Հետազոտական թեմաների հայտերի ներբուհական մրցույթի (2023-2024 ուստարի) հրավեր ԵՊՀ ԻՄ-ի կողմից

«Երևանի պետական համալսարան» հիմնադրամի Իջևանի մասնաճյուղը թեմատիկ ֆինանսավորման շրջանակներում Տավուշի մարզի զարգացման ուղղությամբ հետազոտությունների իրականացման համար միանվագ դրամաշնորհներ կտրամադրի անհատների և գիտաուսումնական խմբերի նախաձեռնությամբ ներկայացված և մրցութային կարգով ընտրված թեմաներին (ԵՊՀ ԻՄ գիտական խորհրդի որոշում 67/4, 08․07․2023թ․):

Դրամաշնորհների մրցույթին կարող են ներկայացվել կոլեկտիվ կամ անհատական հայտեր, որոնք պատրաստվել են ԵՊՀ ԻՄ-ի հաստիքային աշխատակիցների կողմից` պայմանով, որ ղեկավարը և նախագծի ենթադրվող բոլոր կատարողների առնվազն 50 տոկոսը ԵՊՀ ԻՄ-ի աշխատակիցները կամ ուսանողներն են: Յուրաքանչյուր նախագծում կարող է լինել մեկ ղեկավար, և պետք է լինի ԵՊՀ ԻՄ-ի առնվազն մեկ ուսանող:

Հայտը ԵՊՀ ԻՄ-ի գիտական քարտուղարին է ներկայացնում խմբի ղեկավարը մինչև 2023 թվականի սեպտեմբերի 15-ը ներառյալ:

Մրցույթի հայտերը պարունակում են․

 

  1. տեղեկատվություն ծրագրի մասին,
  2. ծրագրի պատասխանատուների կոնտակտային տվյալները,
  3. ծրագրի ազդեցությունը ԵՊՀ ԻՄ-ի կամ Տավուշի մարզի գործունեության վրա, ծրագրի շարունակականությունը,
  4. արդյունքները, դրանց տարածումը և կիրառումը ԵՊՀ ԻՄ-ում կամ տարածաշրջանում,
  5. արտաքին շահակիցների հետ համագործակցությունը ծրագրերի շրջանակում,
  6. հրավիրված մասնագետների, փորձագետների և ուսուցանողների ցուցակը (եթե կան),ծրագրի արդյունքները:

Հրավերի ամբողջական փաթեթին կարող եք ծանոթանալ հետևյալ հղումով։




Բնապահպանական թեմայով բիզնես գաղափարների մրցույթ

«Դիլիջանի երիտասարդների համագործակցության կենտրոն» ՀԿ-ն Հայաստանում «Էկոլոգիականմիջանցքների ստեղծմանն աջակցություն» ծրագրի շրջանակներում հայտարարում է բնապահպանականթեմայով գաղափարների մրցույթ՝  Ենոքավան և Սևքար համայնքների համար ընտանիքների միջև:

Գաղափարները պետք է լինեն այն մասին, թե ինչպես կարելի է բարելավել գյուղական ընտանիքների ապրուստի պայմանները կայուն եղանակով` առանց վնասելու շրջակա միջավայրը։

Գաղափարները պետք է առընչվեն՝

  • Էկոտուրիզմ (Հյուրատների, սրճարանների և ռեստորանների կառուցման առաջարկները ենթակա են մերժման)
  • Զբոսաշրջային փորձառություն՝ ներառյալ վերապատրաստման
    դասընթացներ, մաստեր կլասներ, թեմատիկ տուրեր,կապված բնության, վայրի հավաքի և սննդի հետ
  • Վայրի հավաք, ներառյալ՝ ուտելի խոտաբույսերի, թեյախոտերի, վայրի հատապտուղների, մրգերի, բանջարեղենի հավաք, մթերում, չորացում, մատակարարում
  • Վայրի հավաքի գործընթացի բարելավում կամ եկամուտի ավելացում:
  • Արոտների, անտառների կամ այլ բնական ռեսուրսների կայուն օգտագործում:
  • Մարդ-վայրի կենդանի կոնֆլիկտի լուծում (արջերի, գայլերի և այլ կենդանիների  հարձակումից առաջացած վնասներ):

Գաղափարները պետք է լինեն՝

  • Կայուն, բնության հետ համահունչ
  • Ներառական /ներառեն համայնքին, աշխատատեղ ստեղծեն կամ համայնքին եկամուտ ապահովեն/
  • Աուտենտիկ՝  բնորոշ տվյալ բնակավայրին կամ մարզին, սեզոնայնության նկատմամբ դիմակայուն լինեն:

Հայտերը կդիտարկվեն մրցութային հանձնաժողովի կողմից և արդյունքները կամփոփվեն ամփոփիչ միջոցառման ժամանակ, որի մասին կտեղեկացվի լրացուցիչ։

Սահմանված են մրցութային երեք հիմնական տեղեր․

1․ Մրցանակային տեղ՝ 200,000 ՀՀ դրամ

2․ Մրցանակային տեղ՝ 150,000 ՀՀ դրամ

3․ Մրցանակային տեղ՝ 100,000  ՀՀ դրամ

Հայտերը անհրաժեշտ է ներկայացնել առցանց կամ թղթային (տպագիր) տարբերակով:

Դիմելու համար խնդրում ենք անցնել հետևյալ հղումով՝

ՀԱՅՏԻ ՁԵՎ

Հայտաձևը անհրաժեշտ է լրացնել և ուղարկել` ararat.alikhanyan@yccd.am  էլեկտրոնային հասցեին։

Տպագիր (թղթային) տարբերակները անհրաժեշտ է լրացնել (ձեռագիր) և ներկայացնել համայնքապետարան՝ փակ ծրարով՝ վրան նշելով հայտատուի անուն ազգանունը և կոնտակտային տվյալները։

Հայտերը կարող եք ներկայացնել մինչև ս․թ․հունիսի 15-ը ներառյալ։

Հարցերի դեպքում խնդրում ենք կապ հաստատել ԴԵՀԿ ՀԿ ծրագրերի ղեկավար Արարատ Ալիխանյանի հետ (Հեռ․՝ 091727941,093316748 , էլեկտրոնային հասցե՝ ararat.alikhanyan@yccd.am) ։

Սույն մրցույթը իրակաանցվում է «Էկոմիջանցքների խթանում Հարավային Կովկասում – II» ծրագրի շրջանակներում իրականացվող  «Ֆինանսական մասնակցային մոտեցման իրականացում՝ Հայաստանում սոցիալ-տնտեսական զարգացման համար» բաղադրիչի շրջանակներում «Բնության համաշխարհային հիմնադրամի» Հայաստանի գրասենյակի կողմից։  Ծրագիրը Տավուշի մարզում իրականացվում է «Դիլիջանի երիտասարդների համագործակցության կենտրոն» ՀԿ գործընկերությամբ։

Սույն մրցույթը իրակաանցվում է «Էկոմիջանցքների խթանում Հարավային Կովկասում – II» ծրագրի շրջանակներում իրականացվող  «Ֆինանսական մասնակցային մոտեցման իրականացում՝ Հայաստանում սոցիալ-տնտեսական զարգացման համար» բաղադրիչի շրջանակներում «Բնության համաշխարհային հիմնադրամի» Հայաստանի գրասենյակի կողմից։  Ծրագիրը Տավուշի մարզում իրականացվում է «Դիլիջանի երիտասարդների համագործակցության կենտրոն» ՀԿ գործընկերությամբ։




ԲՏԱ նախարարությունը «Գաղափարի փուլ» բաղադրիչով դրամաշնորհային մրցույթ է հայտարարել. բյուջեն՝ 150 մլն դրամ

ՀՀ բարձր տեխնոլոգիական արդյունաբերության նախարարությունը 2023 թվականի «Գաղափարից մինչև բիզնես» դրամաշնորհային ծրագրի շրջանակներում հայտարարում է «Գաղափարի փուլ» բաղադրիչով դրամաշնորհային մրցույթի մեկնարկի մասին: Այդ մասին հայտնում են ԲՏԱՆ-ից:

Ծրագրի շրջանակում նախատեսվում է դրամաշնորհների տեսքով ֆինանսավորում տրամադրել գաղափարի փուլում գտնվող սկսնակ ընկերություններին, որոնց կողմից ներկայացվող արտադրանքի և (կամ) ծառայության գաղափարը միտված է բարձր տեխնոլոգիաների ոլորտում նոր արժեքի ստեղծմանը և (կամ) տեխնոլոգիաների կիրառմամբ արդի խնդիրների և մարտահրավերների լուծմանը:

Դրամաշնորհային ծրագրի ընդհանուր բյուջեն կազմում է 150.000.000 (հարյուր հիսուն միլիոն) ՀՀ դրամ:  Նախատեսվում է մրցույթը հաղթահարած յուրաքանչյուր ընկերությանը տրամադրել մինչև 5.000.000 (հինգ միլիոն) ՀՀ դրամ:

Մրցույթի վերաբերյալ բոլոր մանրամասները՝ անցկացման կարգը, հայտ կազմելու և ներկայացնելու պայմանները, ներկայացված են նախարարության պաշտոնական կայքում՝ հետևյալ հղումով:




Աջակցություն զբոսաշրջային մեկ բիզնես նախաձեռնությանը

Պետական մարմինը (այսուհետ՝ նաև պատվիրատու)` ՀՀ էկոնոմիկայի նախարարության զբոսաշրջության կոմիտե, որը գտնվում է ք Երևան, Մհեր Մկրտչյան 5 հասցեում, հայտարարում է դրամաշնորհի հատկացման մրցույթ, որը կազմակերպվում է armeps (www.armeps.am) էլեկտրոնային համակարգի միջոցով հետևյալ միջոցառման համար`

  •  Աջակցություն զբոսաշրջային մեկ բիզնես նախաձեռնությանը (Ծածկագիր՝ 12/5-23zb

Մրցույթի արդյունքում հաղթող ճանաչված կազմակերպությանը սահմանված կարգով կառաջարկվի կնքել դրամաշնորհի տրամադրման՝ նվիրաբերության պայմանագիր (այսուհետ` պայմանագիր)։

Սույն մրցույթի անցկացման կարգը, հայտ կազմելու ու ներկայացնելու պայմանները, ինչպես նաև մրցույթին մասնակցելու իրավունք չունեցող կազմակերպություններին ներկայացվող պայմանները սահմանված են հրավերով, որը տեղադրված է armeps (www.armeps.am) էլեկտրոնային համակարգում։

Մրցույթին մասնակցության հայտերն անհրաժեշտ է ներկայացնել էլեկտրոնային ձևով` էլեկտրոնային armeps (www.armeps.am) համակարգի միջոցով մինչև սույն հայտարարության հրապարակման օրվանից հաշված 15-րդ օրը ժամը 17։00-ն:

Հայտերի բացումը տեղի կունենա էլեկտրոնային ձևով` armeps համակարգի միջոցով, սույն հայտարարության հրապարակման օրվանից հաշված 16-րդ օրը ժամը 12։00-ին։

Սույն հայտարարության հետ կապված լրացուցիչ տեղեկություններ ստանալու համար կարող եք դիմել գնահատող հանձնաժողովի քարտուղար` Շաքե Հովսեփյանին։

Ծրագրի մասին ամբողջական տեղեկատվություն կարող եք տեսնել այստեղ։

Հեռախոս՝ 011597157

Էլ. փոստ stc@mineconomy.am




ԵՄ «Տեղական դերակատարների զորեղացում հանուն զարգացման (LEAD) Լոռու և Տավուշի մարզերում» ծրագիր ագրոարտադրողների ասոցիացիաներ ֆորմալ եվ ոչ ֆորմալ խմբեր ձեվավորելու համար

ՀԱՅՏԱՐԱՐՈՒԹՅՈՒՆ

ԵՄ «Տեղական դերակատարների զորեղացում հանուն զարգացման Լոռու և Տավուշի մարզերում» ծրագրի մասին.

ԵՄ «Տեղական դերակատարների զորեղացում հանուն Լոռու և Տավուշի մարզերի զարգացման» ծրագիրը ֆինանսավորվում է Եվրոպական միության կողմից և իրականացվում է ՄԱԿ-ի Զարգացման ծրագրի (ՄԱԶԾ) և ՄԱԿ-ի Պարենի և գյուղատնտեսության կազմակերպության (ՊԳԿ) կողմից՝ ՀՀ տարածքային կառավարման և ենթակառուցվածքների նախարարության հետ սերտ համագործակցությամբ։ Ծրագիրը գործողությունները համակարգում է նաև ՀՀ էկոնոմիկայի նախարարության հետ։ Ծրագիրն իրականացվում է Հայաստանի Լոռու և Տավուշի մարզերում՝ որպես Եվրոպական միության «LEADER»/ Համայնքի կողմից առաջնորդվող տեղական զարգացման(ՀԱՏԶ) հայեցակարգի մաս և նպատակ է հետապնդում Տեղական դերակատարներին ու բնակչությանն ակտիվորեն ներգրավել զարգացման գործընթացներում, ստեղծել տեղական զարգացմանն օժանդակող ենթակառուցվածքներ և բարելավել համապատասխան նախարարությունների ու մարմինների կարողություններն՝ ի նպաստ Հայաստանում ԵՄ ՀԱՏԶ մոտեցման հաջող իրականացմանը և կայունության ապահովմանը։

Ընդհանուր նկարագիր

Ուրախ ենք հայտարարելու ՄԱԿ-ի Պարենի և գյուղատնտեսության կազմակերպության (ՊԳԿ) կողմից համակարգվող նոր «ագրոարտադրողների ասոցիացիաներ, ֆորմալ և/կամ ոչ ֆորմալ խմբեր ձևավորելու» աշխատանքների մեկնարկի մասին, որը կոչված է խրախուսելու ֆերմերների, ագրոբիզնեսների, գյուղատնտեսական կոոպերատիվների և գյուղատնտեսական ուղղվածություն ունեցող այլ կազմակերպությունների միջև համագործակցությունը և գիտելիքների փոխանակումը: Այն նպատակ ունի խթանել կայուն գյուղատնտեսական պրակտիկաները, բարձրացնել արտադրողականությունը և աջակցել համայնքների զարգացմանը:

Ծրագրի միջոցով խմբերին հասանելի կլինեն մի շարք տեխնիկական աջակցություն և ռեսուրսներ, որոնք կօգնեն նրանց հասնել իրենց նպատակներին:

Այն ներառում է.

  • Փորձագիտական ուղղորդում և խորհրդատվություն գյուղատնտեսության փորձառու մասնագետների կողմից
  • Աջակցություն բիզնես պլանի և զարգացման ռազմավարության մշակմանը
  • Կախված խմբի կարիքներից, սեմինարների, վերապատրաստման և ուսումնական նյութերի հասանելիություն մի շարք թեմաներով` հողի վիճակից մինչև շուկայահանում
  • Համատեղ գրասենյակային տարածքի տրամադրում այնպիսի հարմարություններով, ինչպիսիք են ինտերնետ, տպագրական հարմարություններ, հանդիպումների սենյակներ, համակարգիչ, պրոյեկտոր և այլն
  • Աջակցություն գյուղատնտեսական համայնքի այլ խմբերի, ասոցիացիաների, կոոպերատիվների, ներմուծողների և արտահանողների հետ կապեր հաստատելու հարցում
  • Աջակցություն գյուղատնտեսության ոլորտում պետական սուբսիդիաներին, դրամաշնորհային ծրագրերի, վարկերին դիմելու աշխատանքներում
  • Հանդիպումների և միջոցառումների կազմակերպում` օգնելու խմբերին կապ հաստատել և կիսել գիտելիքներն ու փորձը
  • Փորձագետների ցուցումներ և խորհրդատվություն ապրանքանիշի զարգացման և մարքեթինգային ռազմավարությունների վերաբերյալ՝ օգնելու խմբերին մեծացնել տեսանելիությունը և մուտք գործել նոր շուկաներ
  • Գյուղատնտեսության նորագույն տեխնոլոգիաների և փորձի վերաբերյալ վերապատրաստում և կրթական ռեսուրսներ՝ օգնելու խմբերին բարելավել արտադրողականությունն ու կայունությունը
  • Աջակցություն առցանց ներկայացվածությանը, ներառյալ սոցիալական մեդիայի կառավարումը, օգնելու խմբերին հասնել ավելի լայն լսարանի և առաջ մղել իրենց ապրանքանիշը/ծառայությունը

ԼՐԱՑՈՒՑԻՉ ՏԵՂԵԿԱՏՎՈՒԹՅՈՒՆ! Յուրաքանչյուր ՏԱԽ-ի ագրոարտադրողների ֆորմալ և/կամ ոչ ֆորմալ խմբերի կազմակերպման և զարգացման համար ծրագիրը տրամադրելու է համակարգող և հաղորդակցության փորձագետ։

Կարող են դիմել Լոռու և Տավուշի մարզերում ձևավորված ՏԱԽ-երում բնակվող թիմեր, ովքեր

  • ունեն նախնական ձևավորված թիմ և գաղափար, որն ուղղված է նորարարական լուծումներով գյուղատնտեսական ոլորտի մարտահրավերի լուծմանը
  • բնակվում են Լոռու և Տավուշի մարզերում ձևավորված ՏԱԽ-երի համայնքներում
  • զբաղվում են և/կամ պլանավորում են զբաղվել գյուղատնտեսությամբ և/կամ գյուղատնտեսական արտադրանքի վերամշակմամբ և/կամ այս ոլորտում ծառայությունների մատուցմամբ
  • 18 և բարձր տարիքի են,
  • պատրաստ են տրամադրել ժամանակ մասնակցելու ծրագրի կողմից կազմակերպվող հանդիպումներին տեղական և միջազգային մակարդակում,
  • պատրաստ են կատարել առաջադրանքները սահմանված ժամկետներում։
    Առավելությունը տրվելու է կանանց ղեկավարած թիմերին/ կազմակերպություններին։

Ծրագրի ժամանակացույցը, ըստ փուլերի

  • Հայտերի ընդունում – մինչև 10 մայիսի 2023
  • Հայտերի գնահատում և թիմերի ընտրություն –մայիս 2023
  • Խմբերի աշխատանքների կազմակերպում և գործունեության մեկնարկ – հունիս-հուլիս 2023

 

Ինչպե՞ս դիմել

Քայլ 1. Ծանոթացեք ծրագրի մանրամասներին

Քայլ 2.

  • Լրացրեք «Հայտադիմումի ձևը» հայերեն լեզվով և մինչև 2023 թվականի մայիսի 10-ը, ժամը 18:00 ուղարկեք հետևյալ էլ.փոստի հասցեներով՝ lead-lori-tavush@fao.org և anna.hovhannisyan@fao.org, թեմա (subject, тема) բաժնում գրելով «ՏԱԽ-ում խմբեր ձևավորելու հայտադիմում»։
  • Եթե ունեք լրացուցիչ կարևոր տեղեկատվություն, որի մասին ներկայացված չէ հայտադիմումում, խնդրում ենք ուղարկել այն հայտադիմումի հետ։
    Բեռնել՝  Հայտադիմումի ձևը

Քայլ 3. Հայտը ներկայացնելուց 3 աշխատանքային օրվա ընթացքում այն ստանալու մասին պատասխան էլեկտրոնային նամակ չստանալու դեպքում, խնդրում ենք կապ հաստատել (+374 94) 48 87 85 հեռախոսահամարով։

Հայտադիմումի հետ կապված հարցերի դեպքում կարող եք կապ հաստատել (+374 94) 48 87 85 հեռախոսահամարով կամ lead-lori-tavush@fao.org և anna.hovhannisyan@fao.org էլ․ հասցեներին։

Դիմելու վերջնաժամկետն է 2023 թվականի մայիսի 10-ը։

Լրացուցիչ տեղեկատվություն!




Հայաստանի մարզերում փոքր և սկսնակ բիզնեսի զարգացում՝ կանանց համար կրթաթոշակով

Հայաստանի ամերիկյան համալսարանի (ՀԱՀ) Բաց կրթության բաժինը 2022 նոյեմբերին մեկնարկեց «Հայաստանի մարզերում փոքր և սկսնակ  բիզնեսի զարգացում՝ կանանց համար կրթաթոշակով» Սարգիս Քաբայանի անվան ծրագրը։

Ծրագրի նպատակն է նպաստել գործարարության զարգացմանը Հայաստանի  մարզերում` հատուկ աջակցություն ցուցաբերելով կին ձեռներեցներին։ Ծրագիրը պատրաստված է ՀԱՀ  Գործարարության և տնտեսագիտության ֆակուլտետի կողմից և հրավիրում է  բիզնեսով զբաղվող անձանց մասնակցելու խորացված վեցամսյա դասընթացի՝  գործարարության, բիզնեսի կառավարման, ֆինանսների կառավարման և նոր  շուկաների որոնման թեմաներով։ Հիմնական ծրագրին զուգահեռ՝ օտարերկրյա և  տեղացի մենթորները ծրագրի մասնակիցների համար կապահովեն անհատական  և գործնական խորհրդատվություն՝ միտված մասնակիցների բիզնեսների  զարգացմանը և նոր գաղափարների կայացմանը։ Ուսուցման հիմնական  մասը ընթանալու է անգլերենով, ուստի նախապես կկազմակերպվի անգլերենի  դասընթաց։

Ծրագրի հովանավորն է գիտությունների դոկտոր, ամերիկահայ Հրայր Քաբայանը, ով հատկապես կարևորելով որակյալ կրթությունը և կնոջ դերը զարգացած հասարակությունում, սահմանել է լիարժեք կրթաթոշակ իգական սեռի բոլոր ձեռներեց  ուսանողներ  համար։

Առաջին խմբի հայտատուների կողմից ներկայացված բազմազան բիզնես ծրագրերը տպավորիչ են և ներառում են այնպիսի ձեռնարկություններ, ինչպիսիք են՝ ջերմոցային բանջարեղենի արտադրություն, ձեռագործ կաշվե արտադրանք, անձնական և մասնագիտական հմտությունների զարգացման կենտրոն, հագուստի ձևավորում և արտադրություն, ձեռագործ հուշանվերների արտադրություն, հյուրատուն և զբոսաշրջություն, ապիտուրիզմ, թղթի ձեռագործ արտադրություն, արտադրանք վերամշակված նյութերի օգտագործմամբ և այլն:

Ծրագիրը իրականացվում է Շիրակի, Լոռու, Տավուշի, Վայոց Ձորի և Սյունիքի մարզերում և Արցախում։

Ծրագրին մասնակցելու համար անհրաժեշտ է լրացնել հետևյալ հայտադիմումը մինչև մայիսի 21-ը:






ՀՀ ԷՆ զբոսաշրջության կոմիտեն հայտարարում է դրամաշնորհային մրցույթ/ Աջակցություն զբոսաշրջային առնվազն 2 բիզնես նախաձեռնություններին

ՀԱՅՏԱՐԱՐՈՒԹՅՈՒՆ

ԴՐԱՄԱՇՆՈՐՀԱՅԻՆ ՄՐՑՈՒՅԹԻ ՄԱՍԻՆ

04․04․2023թ․

Պետական մարմինը (այսուհետ՝ նաև պատվիրատու) ՀՀ էկոնոմիկայի նախարարության զբոսաշրջության կոմիտե, որը գտնվում է ք․ Երևան, Մհեր Մկրտչյան 5 հասցեում, հայտարարում է դրամաշնորհի հատկացման մրցույթ, որը կազմակերպվում է armeps (www.armeps.am) էլեկտրոնային համակարգի միջոցով հետևյալ միջոցառման համար

Աջակցություն զբոսաշրջային առնվազն 2 բիզնես նախաձեռնություններին (Ծածկագիր՝ 12/4-23zb)։
Մրցույթի արդյունքում հաղթող ճանաչված կազմակերպությանը սահմանված կարգով կառաջարկվի կնքել դրամաշնորհի տրամադրման՝ նվիրաբերության պայմանագիր (այսուհետ պայմանագիր)։

Սույն մրցույթի անցկացման կարգը, հայտ կազմելու ու ներկայացնելու պայմանները, ինչպես նաև մրցույթին մասնակցելու իրավունք չունեցող կազմակերպություններին ներկայացվող պայմանները սահմանված են հրավերով, որը տեղադրված է armeps (www.armeps.am) էլեկտրոնային համակարգում։

Մրցույթին մասնակցության հայտերն անհրաժեշտ է ներկայացնել էլեկտրոնային ձևով էլեկտրոնային armeps (www.armeps.am) համակարգի միջոցով մինչև սույն հայտարարության հրապարակման օրվանից հաշված 15-րդ օրը ժամը 17։00-ն:

Հայտերի բացումը տեղի կունենա էլեկտրոնային ձևով armeps համակարգի միջոցով, սույն հայտարարության հրապարակման օրվանից հաշված 16-րդ օրը ժամը 12։00-ին։

Սույն հայտարարության հետ կապված լրացուցիչ տեղեկություններ ստանալու համար կարող եք դիմել գնահատող հանձնաժողովի քարտուղար Շաքե Հովսեփյանին։

 

Հեռախոս՝ 011597157

Էլ. փոստ` stc@mineconomy.am

ՀՀ էկոնոմիկայի նախարարության զբոսաշրջության կոմիտե




Դրամաշնորհի հնարավորություն ՀՀ-ում ԱՄՆ դեսպանատնից՝ «Ժողովրդավարության հանձնաժողովի փոքր դրամաշնորհների տրամադրման ծրագրի մրցույթի» շրջանակներում

Ինչ է կարևոր իմանալ՝
✅ Դրամաշնորհների չափը մինչև 50,000 💲
✅ Դրամաշնորհների քանակը՝ մինչև 10
✅ Թիրախային ոլորտներ՝ մարդու իրավունքների պաշտպանություն, հանդուրժողականության խթանում, հակամարտությունների կարգավորում, հավասարություն, ներառում և կանանց իրավունքներ
⚠️ Վերջնաժամկետը՝ 16 Ապրիլ 2023
Մանրամասները՝ ուղեցույցում։



Նորարար տեխնոլոգիական գաղափարի մրցույթ

Ունե՞ս նորարար տեխնոլոգիական գաղափար, ապա դիմիր։
ՄԱԶԾ/Կոլբա լաբը քաղաքացիական հասարակական կազմակերպությունների (ՔՀԿ) հետ համագործակցության ակնկալիքով հայտարարում է գաղափարների հատուկ մրցույթ, որի շրջանակներում կձևավորվեն նորարարական գաղափարներ:
Հայտեր կարող են ներկայացնել ՀՀ-ում գործունեություն ծավալող ՔՀԿ-ները, որոնց անդամները անցլեու են եռօրյա ինկուբացիոն ծրագիր, իսկ հայտ ներկայացնող թիմերից 3-ը ստանալու են դրամաշնորհ ( մինչը 7000$ ) իրենց պիլոտային նախագծերը 3 ամսում իրականացնելու համար։
Դիմելու համար՝  shorturl.at/hrQU7
Հայտերի ներկայացման վերջնաժամկետը ՝ 31 մարտ 2023թ.



Կանանց զորեղացման դասընթացների շարք Բերդ համայնքում

Կանանց միամսյակին ընդառաջ սկսում է կանանց ակադեմիայի մասնակիցների հերթագրումը՝ բիզնեսի կառավարման, զբոսաշրջության, գյուղատնտեսության հիբրիդ դասընթացներին, որոնց ավարտին մասնակիները հնարավորություն կունենան ստանալու դրամաշնորհներ՝ իրենց գաղափարները կյանքի կոչելու համար։

Կանանց ակադեմիան ուղղված է Բերդ համայնքի կանանց տնտեսապես հզորացմանը, անդամագրվելու համար գրեք Բերդի կանանց ռեսուրս կենտրոնի էջին կամ զանգահարեք՝ 0999051585։ Վերջնաժամկետը մինչև մարտի 20-ը։

*** Ծրագիրն իրականացվում է Ֆինլանդիայի տեղական համագործակցության հիմնադրամի աջակցությամբ, Բերդի կանանց ռեսուրս կենտրոնի կողմից։