«Հրամանատար, քո գործն անմահ է»․ խաչքարի բացում՝ ի հիշատակ կապիտան Արմեն Սահակյանի
![](https://i0.wp.com/tavushmedia.am/wp-content/uploads/2024/04/photo_2024-04-02_20-26-19.jpg?fit=128%2C73&ssl=1)
Արցախյան 44-օրյա պատերազմում զոհված, կապիտան Արմեն Սահակյանը մարտի 31-ին 30 տարեկան կդառնար: Ի հիշատակ Արմենի՝ նրա ծննդյան օրը Իջևանում Տավուշի թեմի առաջնորդ Տեր Բագրատ արքեպիսկոպոս Գալստանյանի ձեռամբ խաչքար օծվեց: Խաչքարը տեղադրվել է Սահակյան ընտանիքի ջանքերով:
Արմեն Սահակյանը մասնակցել է Ապրիլյան քառօրյա պատերազմին և ոչ մի պարագայում իր զորքին թույլ չի տվել նահանջել դիրքերից: 2020 թվականին առանց երկմտելու և նույնիսկ ընտանիքի անդամներին հրաժեշտ տալու մեկնել է Արցախ՝ պաշտպանելու հյուսիսային հատվածի՝ Մատաղիսի դիրքերը: Մոտ մեկ ամիս հրամանատարին վայել հզորությամբ պահել է դիրքերը. զոհվել է Դրմբոնը պաշտպանելիս՝ հոկտեմբերի 28-ին, անօդաչու թռչող սարքի հարվածից: Հետմահու պարգևատրվել է «Մարտական ծառայություն» մեդալով։