«109 տարի անց մենք կրկին ոգեկոչում ենք Հայոց ցեղասպանությունը». Վալանսի քաղաքապետ
Ֆրանսիայի Վալանս քաղաքում ապրիլի 24-ին քաղաքային իշխանությունները, հայ համայնքը, քաղաքացիներ հարգանքի տուրք են մատուցել Հայոց ցեղասպանության զոհերի հիշատակին կառուցված հուշակոթողին:
«Խոնարհվում ենք 20-րդ դարի առաջին զանգվածային ոճրագործության զոհ դարձած 1,5 մլն հայերի հիշատակի առջև: Մենք ամեն տարի հիշում ենք այս օրը Վալանսում, սակայն այս տարի ավելի մեծ ցավով, քանի որ հիշում ենք անցած տարի աշնանը Արցախում իրականացված էթնիկ, կրոնական ու մշակութային զտումները», – նշել է Վալանսի քաղաքապետ Նիկոլա Դարագոնը:
Իջևան ու Վալանս քաղաքները քույր քաղաքներ են: Այս տարի կլրանա երկու քաղաքների բարեկամական հարաբերությունների 30-ամյակը:
