Տավուշ Մեդիան փնտրում է Սոցիալական մեդիայի մասնագետի (SMM մասնագետ), ով կօգնի մեզ հաղորդակցվելու մեր լսարանի հետ, բարձրացնելու մեր բովանդակության տեսանելիությունը և նպաստելու մեր նախագծերի զարգացմանը: Մենք փնտրում ենք ստեղծագործ, նորարար և Տավուշի մարզի զարգացման համար հոգատար մասնագետի:

Պաշտոնի հիմնական պարտականությունները

• Տավուշ Մեդիայի սոցիալական մեդիայի էջերի կառավարում (Facebook, Instagram, YouTube և այլ հարթակներ):
• Սոցիալական մեդիայի համար բովանդակության պլանավորում, ստեղծում և հրապարակում:
• Նորարարական SMM ռազմավարությունների մշակում և իրականացում:
• Գովազդային արշավների պլանավորում և իրականացում։
• Լսարանի հետ ակտիվ հաղորդակցություն՝ մեկնաբանությունների և հաղորդագրությունների միջոցով, լրագրողական հմտություններ:
• Տեսողական բովանդակության ստեղծման համար դիզայներների և վիդեոարտադրողների հետ համագործակցություն:
• Անհրաժեշտության դեպքում՝ մասնակցություն նկարահանումներին՝ տեղում հրապարակումներ պատրաստելու, բեքսթեյջեր նկարահանելու և հրապարակելու համար։
• Վերլուծությունների իրականացում՝ ներգրավվածության և հասանելիության ցուցանիշների հիման վրա:
• Մարքեթինգային արշավների կազմակերպում և իրականացում:
• Աջակցություն նվիրատվությունների ծրագրերին։

Անհրաժեշտ հմտություններ

• Սոցիալական մեդիայի կառավարման կամ հարակից ոլորտներում առնվազն 2 տարվա փորձ:
• Հայերենի գերազանց իմացություն, ինչպես նաև անգլերենի և ռուսերենի բավարար մակարդակ:
• Սոցիալական մեդիայի հարթակների (Facebook, Instagram, YouTube, TikTok) գործիքների խոր իմացություն:
• Նորարար և ստեղծագործ մոտեցում՝ բովանդակության մշակման գործում:
• Բաց և ընկերասեր անհատականություն՝ լսարանի հետ հեշտությամբ հաղորդակցվելու համար:
• Լավ կազմակերպչական հմտություններ և ժամանակի արդյունավետ կառավարում:

Ի՞նչ ենք առաջարկում

• Հետաքրքիր և սոցիալապես կարևոր աշխատանք Տավուշի մարզի զարգացման հարթակում:
• Մրցակցային վարձատրություն:
• Ստեղծագործ միջավայր, որտեղ կկարողանաք կիրառել ձեր հմտությունները և զարգանալ որպես մասնագետ:
• Պարբերական վերապատրաստման ծրագրեր։
• Ճկուն աշխատանքային գրաֆիկ:

Տավուշ Մեդիայի մասին

Տավուշ Մեդիան մարզային արագ զարգացող տեղեկատվական հարթակ է որն այս տարի կդառնա հինգ տարեկան: Տավուշ հեռուստաընկերությունը լիցենզավորված է, հեռարձակվում է մուլտիպլեքսով և թվային ցանցի բոլոր ալիքներով: Մենք տարածում ենք վստահելի, արժանահավատ տեղեկություններ, անդրադառնում համայնքային խնդիրներին և օգնում ձևավորելու ավելի իրազեկ և պատասխանատու հասարակություն։

2025թ. ից սկսել ենք դրամահավաք՝ ԴԻՄԱԿԱՅՈՒՆ ՏԱՎՈՒՇ ծրագիրն իրականացնելու համար, և մեր նոր գործընկերն իր փորձն ու կարողությունները դրսևորելու իրական հնարավորություն կունենա:

Ուր և ինչպես դիմել

Եթե կարծում եք, որ դուք այն SMM մասնագետն եք, որը կարող է նպաստել մեր լսարանի ներգրավմանը և Տավուշի համայնքների ձայնը լսելի դարձնել, ուղարկեք Ձեր ինքնակենսագրականը (CV) և մոտիվացիոն նամակը head@tavushmedia.am հասցեով, որից հետո կարող եք զանգահարել 055 010401 հեռախոսահամարով: Սպասում ենք Ձեր նամակներին մինչև հունվարի 31-ը: Վերջնափուլ անցածները կհրավիրվեն հարցազրույցի:

Տավուշ Մեդիան փնտրում է Մարքեթինգի/Վաճառքի մասնագետի, որը կնպաստի մեր գործընկերային ցանցի ընդլայմանն ու ամրապնդմանը: Մենք փնտրում ենք այն մարդուն, որը կկիսի մեր արժեքները և  սատար կլինի Տավուշի մարզի ու նրա տեղեկատվական կարողությունների զարգացմանը: Եթե փորձ ու ոգևորություն ունեք, ամենակարևորը՝ գործընկերներ ներգրավելու և հարաբերություններ պահպանելու հմտություններ, ապա սա Ձեր հնարավորությունն է:

Պաշտոնի հիմնական պարտականությունները

• Շուկայի ուսումնասիրություն և բիզնես գաղափարի մշակում։
• Համայնքների հետ կապի հաստատում:
• Քրաուդֆանդինգային նախագծերի պլանավորում և իրականացում:
• Գործընկերային նախագծերի մշակման և առաջարկների պատրաստման աջակցություն:
• Գովազդային և վիդեո արտադրական ծառայությունների փաթեթների մշակում և ներկայացում:
• Գործուղումների կազմակերպում և հանդիպումների անցկացում:
• Նոր գործընկերների՝ նվիրատուների, գովազդատուների և այլն, ներգրավում և երկարաժամկետ հարաբերությունների պահպանում:

Անհրաժեշտ հմտություններ և փորձ

• Կրթություն՝ մարքեթինգի, մեդիայի, հաղորդակցության կամ հարակից ոլորտներում:
• Գործընկերների ներգրավման կամ վաճառքի ոլորտում առնվազն 2 տարվա փորձ:
• Արդյունավետ իրականացված նախագծի օրինակ/ներ/:
• Հայերենի գերազանց, անգլերենի և ռուսերենի լավ իմացություն:
• Բանակցային հմտություններ և պրեզենտացիաներ ներկայացնելու կարողություն:

Ի՞նչ ենք առաջարկում

• Ճկուն աշխատանքային գրաֆիկ, այդ թվում՝ հեռավար:
• Մրցակցային վարձատրություն:
• Հնարավորություն՝ ակտիվորեն մասնակցելու Տավուշի համայնքների զարգացմանը:
• Ոգեշնչող գործընկերային միջավայր:

Տավուշ Մեդիայի մասին

Տավուշ Մեդիան մարզային արագ զարգացող տեղեկատվական հարթակ է որն այս տարի կդառնա հինգ տարեկան: Տավուշ հեռուստաընկերությունը լիցենզավորված է, հեռարձակվում է մուլտիպլեքսով և թվային ցանցի բոլոր ալիքներով: Մենք տարածում ենք վստահելի, արժանահավատ տեղեկություններ, անդրադառնում համայնքային խնդիրներին և օգնում ձևավորելու ավելի իրազեկ և պատասխանատու հասարակություն։

2025թ. ից սկսել ենք դրամահավաք՝ ԴԻՄԱԿԱՅՈՒՆ ՏԱՎՈՒՇ ծրագիրն իրականացնելու համար, և մեր նոր գործընկերն իր փորձն ու կարողությունները դրսևորելու իրական հնարավորություն կունենա:

Ուր և ինչպես դիմել

Եթե ցանկանում եք Տավուշ Մեդիայի թիմի անդամ դառնալ, ուղարկեք Ձեր ինքնակենսագրականը (CV) և մոտիվացիոն նամակը head@tavushmedia.am հասցեով, որից հետո կարող եք զանգահարել նաև 055010401 հեռախոսահամարով: Ձեր նամակներին կսպասենք մինչև հունվարի 31-ը, որից հետո կհարցազրուցենք վերջնափուլ անցածների հետ:

Եթե խախտվել են Ձեր աշխատանքային իրավունքները, և Դուք չգիտեք ում դիմել, azdarar.mdi.am հարթակը ձեզ համար է։ Այն անվճար հիմունքներով ձեզ հնարավորություն է տալիս աշխատանքային իրավունքների խախտումների վերաբերյալ անանուն հայտ ներկայացնել մասնագիտացված իրավաբանին, որը կպատասխանի՝ խորհուրդներ տալով հնարավոր գործողությունների վերաբերյալ։

Կայքում մասնագետի հետ անանուն քննարկումը կարող եք շարունակել այնքան ժամանակ, մինչև ձեր խնդիրը կկարգավորվի։

Մանրամասները՝ կից տեսանյութում․



Նոյեմբերյան համայնքի Կողբ բնակավայրում շուտով իր դռները կբացի Կողբի ԹՈՒՄՈ ստեղծարար տեխնոլոգիաների կենտրոնը;

Կողբ հիմնադրամի հետ համագործակցության, ինչպես նաև Բուենոս Այրեսից Էկսերթյան, Սիմսիրողլու և Դերեջյան ընտանիքների աջակցության շնորհիվ Հայաստանում ևս մի Թումո կենտրոն կառուցվում է Կողբում։ Այն նախատեսված կլինի Հայաստանի հյուսիս-արևելքում բնակվող մոտ 1000 ուսանողի համար։

Կողբի ԹՈՒՄՈ կենտրոնի ղեկավարի դերը ստանձնելու համար ԹՈՒՄՈ ստեղծարար տեխնոլոգիաների կենտրոնը փնտրում է բարձր մոտիվացիայով, ճկուն և հավատարիմ անհատի, ով պատասխանատու կլինի կենտրոնի ամենօրյա գործունեության համար, կհամակարգի  Թումոյի կրթական ծրագրի և գործունեության իրականացումը՝ կապի մեջ լինելով Երևանի գլխավոր գրասենյակի հետ: Մանրամասների համար սեղմեք այստեղ:

Աշխատանքի և սոցիալական հարցերի նախարարությունը հրապարակել է ֆիզարձակուրդից աշխատանքի վերադարձած կերակրող մայրերի արտոնությունների ցանկը:

Երեխա խնամող աշխատողները ՀՀ աշխատանքային օրենսգրքով ունեն հետևյալ երաշխիքները և իրավունքները՝

• երեխային փաստացի խնամող՝ արձակուրդում չգտնվող անձի՝ մինչև մեկ տարեկան երեխա խնամելու ամբողջ ժամանակահատվածում աշխատանքի էական պայմանները չեն կարող փոփոխվել նվազ բարենպաստ պայմանների, բացառությամբ՝ պաշտոնի անվանման և (կամ) տարակարգերի.
• մինչև մեկ տարեկան երեխա խնամող աշխատողների պահանջով կարող է սահմանվել ոչ լրիվ աշխատանքային օր կամ ոչ լրիվ աշխատանքային շաբաթ։  Այս դեպքում աշխատանքը վարձատրվում է փաստացի աշխատած ժամանակին կամ կատարված փաստացի աշխատանքին համապատասխան.
• մինչև մեկ տարեկան երեխա խնամող աշխատողները կարող են արտաժամյա աշխատանքի ներգրավվել միայն իրենց համաձայնությամբ.
• մինչև երեք տարեկան երեխա խնամող աշխատողները կարող են գիշերային աշխատանքի ներգրավվել միայն իրենց համաձայնությամբ` նախնական բժշկական զննություն անցնելուց և գործատուին բժշկական եզրակացություն ներկայացնելուց հետո.
• մինչև երեք տարեկան երեխա խնամող աշխատողները կարող են տանը կամ կազմակերպությունում հերթապահության ներգրավվել միայն իրենց համաձայնությամբ.
• մինչև մեկ տարեկան երեխա խնամող աշխատողները կարող են հանգստյան օրերին աշխատանքի ներգրավվել միայն իրենց համաձայնությամբ.
• մինչև մեկ տարեկան երեխա խնամող աշխատողները կարող են ոչ աշխատանքային` տոնական և հիշատակի օրերին աշխատանքի ներգրավվել միայն իրենց համաձայնությամբ.
• մինչև 14 տարեկան երեխա խնամող աշխատողները անընդմեջ աշխատանքի վեց ամիսը լրանալուց հետո ամենամյա արձակուրդի ժամանակի ընտրության իրավունք ունեն.
• երեխային փաստացի խնամող ընտանիքի մոր (խորթ մոր), հոր (խորթ հոր) կամ խնամակալի ցանկությամբ տրամադրվում է երեխայի խնամքի արձակուրդ մինչև երեխայի երեք տարեկան դառնալը.
• մինչև մեկ տարեկան երեխա խնամող աշխատողները կարող են գործուղման ուղարկվել միայն իրենց համաձայնությամբ.
• մինչև մեկ տարեկան երեխա խնամող կանանց ՀՀ օրենսդրությամբ սահմանված ծանր, վնասակար, առանձնապես ծանր, առանձնապես վնասակար աշխատանքներում ներգրավելն արգելվում է.
• եթե մինչև մեկ տարեկան երեխա խնամող կնոջն անհրաժեշտ է աշխատաժամանակի ընթացքում բժշկական հետազոտություն անցնել, ապա գործատուն պարտավոր է նրան ազատել աշխատանքային պարտականությունների կատարումից` պահպանելով միջին աշխատավարձը որը հաշվարկվում է` հիմք ընդունելով միջին ժամային աշխատավարձի չափը.
• գործող կարգավորումների համաձայն՝ երեխային կրծքով կերակրող կնոջը մինչև երեխայի մեկուկես տարին լրանալը, երեխային կերակրելու համար յուրաքանչյուր երեք ժամը մեկ տրամադրվում է լրացուցիչ ընդմիջում, և այդ ժամանակահատվածի համար պահպանվում միջին ժամային աշխատավարձը։

Մայիսի 6-ին EU4Youth «Սոցիալական ձեռներեցության էկոհամակարգի զարգացում՝ կանաչ առաջընթացի համար» ծրագրի շրջանակներում Կանաչ արահետ ՀԿ-ն ԵՊՀ Իջևանի մասնաճյուղի հետ համատեղ Իջևանում կազմակերպեց աշխատանքի տոնավաճառ։

Աշխատանքի տոնավաճառին մասնակցեցին մոտ 40 կազմակերպություններ, որոնք Տավուշի մարզի երիտասարդներին առաջարկեցին աշխատանքի տեղավորման տարբեր առաջարկեցին աշխատանքի տեղավորման տարբեր հնարավորություններ՝ կարճաժամկետ և երկարաժամկետ զբաղվածություն, պրակտիկա, սեզոնային աշխատանք և այլն: Ավելի քան 300 երիտասարդներ Տավուշի մարզի տարբեր քաղաքներից և համայնքներից հնարավորություն ստացան մասնակցել աշխատանքի տոնավաճառին:

Աշխատանքային տոնավաճառի նպատակն է կապ ստեղծել Տավուշի մարզում գործող ընկերությունների և մարզաբնակ երիտասարդների միջև` հնարավորություն ընձեռնելով նրանց իրենց ինքնակենսագրականները թողնել նախընտրած գործատուների մոտ, ինչպես նաև մասնակցել հարցազրույցների:

Ծրագիրը, որը իրականացնում են Կովկասի բնապահպանական կազմակերպությունների ցանցը (Վրաստան) և Կանաչ Արահետ ՀԿ-ն (Հայաստան) նպատակ ունի բացահայտել ձեռնարկատիրական ներուժը առավել խոցելի համայնքներում և խթանել ձեռներեցության հնարավորությունները երիտասարդների շրջանում: