Ֆրանսիայի հայկական հիմնադրամի աջակցությամբ Տավուշի մարզի Բերքաբեր համայնքի 29 ընտանիք արդեն ապահովվել է շուրջօրյա տաք ջրով, շուտով ևս տասը ընտանիք կօգտվի Հիմնադրամի վերականգնվող էներգիայի ծրագրից:

Նշենք, որ «Հայաստան» հիմնադրամը ժամանակին արևային ֆոտովոլտային կայան է տեղադրել նաև համայնքի դպրոցի տանիքին, մեկ այլ կայան նախատեսվում է տեղադրել մանկապարտեզի տանիքին:
Հիշեցնենք, որ Հիմնադրամը Բերքաբեր համայնքում իրականացրել է նաև ջրամատակարարման և արտաքին լուսավորության ծրագրեր:

Վերջերս Ֆրանսիայի «Հայաստան» հիմնադրամի ներկայացուցիչներն այցելել են իրենց կողմից հիմնադրած Լուսաձորի ֆերմա (Տավուշի մարզ):

Այստեղ գործող պանրի գործարանում աշխատում է շուրջ 30 հոգի, իսկ ֆերմայի բարիքներից օգտվում է ավելի քան 8000 ընտանիք:

Հիմնադրամի ներկայացուցիչները մասնակցել են պանրի պատրաստման գործընթացին, ծանոթացել են ռուսական շուկայում հաջողությամբ իրացվող արտադրատեսակներին, այցելել են ջերմոցներ և պտղատու այգիներ, ինչպես նաև քննարկումներ ունեցել գյուղատնտեսների հետ։

Նշենք, որ Ֆրանսիայի «Հայաստան» հիմնադրամը «Հիմնատավուշ» զարգացման հիմնադրամի հետ համատեղ գործունեության ընթացքում Տավուշի մարզի 17 գյուղերի ֆերմերներին նվիրաբերել է ավելի քան 200.000 պտղատու ծառերի տնկիներ: