Դիլիջանում նշել են Անկախության 34-րդ տարեդարձը
Դիլիջանի համայնքապետարանի նախաձեռնությամբ սեպտեմբերի 21-ին քաղաքի կենտրոնական հրապարակում նշվեց Հայաստանի Հանրապետության Անկախության 34-րդ տարեդարձը:
«Միջոցառումը մեկնարկեց հանդիսավոր բացմամբ և պետական հիմնով։ Ելույթ ունեցան Դիլիջանի մանկական երաժշտական դպրոցի ժողովրդական գործիքների անսամբլը և Դիլիջան քաղաքի մշակույթի պալատի փողային նվագախումբը, Հովհ. Շարամբեյանի անվան գեղարվեստի դպրոցի պարային խմբերը, ինչպես նաև «Դելառտե» բենդը», – հայտնում են Դիլիջանի համայնքապետարանից:
Միջոցառմանը ներկա են եղել համայնքի բնակիչներն ու հյուրերը, համայնքապետարանի աշխատակիցները:
