Օգոստոսի 5-ից 6-ը Դիլիջանի քաղաքային զբոսայգում անցկացվեց գրքի ընտանեկան տոնավաճառ: Տոնավաճառն իրականություն է դարձել Common Ground Books and Spirits գրական-մշակութային հարթակի և Impulse Management Company ընկերության համագործակցության արդյունքում:

Փառատոնի ընթացքում եղան շնորհանդեսներ, խաղեր, հանդիպումներ՝ հրատարակիչների և հեղինակների հետ։ Նախաձեռնողները նշում են, որ նմանատիպ միջոցառումները շարունակական են լինելու:

Օգոստոսի 5-ից 6-ը ՀՀ էկոնոմիկայի նախարարության զբոսաշրջության կոմիտեի աջակցությամբ Տավուշի մարզի Դիլիջան քաղաքի Աղասի Խանջյանի ամառանոցի տարածքում անցկացվեց Dilijan Wine Fest փառատոնը։ Գինու փառատոնն արդեն երկրորդ տարին է անցկացվում Դիլիջանում՝ ընդլայնելով մասնակիցների ցանկը։ Այս տարի փառատոնի հյուրերի քանակը հասել էր մոտ 4000-ի։

Փառատոնը մեկ վայրում էր միավորել Հայաստանի շուրջ 40 գինեգործարաններ և ռեստորաններ: Հյուրերին հնարավորություն էր տրվել վայելելու գինեգործների տոնավաճառը, համտեսները, գինու նկարչությունն ու խաղողի տրոհման ավանդական արարողությունը:

Հաշվի առնելով Արցախի բարդ իրավիճակը՝ փառատոնի կազմակերպիչները որոշում են կայացրել փառատոնի ողջ հասույթը ուղղել «Արցախի անվտանգության և զարգացման ճակատ» սոցիալական շարժման մի քանի նախագծերի իրականացմանը։ Այդ նախագծերը առաջնային օգնություն են տրամադրելու ավելի քան վեց ամիս շրջափակման մեջ գտնվող Արցախի բնակիչներին։ Այս քայլով նախաձեռնողները նպատակ ունեն հանրության ուշադրությունը հրավիրել Արցախի Հանրապետությունում տիրող հումանիտար ճգնաժամին, և, որպեսզի մարդիկ՝ Հայաստանից և այլ երկրներից, ովքեր մասնակցում են միջոցառմանը, իմանան և խոսեն ու բարձրաձայնեն Արցախի մասին: Փառատոնը կազմակերպում է TimeTo ստեղծագործական գործակալությունը՝ Impulse Management company ընկերության աջակցությամբ։

Հայ կինոյի 100-ամյա հոբելյանական տարեդարձին նվիրված միջոցառումների ծրագրի շրջանակում Տավուշ Մեդիայի լավագույն գործընկերներից՝ Հայաստանի ազգային կինոկենտրոնը «Հայկական Կինոդար» նախագծով գալիս է Տավուշի մարզ։

Հայաստանի ազգային կինոկենտրոնը սիրով հրավիրում է գոստոսի 6-ից 10-ը Տավուշի մարզի քաղաքային ու գյուղական բնակավայրերում դիտելու հայկական հին ու նոր գեղարվեստական, վավերագրական և անիմացիոն ֆիլմերը:

Մուտքն ազատ է․
Օգոստոսի 6, ժամը 16:00, 18:00՝ Նոյեմբերյանի քաղաքային մշակույթի տուն
Օգոստոսի 7, ժամը 17:00, 19:00՝ Բերդի մշակույթի տուն
Օգոստոսի 8, ժամը 20:00՝ Իջևանի «Շատրվանների հրապարակ» Ա․ Մելիքբեկյան փողոց՝ բացօթյա ցուցադրություն
Օգոստոսի 9, ժամը 13:00՝ Հաղարծինի մշակույթի տուն
Օգոստոսի 9, ժամը 17:00՝ Դիլիջանի N զորամաս
Օգոստոսի 10, ժամը 13:00՝ Դիլիջանի արվեստի պետական քոլեջ

Հայ կինոյի 100-ամյա հոբելյանական ծրագրի շրջանակում Հայաստանի ազգային կինոկենտրոնը` ՀՀ ԿԳՄՍ նախարարության պետական ֆինանսական աջակցությամբ իրականացնում է «Հայկական Կինոդար» մարզային ծրագիրը, որի նպատակն է հայկական կինոժառանգության և ժամանակակից ֆիլմերի հանրայնացումը Հայաստանի բոլոր մարզերում:

ՀՀ Նկարիչների միության Տավուշի մասնաճյուղը հիմնադրման 4-րդ ամյակի կապակցությամբ հունիսի 19-ին նախաձեռնել էր Տավուշի մարզի 4 համայնքների նկարիչների միասնական ցուցահանդեսը։ 

Ցուցահանդեսին ներկայացված էր Տավուշի մարզի տարածաշրջանների բոլոր անհատ ստեղծագործողների աշխատանքները։ Նկարիչների Միության Տավուշի մասնաճյուղը հիմնադրումից ի վեր բազմիցս նախաձեռնել և իրականացրել է տարբեր մրցույթներ, ցուցահանդեսներ, որոնց մասնակցություն են ունեցել Տավուշի մարզի շնորհալի ստեղծագործողները՝ տարբեր տարիքային խմբերից։ 

Ցուցահանդեսի ավարտին Սուրեն Սաֆարյանը եւ Արմինե Թումանյանը ներկայացրին Նկարիչների միության Տավուշի մասնաճյուղի նոր նախագահին՝ Հայաստանի նկարիչների միության անդամ, գեղանկարիչ Ռոմեո Մելիքյանին։ Այնուհետեւ Նախագահ Սուրեն Սաֆարյանը շնորհակալագիր հանձնեց Արմինե Թումանյանին Տավուշի մարզում Հայաստանի նկարիչների միության մասնաճյուղը հիմնադրելու եւ այն անձնվեր ղեկավարելու համար:

 Տավուշի արվեստագետների աշխատանքները կցուցադրվեն մեկ ամիս շարունակ՝ Իջևանի «Վերնատուն» պատկերասրահում



Հուլիսի 17-ին Գոշ գյուղում տեղի ունեցավ գյուղի միջնակարգ դպրոցի աշակերտների կողմից, նախագծային աշխատանքի արդյունքում ստեղծված «Մխիթար Գոշը՝ դարերի խոսուն վկան» գրքի շնորհանդեսը:

Գրքում հակիրճ ամփոփված են ինչպես գյուղում պտտվող ավանդազրույցներն ու պատմությունները, այնպես էլ մեջբերումներ գիտական գրականությունից, որոնք կապված են Մխիթար Գոշի կյանքի և գյուղի ստեղծման հետ։

Գիրքը կազմելու համար աշակերտներն աշխատել են մոտ երկու տարի, իսկ հրատարակման համար երեխաների նախաձեռնությամբ իրականացվել է դրամահավաք:

Կրթական բարեփոխումների մեջ նախագծային ուսուցումը աշակերտներին հնարավորություն է տվել ստեղծագործել, լինել նախաձեռնող, աշխատել մեկ թիմում եւ իրականացնել  հետազոտություններ։



Հուլիսի 9-ին Դիլիջանի կենտրոնական դպրոցում տեղի ունեցավ 2022-2023 շրջանավարտների ավարտական միջոցառումը: 

Ավարտական հանդիսությունը մի հարկի տակ էր կրկին հավաքել դպրոցի ներկա և նախորդ շրջանավարտների, ուսուցիչների, ծնողների, ինչպես նաև հյուրերի, ովքեր իրենց ներկայությամբ և ջերմ խոսքերով ոգևորեցին ավագ դպրոց մուտք գործելու պատրաստվող շրջանավարտներին։ 

Դիլիջանի կենտրոնական դպրոցը հանդիսանում է «Այբ» համակարգի դպրոց: «Այբ»-ն ամբողջական կրթության միջավայր է, որը համադրում է համաշխարհային կրթության առաջատար ձեռքբերումներն ու հայ դպրության լավագույն ավանդույթները:



«Պարն արտահայտում է յուրաքանչյուր ազգի բնորոշ գծերը, մանավանդ բարքն ու քաղաքակրթության աստիճանը». հույզեր, որ դառնում են բեմադրություններ. հետադարձ հայացք կամ համերգ-պատմություն: Հուլիսի 10-ին Իջևանում տեղի ունեցավ Դիլիջանի համայնքային կենտրոնի «Նազանի» համույթի Իջևանի մասնաճյուղի ամփոփիչ համերգը։ 

Համույթի սաները ազգային, հայկական-ժողովրդական, ինչպես նաև այլազգի բազմատեսակ պարերով զարդարեցին Իջևանի մշակույթի տունը, իսկ հուլիսի 13-ին Դիլիջանի ամֆիթատրոնը: Նազանի պարի համույթը հիմնադրվել է 2012 թվականին․ շուրջ 11 տարի է համույթն իր գործունեությունն է ծավալում Դիլիջան համայնքում, արդեն 2 տարի գործում է նաև Իջևանում: 

Երեխաները հաճախում են պարի Իջևան քաղաքից եւ հարակից գյուղերից: Համույթի ուսումնական ծրագիրը հնարավորություն է տալիս ուսման ողջ ընթացքում սովորել տարրական վարժություններ, բարդ ու ռիթմիկ պարեր:

Սաներն այս տարիների ընթացքում մասնակցել են բազմաթիվ միջոցառումների, միջազգային մրցույթ-փառատոնների եւ վերադարձել մրցանակներով:



Հուլիսի 2-ին Դիլիջանի քաղաքային զբոսայգում իր ավարտին մոտեցավ «Ascend Armenia Ultra Distance Bikepacking Race 2023» լայնածավալ հեծանվային մրցաշարը, որին մասնակցում էին պրոֆեսիոնալ հեծանվորդներ ավելի քան 20 երկրից։ Հեծանվային երթուղու ընդհանուր երկարությունը կազմել է 1200 կմ և անցել է Վայոց ձորի, Գեղարքունիքի, Տավուշի, Լոռու ու Շիրակի մարզերի բնակավայրերով։

Հեծանվավազքի մրցաշարը բաղկացած էր երկար և կարճ երթաշրջաններից։ Երկար երթաշրջանի մեկնարկը տրվել է հունիսի 25-ին Երևանի Հանրապետության հրապարակից։ Դրան մասնակցում էր 32 մարզիկ, որոնք ամբողջ երթուղին անցան 5-8 օրում։ Կարճ երթաշրջանը մեկնարկել է հուլիսի 2-ին Լոռու մարզի Մարգահովիտ գյուղից։ Երկու երթաշրջանների մասնակիցներն էլ մրցավազքն ավարտեցին Դիլիջանի քաղաքային զբոսայգում, որտեղ կազմակերպվել էր «the Ascend Armenia Cycle Fest» սպորտային հեծանվային փառատոնը։

Մրցաշարի շնորհիվ աշխարհի տարբեր երկրներից, օրինակ՝ ԱՄՆ-ից, Ավստրալիայից, Հունգարիայից, Շվեյցարիայից, Վրաստանից, Բելգիայից, Բելառուսից, Կուբանից, Գերմանիայից եկած մարզիկները, կարողացան բացահայտել Հայաստանը՝ որպես էքստրեմալ զբոսաշրջության նոր ուղղություն: Վազքի երթուղին անցնում էր Հայաստանի գեղատեսիլ բնության միջով՝ մասնակիցներին հնարավորություն տալով վայելել համայնապատկերային տեսարանները, արգելոց անտառները և լեռնային լանդշաֆտները:

Մրցաշարի հաղթողը դարձավ Շվեյցարիայից Ադրիան Լիխթին, երկրորդ տեղը գրավեց Կայ-Ուվե Լենուխը (Գերմանիա), երրորդը՝ Ջեյքոբ Հորան (ԱՄՆ)։

«Ascend Armenia» նախագիծը կարողացավ համախմբել պրոֆեսիոնալ հեծանվորդներին, ակտիվ ապրելակերպի սիրահարներին և պարզապես սպորտի սիրահարներին: Նման մրցաշարերը բարենպաստ միջավայր են ստեղծում սպորտային ենթակառուցվածքների զարգացման, նոր վազքուղիների և մարզահրապարակների ստեղծման, ինչպես նաև երկրի հեծանվային արդյունաբերություն հովանավորների և ներդրողների ներգրավման համար: Ուրախ ենք Դիլիջանում կայանալիք եզրափակիչ մարզական իրադարձության մաս կազմելու համար։ Քաղաքի համար սա նշանակալից իրադարձություն է, որը նպաստում է Դիլիջանի զարգացմանը և նրա՝ որպես կարևոր զբոսաշրջային և սպորտային կենտրոնի դիրքերի ամրապնդմանը»,- մեկնաբանեց «Իմպուլս մենեջմենթ քոմփանի» ընկերության գործադիր տնօրեն Հրանտ Բաբասյանը։

«ՀՀ Զբոսաշրջության կոմիտեն կարևորում է միջազգային հեծանվային մրցաշարի իրականացումը Հայաստանում, քանի որ այն յուրահատուկ հնարավորություն է ընձեռում մեզ՝ ներկայացնելու, իսկ մասնակիցներին՝ բացահայտելու Հայաստանը՝ որպես թաքնված ուղի: Կոմիտեի կողմից Հայաստանի՝ որպես զբոսաշրջային երկիր բրենդավորման հիմքում 4 զբոսաշրջային ուղղություններ են՝ գաստրո, մշակութային, բնահենք և արկածային, իսկ այս միջոցառման շնորհիվ մասնակից հեծանվորդները, որոնցից շատերն առաջին անգամ էին  Հայաստանում, ունեցան բացառիկ հնարավորություն ծանոթանալու այս բոլոր բաղադրիչներին՝ հատկապես բնահենք և արկածային ուղղություններին: Լիահույս ենք, որ միջոցառումը կդառնա ամենամյա և տարեց տարի ավելի մեծ մասշտաբներ կընդգրկի՝ Հայաստանում համախմբելով պրոֆեսիոնալ և սիրողական հեծանվորդներին: Վստահ եմ, որ մեր հյուրերը հասցրել են սիրել Հայաստանի բնությունը, մարդկանց, հյուրընկալությունն ու մշակույթը և վառ տպավորություններով են վերադառնալու իրենց երկրներ՝ Հայաստան կրկին այցելելու մեծ ցանկությամբ», – նշեց ՀՀ ԷՆ զբոսաշրջության կոմիտեի նախագահի օգնական Մարիամ Հակոբյանը:

«Այս տարի առաջին անգամ ենք մեծ թվով միջազգային մարզիկների մասնակցությամբ նման մեծ տարածության վրա հեծանվային երթաշրջան կազմակերպում։ Նրանք կարողացան ոչ միայն ձեռք բերել յուրահատուկ սպորտային փորձ, այլև երկու անիվների վրա բացահայտել եզակի երթուղիներ և ընկղմվել Հայաստանի մշակույթի և հյուրընկալության մեջ: Մենք իսկապես հույս ունենք, որ մեր մրցաշարն ապագայում կներգրավի էլ ավելի շատ մասնակիցների և կդառնա Հայաստանում հեծանվային տուրիզմի զարգացման նոր փուլ»,- նշեց «Ascend Armenia» նախագծի ղեկավար Տաթևիկ Ավետիսյանը։

«Ascend Armenia Cycle Fest»-ը կազմակերպվել է «Իմպուլս մենեջմենթ քոմփանի» ընկերության և Դիլիջանի զարգացման հիմնադրամի (DDF) կողմից՝ Ռուբեն Վարդանյանի և Վերոնիկա Զոնաբենդի կողմից 2012 թվականին մեկնարկած Դիլիջանի զարգացման ծրագրի շրջանակներում։

#bwg_container1_0 #bwg_container2_0 .bwg-container-0.bwg-standard-thumbnails { width: 1254px; justify-content: center; margin:0 auto !important; background-color: rgba(255, 255, 255, 0.00); padding-left: 4px; padding-top: 4px; max-width: 100%; } #bwg_container1_0 #bwg_container2_0 .bwg-container-0.bwg-standard-thumbnails .bwg-item { justify-content: flex-start; max-width: 250px; } #bwg_container1_0 #bwg_container2_0 .bwg-container-0.bwg-standard-thumbnails .bwg-item a { margin-right: 4px; margin-bottom: 4px; } #bwg_container1_0 #bwg_container2_0 .bwg-container-0.bwg-standard-thumbnails .bwg-item0 { padding: 0px; background-color:rgba(0,0,0, 0.30); border: 0px none #CCCCCC; opacity: 1.00; border-radius: 0; box-shadow: ; } #bwg_container1_0 #bwg_container2_0 .bwg-container-0.bwg-standard-thumbnails .bwg-item1 img { max-height: none; max-width: none; padding: 0 !important; } @media only screen and (min-width: 480px) { #bwg_container1_0 #bwg_container2_0 .bwg-container-0.bwg-standard-thumbnails .bwg-item1 img { -webkit-transition: all .3s; transition: all .3s; } #bwg_container1_0 #bwg_container2_0 .bwg-container-0.bwg-standard-thumbnails .bwg-item1 img:hover { -ms-transform: scale(1.08); -webkit-transform: scale(1.08); transform: scale(1.08); } } #bwg_container1_0 #bwg_container2_0 .bwg-container-0.bwg-standard-thumbnails .bwg-item1 { padding-top: 56%; } #bwg_container1_0 #bwg_container2_0 .bwg-container-0.bwg-standard-thumbnails .bwg-title2, #bwg_container1_0 #bwg_container2_0 .bwg-container-0.bwg-standard-thumbnails .bwg-ecommerce2 { color: #323A45; font-size: 16px; font-weight: bold; padding: 2px; text-shadow: ; max-height: 100%; } #bwg_container1_0 #bwg_container2_0 .bwg-container-0.bwg-standard-thumbnails .bwg-thumb-description span { color: #323A45; font-size: 12px; max-height: 100%; word-wrap: break-word; } #bwg_container1_0 #bwg_container2_0 .bwg-container-0.bwg-standard-thumbnails .bwg-play-icon2 { font-size: 32px; } #bwg_container1_0 #bwg_container2_0 .bwg-container-0.bwg-standard-thumbnails .bwg-ecommerce2 { font-size: 19.2px; color: #323A45; }

/*pagination styles*/ #bwg_container1_0 #bwg_container2_0 .tablenav-pages_0 { text-align: center; font-size: 12px; font-weight: bold; color: #666666; margin: 6px 0 4px; display: block; } @media only screen and (max-width : 320px) { #bwg_container1_0 #bwg_container2_0 .displaying-num_0 { display: none; } } #bwg_container1_0 #bwg_container2_0 .displaying-num_0 { font-size: 12px; font-weight: bold; color: #666666; margin-right: 10px; vertical-align: middle; } #bwg_container1_0 #bwg_container2_0 .paging-input_0 { font-size: 12px; font-weight: bold; color: #666666; vertical-align: middle; } #bwg_container1_0 #bwg_container2_0 .tablenav-pages_0 a.disabled, #bwg_container1_0 #bwg_container2_0 .tablenav-pages_0 a.disabled:hover, #bwg_container1_0 #bwg_container2_0 .tablenav-pages_0 a.disabled:focus, #bwg_container1_0 #bwg_container2_0 .tablenav-pages_0 input.bwg_current_page { cursor: default; color: rgba(102, 102, 102, 0.5); } #bwg_container1_0 #bwg_container2_0 .tablenav-pages_0 a, #bwg_container1_0 #bwg_container2_0 .tablenav-pages_0 input.bwg_current_page { cursor: pointer; text-align: center; font-size: 12px; font-weight: bold; color: #666666; text-decoration: none; padding: 3px 6px; margin: 0; border-radius: 0; border-style: solid; border-width: 1px; border-color: #E3E3E3; background-color: rgba(255, 255, 255, 1.00); box-shadow: 0; transition: all 0.3s ease 0s;-webkit-transition: all 0.3s ease 0s; }

if( jQuery('.bwg_nav_cont_0').length > 1 ) { jQuery('.bwg_nav_cont_0').first().remove() } function spider_page_0(cur, x, y, load_more) { if (typeof load_more == "undefined") { var load_more = false; } if (jQuery(cur).hasClass('disabled')) { return false; } var items_county_0 = 1; switch (y) { case 1: if (x >= items_county_0) { document.getElementById('page_number_0').value = items_county_0; } else { document.getElementById('page_number_0').value = x + 1; } break; case 2: document.getElementById('page_number_0').value = items_county_0; break; case -1: if (x == 1) { document.getElementById('page_number_0').value = 1; } else { document.getElementById('page_number_0').value = x - 1; } break; case -2: document.getElementById('page_number_0').value = 1; break; case 0: document.getElementById('page_number_0').value = x; break; default: document.getElementById('page_number_0').value = 1; } bwg_ajax('gal_front_form_0', '0', 'bwg_thumbnails_0', '0', '', 'gallery', 0, '', '', load_more, '', 1); } jQuery('.first-page-0').on('click', function () { spider_page_0(this, 1, -2, 'numeric'); return false; }); jQuery('.prev-page-0').on('click', function () { spider_page_0(this, 1, -1, 'numeric'); return false; }); jQuery('.next-page-0').on('click', function () { spider_page_0(this, 1, 1, 'numeric'); return false; }); jQuery('.last-page-0').on('click', function () { spider_page_0(this, 1, 2, 'numeric'); return false; }); /* Change page on input enter. */ function bwg_change_page_0( e, that ) { if ( e.key == 'Enter' ) { var to_page = parseInt(jQuery(that).val()); var pages_count = jQuery(that).parents(".pagination-links").data("pages-count"); var current_url_param = jQuery(that).attr('data-url-info'); if (to_page > pages_count) { to_page = 1; } spider_page_0(this, to_page, 0, 'numeric'); return false; } return true; } jQuery('.bwg_load_btn_0').on('click', function () { spider_page_0(this, 1, 1, true); return false; });

#bwg_container1_0 #bwg_container2_0 #spider_popup_overlay_0 { background-color: #EEEEEE; opacity: 0.60; }

Արդեն ամենամյա դարձած գաստրոնոմիական մեծ փառատոնը հուլիսի 1-ին և 2-ին անցկացվեց Դիլիջան քաղաքում։ Փառատոնը անցկացվեց Դիլիջանի Աղասի Խանջյանի ամառանոցի տարածքում, որտեղ մասնակցում էին Հայաստանում գործող ավելի քան 20 ռեստորաններ։

Գաստրոֆեստի շրջանակներում մասնակից ռեստորանները առաջին անգամ մրցեցին միմյանց հետ․ նրանց գնահատեցին հյուրերը՝ գաստրոաստղիկների միջոցով։ Հայկական ռեստորանները հնարավորություն ունեցան փորձի փոխանակման՝ ռուս գործընկերների հետ։

ԳաստրոՖեստ 2023-ին նախատեսված էր նաև ընտանեկան ժամանցի գոտի, խոհանոցային վարպետաց դասեր ու ինտերակտիվ շոու-ծրագիր՝ երախաների համար:

Գաստրոֆեստը կազմակերպվում է Time to ստեղծագործական ընկերության կողմից՝ Impulse management ընկերության աջակցությամբ։ Փառատոնը իրականացվում է 2012 թվականին մեկնարկած Դիլիջանի զարգացման ծրագրի շրջանակներում՝ Ռուբեն Վարդանյանի և Վերոնիկա Զոնաբենդի կողմից։



«Դիլիջանի երիտասարդների համագործակցության կենտրոն» ՀԿ նախաձեռնությամբ հուլիսի 28-ին տեղի ունեցավ  հանրային քննարկում «Հնարավո՞ր է ժողովրդավարությունն առանց պոպուլիզմի» թեմայով։ Քննարկումը իրականացվեց Կովկասի ինստիտուտի հետ համագործակցությամբ։  Հանրային քննարկման նպատակը քաղաքացիական հասարակության ներկայացուցիչների հետ պոպուլիզմի հասկացության,  ժողովրդավարության պայմաններում Հայաստանի հասարակական-քաղաքական կյանքում պոպուլիզմի կիրառման դեպքերի, պատճառների և հետևանքների վերաբերյալ քննարկում կատարելն էր։ 

Բանախոսներն էին «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանը և Կովկասի ինստիտուտի  փորձագետ Գոռ Պետրոսյանը:

Անդրադառնալով պոպուլիզմի հիմնական բովանդակությանը, Գոռ Պետրոսյանը ներկայացրեց դրա ծագման պատճառներն ու բացասական ու դրական հետևանքները։

Շարունակելով քննարկումը Դանիել Իոաննիսյանը խոսեց կառավարման համակարգում պոպուլիզմի դրսևորումների, ժողովրդավարական երկրներում իշխանության ինստիտուտների անկախության կարևորության մասին։

Քննարկումն իրականացվում էր  «Պատվաստում ընդդեմ անազատ ժողովրդավարության և պոպուլիզմի» ծրագրի շրջանակներում, որն իրագործվում է Կովկասի ինստիտուտի կողմից՝ ԱՄՆ Գերմանական Մարշալ հիմնադրամի «Սևծովյան վստահություն» նախագծի աջակցությամբ: