այստեղ։

Կարդացեք նաև՝