Այսօր՝ հուլիսի 25-ին, ՀՀ Տավուշի մարզպետ Հայկ Ղալումյանը պատվոգրերով և հուշանվերներով պարգևատրել է Իջևանի համայնքապետի 1-ին տեղակալ Արգիշտի Ամիրխանյանին, Իջևանի համայնքապետարանի, ՀԷՑ-ի և ԳԳՄ-ի մի խումբ աշխատակիցների 2023թ. հունիսի 19-ին Իջևան քաղաքում տեղի ունեցած կարկտահարության և ջրհեղեղի հետևանքների վերացման գործում դրսևորած մասնագիտական պատրաստվածության, փրկարարական աշխատանքները մեծ պատասխանատվությամբ և բարձր մակարդակով իրականացնելու համար:

Կոթեցի բարերար Սամսոն Սարատիկյանի ջանքերով հայրենի Կոթի գյուղում կառուցվել է մանկական պուրակ, որի բացման հանդիսավոր արարողությունը տեղի կունենա հուլիսի 22-ին։

Նոյեմբերյան համայնքի Կոթի բնակավայրի վարչական ղեկավար Անդրանիկ Հախվերդյանը Տավուշ Մեդիայի հետ զրույցում տեղեկացրեց, որ բացման մեկնարկը տրվելու է ժամը 16։00-ին․ միջոցառման սկզբում գեղեցիկ երաժշտական և պարային կատարումներով հանդես կգան Կոթիի Մշակույթի տան տաղանդաշատ պատանի-երիտասարդները։

Միջոցառման երկրորդ հատվածում մասնակիցները կվայրելեն Ռուբեն Հախվերդյանի, Աղասի Իսպիրյանի, Միհրան Ծառուկյանի և այլ երգիչների կատարումները։
Միջոցառումը ուղեկցվելու է ցուցահանդես-վաճառքներով․ օրը կավարտվի ավանդական դարձած խարույկով և հրավառությամբ, – հավելեց Ա․ Հախվերդյանը։

Հանդիսավոր արարողությունից բացի օրը նշանավորվում է ևս մեկ գաղափարով․ այս տարվանից սկսած յուրաքանչյուր տարի Վարդավառին նախորդող օրը նշվելու է «Կոթիի օր», որը ըստ գյուղի ղեկավարի միասնության ամրապնդման, համերաշխության, ներդաշնակության, ազգային արժեքներին հավատարիմ մնալու գործում կարևոր դեր ու նշանակություն ունի։

Նախօրեին առատ անձրևի ու երկարատև կարկտահարության պատճառած տարբեր ծավալների վնասների հավաքագրման ու գույքագրման նպատակով Իջևանի համայքնապետարում ստեղծվել է հաձնաժողով։

Անոմալ եղանակի պատճառած վնասների մասին կարող եք տեղեկացնել՝ դիմելով Իջևանի համայնքապետարան կամ զանգահարել նշված հեռախոսահամարներին․

093100112 – Արմեն Սայադյան

095060601 – Ռուբեն Վարշամյան

077652316 – Փառանձեմ Ադամյան

Ապրիլի 29-ի վաղ առավոտից Տավուշի մարզում մեկնարկել է համապետական շաբաթօրյակը։ Համապետական միջոցառմանը մասնակցում են մարզի տարածքում գործող պետական ու մասնավոր հիմնարկ-ձեռնարկությունների, հասարակական կազմակերպությունների աշխատողներ, ուսանողներ ու դպրոցականներ, անհատ քաղաքացիներ։

Առավոտից շաբաթօրյակի են դուրս եկել նաև Տավուշի մարզպետարանի աշխատակիցները։ Նրանք մաքրում ու բարեկարգում եմ մարզպետարանի շենքի շրջակայքն ու հարակից ու այգին։

Դիլիջան համայնքում շարունակվում են մաքրման, տարածքների բարեկարգման աշխատանքները:

Այս անգամ լուսանկարները Դիլիջան համայնքի բնակավայրերից, մանկապարտեզներից, դպրոցներից, թանգարանի և այլ կառույցների տարածքներից են:

Տավուշի մարզում համապետական շաբաթօրյակի շրջանակներում բարեկարգվել են պատմամշակութային հուշարձանների հարակից տարածքները, հատուկ պահպանվող տարածքները, կանաչ գոտիները, պուրակները, զբոսայգիները, միջպետական և միջհամայնքային ճանապարհների եզրերն ու հարակից տարածքները: Բնակավայրերում նաև ծառատունկ է իրականացվել։ Շաբաթօրյակին է միացել նաև Բերդի համայնքը։

343916547 1367859214058871 4097325086989966412 n

343928087 1467646990435698 7699120570514341685 n

343927483 1626759124506847 3082759351827489173 n

336049731 1589217261566886 2331544776023926090 n

343931932 1863042630761664 354897486684121850 n

Ֆրանսիայի հայկական հիմնադրամի աջակցությամբ Տավուշի մարզի Բերքաբեր համայնքի 29 ընտանիք արդեն ապահովվել է շուրջօրյա տաք ջրով, շուտով ևս տասը ընտանիք կօգտվի Հիմնադրամի վերականգնվող էներգիայի ծրագրից:

Նշենք, որ «Հայաստան» հիմնադրամը ժամանակին արևային ֆոտովոլտային կայան է տեղադրել նաև համայնքի դպրոցի տանիքին, մեկ այլ կայան նախատեսվում է տեղադրել մանկապարտեզի տանիքին:
Հիշեցնենք, որ Հիմնադրամը Բերքաբեր համայնքում իրականացրել է նաև ջրամատակարարման և արտաքին լուսավորության ծրագրեր:

«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը հրավիրում է Շիրակի, Լոռու և Տավուշի մարզերի ԶԼՄ ներկայացուցիչներին և բլոգերներին` մասնակցելու «Ես կարող եմ կոտրել կարծրատիպեր իմ համայնքում» ծրագրի շրջանակներում կազմակերպվող երկօրյա դասընթացին։

Դասընթացը տեղի կունենա փետրվարի 25-26-ը, Ծաղկաձորում։
Դիմումներն ընդունվում են մինչև փետրվարի 10-ը։

Դասընթացով հետաքրքրված անձինք կարող են լրացնել առցանց հայտադիմումը՝ անցնելով հղումով։
https://forms.gle/Hfq4wF64fZgko4mu9
Մանրամասները` https://bit.ly/40axyyA

Շարունակում ենք ներկայացնել Իջեւանի ներհամայնքային տրանսպորտի աշխատանքի բաարելավմանն ուղղված արշավի արդյունքները:

Անցած չորս ամիսների ընթացքում ՔԵԿ-ը իրականացրել է ներհամայնքային տրանսպորտի բնագավառում մատուցվող ծառայությունների որակի գնահատում, ծառայությունների որակի վերաբերյալ հանրային կարծիքի ուսումնասիրություն, իրականացվել է նաեւ հանրային քննարկում՝ համայնքային իշխանությունների, ՀԿ-ների, կրթական հաստատությունների եւ երիտասարդների մասնակցությամբ՝ գրանցված արդյունքները ներկայացնելու եւ լուծման ուղիներ քարտեզագրելու նպատակով:

Զարգացնելով արշավի շրջանակներում իրականացվող գործողությունները՝ այսօր ՔԵԿ-ը հանդիպում ունեցավ Իջեւանի համայնքապետ Արթուր Ճաղարյանի եւ համայնքապետարանի տրանսպորտի բաժնի պետ՝ Էդգար Ասլանյանի հետ՝ հանրային տրանսպորտի աշխատանքի որակի բարելավմանն ուղղված առաջարկությունների փաթեթը ներկայացնելու նպատակով, որը իր մեջ ներառում է.

-Հանրային տրանսպորտի ժամային գրաֆիկի վերանայում:
-Վարորդների հետ կնքվելիք պայմանագրերում վարքագծի կանոնների ներառում:
-Տրանսպորտային միջոցների բարելավում, այն է՝ փոխադրամիջոցի վրա երթուղին ներկայացնող դիմային եւ կողային երկլեզու ցուցանակների, գնի ու վարորդի վարքագծի կանոնների վերաբերյալ տեղեկատվության տեղադրում:

Նշենք, որ վարքագծի կանոնների մշակման աշխատանքը ստանձնել էր ՔԵԿ-ը Իջեւան համայնքում գործող մի քանի ՀԿ-ների հետ համատեղ՝ Իջեւան Ինֆոտուն, Նորարարական Հաբ, Հանուն Իրավահավասարության իրավապաշտպան ՀԿ: Հանդիպման ընթացքում ՀԿ-ները բարձրաձայնեցին նաեւ վարորդների համար առաջին բուժօգնության, վարքագծի կանոնները ներկայացնող հատուկ դասընթացներ անց կացնելու պատրաստականության մասին:

Պայմանավորվածություն է ձեռք բերվել հետագա հանդիպման մասին՝ կատարված առաջարկությունների իրականացման ընթացքը քննարկելու եւ հետագա անելիքները հստաեցնելու նպատակով:

Շնորհակալություն ենք հայտնում Իջեւանի համայնքապետարանին եւ մեր գործընկեր ՀԿ-ներին համագործակցության, առաջարկությունների շուրջ արդյունավետ քննարկում ունենալու համար:

1. «Զորավոր համայնք» դաշինքի կողմից առաջադրված թեկնածու Աստղիկ Հակոբյանը ստացել է 11 ձայն:
2. «Քաղաքացիական պայմանագիր» կուսակցության կողմից առաջադրված թեկնածու Վահրամ Սուքիասյանը` 8 ձայն:
3. «Արժանապատիվ սերունդ» դաշինքի կողմից առաջադրված թեկնածու Արթուր Սաֆարյանը՝ 2 ձայն:

Տավուշի մարզի Բերդ համայնքում նախնական արդյունքներով հաղթանակ է տարել «Զորավոր համայնք» դաշինքը։

Ձայների բաշխումն այսպիսին է․
Քվեարկության մասնակիցների ընդհանուր թիվը` 11095:

3. «Արժանապատիվ սերունդ» դաշինք` 1097,
2. «Քաղաքացիական պայմանագիր» կուսակցություն` 4298,
1. «Զորավոր համայնք» դաշինք` 5685