Սուրբ Ղևոնդյանց քահանաների տոնին Տավուշի թեմի քահանաներն արժանացան պարգևների
Փետրվարի 10-ին Հայաստանյայց Առաքելական Սուրբ Եկեղեցին տոնախմբեց Սուրբ Ղևոնդյանց քահանաների հիշատակը։ Այս առիթով Մայր Տաճարում մատուցվեց Սուրբ և Անմահ Պատարագ։
Արարողությանը ներկա էին թեմերում և եկեղեցական կառույցներում սպասավորող 217 եկեղեցականներ, թեմակալ առաջնորդներ, Մայր Աթոռի միաբաններ և բազմաթիվ հավատավոր հայորդիներ։
«Տավուշի թեմի հոգևորականները՝ առաջնորդությամբ թեմի Առաջնորդական տեղապահ Հոգեշնորհ Տ․ Սամվել վրդ․ Մխիթարյանի, Մայր Աթոռ Սուրբ Էջմիածնում մասնակցեցին Սուրբ և Անմահ պատարագի։ Հավարտ Սուրբ պատարագի, օրհնությամբ Ն․Ս․Օ․Տ․Տ․ Գարեգին Երկրորդ Ամենայն Հայոց Հայրապետի, թեմից Արժանապատիվ Տ․ Շավարշ քհն․ Սիմոնյանն ու Տ․ Արամ քհն․ Միրզոյանն իրավունք ստացան ծաղկյալ փիլոն կրելու, իսկ թեմի Արժանապատիվ հինգ քահանա հայրեր՝ Տ․ Արտակ քհն․ Միրզոյանը, Տ․ Բարսեղ քհն․ Մկրտչյանը, Տ․ Կորյուն քհն․ Պապիկյանը, Տ․ Արամ քհն․ Բաղումյանը և Տ․ Եղիա քհն․ Փահլևանյանը, ձեռամբ Վեհափառ Հայրապետի, ստացան լանջախաչեր»,- հայտնում են Տավուշի թեմից։
