Պատանի դհոլահարների հանդիսավոր համազարկն ազդարարեց Նոյեմբերյան համայնքի Հաղթանակ գյուղի տոնական օրվա մեկնարկը։ Արդեն մի քանի տարի շարունակ գյուղում գեղեցիկ ավանդույթ է ձևավորվել՝ հուլիսի 5-ին՝ Հայաստանի Հանրապետության Սահմանադրության օրը, նշել նաև Հաղթանակի հիմնադրման տարեդարձը։ Այս տարի Հաղթանակի բնակիչները տոնեցին գյուղի հիմնադրման 77-ամյակը։

Տոնական միջոցառումները մեկնարկեցին հայրենիքի համար իրենց կյանքը զոհաբերած հերոսների հիշատակին նվիրված հուշահամալիրում։ Գյուղի հյուրերն ու բնակիչները ծաղիկներ խոնարհեցին հուշակոթողին՝ հարգանքի տուրք մատուցելով նրանց հիշատակին, ովքեր իրենց կյանքը նվիրել են հայրենիքի պաշտպանությանը։

Հաղթանակ բնակավայրի վարչական ղեկավար Վահրամ Շառոյանը իր խոսքում նշեց, որ Հաղթանակում այս օրը վաղուց արդեն համայնքային տոնի է վերածվել՝ միավորելով պետական արժեքների, ազգային խորհրդանիշների և գյուղի պատմության հանդեպ հարգանքը։ Նրա խոսքով՝ օրը խորհրդանշում է գյուղի ու բնակիչների անցած ճանապարհը, համայնքի միասնականությունը, պատասխանատվությունը և ապագայի նկատմամբ հավատը։

Տոնական միջոցառումների կարևոր կանգառներից մեկը դարձավ նաև գյուղի բարձունքը, որտեղ տարիների առաջ տեղադրվել էր Հայաստանի Հանրապետության 24 մետր բարձրությամբ պետական դրոշը։ Դրոշի հարևանությամբ տոնական մթնոլորտը շարունակվեց մշակութային ծրագրով։ Հաղթանակի շնորհալի երիտասարդները հանդես եկան երաժշտական և պարային կատարումներով՝ իրենց կատարումներով գովերգելով հայրենիքը, հավատը, կրթությունն ու ստեղծագործ աշխատանքը։

Լուսանկարները` Արմեն Իսրայելյանի

Դեբեդ գետի աջ ափին գտնվող Հաղթանակ գյուղը խորհրդային տարիներին եղել է Թումանյանի անվան սովետական տնտեսությանը կից ավան։ Հետագայում այն ստացել է գյուղական բնակավայրի կարգավիճակ և այսօր ընդգրկված է Նոյեմբերյան խոշորացված համայնքի կազմում։

Հաղթանակի բնակիչների համար հուլիսի 5-ը դարձել է եռատոն՝ համատեղելով Հայաստանի Հանրապետության Սահմանադրության օրը, պետական խորհրդանիշների օրը և գյուղի հիմնադրման տարեդարձը։ Հաղթանակցները վստահեցնում են՝ նախաձեռնությունը շարունակական է լինելու՝ ամեն տարի համախմբելով գյուղի բնակիչներին, նախկին հաղթանակցիներին և հյուրերին՝ արժևորելու համայնքի պատմությունը, պետականությունը և ազգային արժեքները։

Կարդացեք նաև՝

Դհոլահարների համազարկով Հաղթանակ գյուղում մեկնարկում են գյուղի հիմնադրման օրվա առթիվ միջոցառումները։ Նոյեմբերյան համայնքի Հաղթանակ գյուղում արդեն գեղեցիկ ավանդույթ է ձևավորվել՝ Հայաստանի Հանրապետության Սահմանադրության օրը նշում են նաև գյուղի հիմնադրման օրը։ Այս տարի Հաղթանակի հիմնադրման 76 ամյակի միջոցառումները մեկնարկեցին հանուն հայրենիքի զոհված հայրենակիցների հիշատակը հավերժացնող հուշահամալիրում։

Նախորդ տարի գյուղի հիմնադրման առիթով Հաղթանակի բարձունքին տեղադրվեց Հայաստանի պետական դրոշը՝ 24 մետր բարձրությամբ։ Դրոշի վերխոյացման խորհուրդը պետական խորհրդանիշների արժևորումն է, ինչին էլ այսօր ծառայում է այն։ Գյուղի բարձունքին Հաղթանակի տաղանդաշատ երիտասարդներն են մշակութային կատարումներով՝ գովերգելով հայրենիքը, հավատը, կրթությունն ու աշխատանքը։

Հաղթանակը Դեբեդ գետի աջափնյակում է գտնվում։ Խորհրդային միության տարիներին այն եղել է Թումանյանի անվան սովետական տնտեսությանը կից ավան, որից հետո ստացել է գյուղական բնակավայրի կարգավիճակ ու այժմ էլ Նոյեմբերյան խոշորացված համայնքի կազմում է։

Հուլիսի 5-ը հաղթանակցիների օրացույցում կրկնակի տոներ են՝ Սահմանադրության օրն ու գյուղի օրը, որն ավանդույթի ուժով նշվելու է ամեն տարի։

Լուսանկարները՝ Շաքե Ավագյանի։

Դեկտեմբերի 11-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Հաղթանակ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

Հայաստանի Հանրապետության Սահմանադրության օրը Նոյեմբերյանի Հաղթանակ գյուղում այսուհետ նշվելու է գյուղի հիմնադրման օրը։ Այս տարի Հաղթանակի հիմնադրման 75-ամյակի առիթով գյուղի բարձունքին տեղադրվեց Հայաստանի պետական դրոշը՝ 24 մետր բարձրությամբ։

Բարձունքը, որտեղ բարձրացվեց եռագույնը, հետագայում դառնալու է փառատոների, մշակութային միջոցառումների անցկացման վայր, ինչպես նաև Նոյեմբերյանի զբոսաշրջության քարտեզի գրավիչ ու տեսարժան ուղղություններից մեկը։

Դրոշի տեղադրման միջոցառման նախաձեռնողը Հաղթանակի վարչական ղեկավարն է, իսկ դրոշը գյուղին նվիրել է գործարար Աշոտ Փանոյանը։ Հաղթանակը Դեբեդ գետի աջափնյակում է գտնվում։ Խորհրդային միության տարիներին այն եղել է Թումանյանի անվան սովետական տնտեսությանը կից ավան, որից հետո ստացել է
գյուղական բնակավայրի կարգավիճակ ու այժմ էլ Նոյեմբերյան խոշորացված համայնքի կազմում է։

Տոնական, խորհրդնշական օրվա միջոցառմանը իրենց ազգային-հայրենասիրական կատարումներով հանդես եկան մանկապատանեկան պարային ու երաժշտական խմբերը, երգիչներ։ Այսուհետ հուլիսի 5-ը հաղթանակցիների համար կրկնակի տոներ են՝ Սահմանադրության օրն ու Հաղթանակ գյուղի օրը։

Սեպտեմբերի 19-ին Ադրբեջանի կողմից սանձազերծված պատերազմից հետո բռնի տեղահանված Վարսիկ Սարգսյանի բազմազավակ ընտանիքը Ասկերանի Սղնախ գյուղից էր: Ընտանիքը այժմ ապրում է Տավուշի մարզի Հաղթանակ գյուղում։

Հեղինակ՝ Նոյեմբերյան համայնքից Տավուշ Մեդիայի թղթակից Հրանուշ Անանյան։