Կոլորիտ, տավուշյան պատմություններ ու լավ հիշողություններ։ Հրանտ Ղազումյանի «Մակարդակով կոֆե» շարքի հերթական ռեպորտաժն այս անգամ Թբիլիսիից է։
Մեր հայրենակից, թբիլիսիաբնակ Տիկին Էլմիրան պատմում է Տավուշի սարերում՝ Կոթի գյուղում անցկացրած անմոռանալի մանկության մասին։
Կարելի է ապացուցված փաստ համարել․ աշխարհի որ անկյունում էլ գտնվելիս լինես՝ տավուշյան ջերմությունը կանչելու է մի բաժակ սուրճի՝ մակարդակով կոֆեի շուրջ համով-հոտով զրուցելու։
Այս տեսանյութում մենք ապացուցում ենք, որ մակարդակով կոֆեն կարող է լինել նաևա ռանց սուրճի։ Տավուշի բարբառով մեր հայրենակիցներին ողջունում են Նարինե Աբգարյանը և Հերմինե Ստեփանյանը։
Տավուշահամ ու Տավուշի բարբառով․ Հրանտ Ղազումյանի արտահերթ «Մակարդակով կոֆե»-ն՝ «Զուլալի» ֆիլմի ստեղծագործական անձնակազմի հետ։
Տավուշում մշակութային հրավառություն էր․ Բերդում տեղի ունեցավ կինոռեժիսոր Հայկ Օրդյանի «Զուլալի» ֆիլմի տավուշյան պրեմիերան։ Դե, իսկ էլ ինչ մշակութային իրադարձություն առանց մեզ․․․
Տավուշյան հետաքրքիր պատմությունների փնտրտուքով այս անգամ Գոշ գյուղում էինք՝ Անուշ տատի հյուրընկալ հարկի տակ։
«Մակարդակով կոֆե» շարքում այս անգամ սուրճի հետ վայելելու տնական կաթնահունց ենք թխում, վերջում էլ վառարանից հավաքում ենք տաք-տաք դիլիմը։
Անուշ տատը միաժամանակ մեծ հպարտությամբ պատմում է մեզ գյուղի պատմական ժառանգության՝ մեծ վարդապետ Մխիթար Գոշի հիմնադրած վանքի, գյուղի և գյուղական իր կյանքի մասին։
«Իմ երջանկությունն իմ զավակներն են, իմ թոռներն ու ծոռները․ իմ գանձն ու հարստությունն իմ ընտանիքն է», – ասում է նա։
Տավուշը բացահայտելու ճանապարհին այս անգամ կանգ առանք Հովք գյուղում․ կենցաղ, խոհանոց, ավանդույթներ։ Դե, իսկ հետաքրքիր զրույցը ծավալվում է տիկին Աննայի հետ փռան մեջ հաց թխելու ընթացքում։
«Մակարդակով կոֆե» շարքում տիկին Աննան պատմում է Հովքի սարերում իր մանկության, Գանձաքարից Հովք հարս գալու և տավուշյան փռան հետ դեռ վաղուց ձգվող իր «ընկերության» մասին։
«Շատ-շատ եմ սիրում Հովքը, Տավուշն ընդհանրապես շատ եմ սիրում։ Եղել եմ տարբեր տեղեր, բայց մեկ ա՝ Հովքից էն կողմ ուրիշ տեղ չեմ տեսնում․․․ Ամեն ինչ անում ենք, որ երիտասարդներին օգնենք՝ մնան գյուղում»,- ասում է նա։
Տավուշյան կոլորիտ, լավ տրամադրություն, ջերմագին ընդունելություն, տավուշահամ զրույցներ․ այս ամենը և ավելին կգտնեք Տավուշ գյուղում։
Վարդուհի Պողոսյանն է, ով իր կենսախնդությամբ և հյուրասիրությամբ անտարբեր չի թողնում և ոչ ոքի․ բարի գալուստ Իրական Տավուշ։
Սուրճի մրուրի մեջ բախտը փնտրելու փոխարեն «Մակարդակով կոֆե» շարքում ամուր ընտանիքի և սիրուն ու երջանիկ կյանքի գաղտնիքները սովորում ենք մեծերից։
Գեղարքունիքի մարզի Թթուջուր գյուղից՝ Տավուշի Իջևան քաղաք. առույգ, բանիմաց, աշխատասեր. Սուսան տատն է՝ իր գործի գիտակ, ում համար կար ու ձև անելը սոսկ աշխատանք չէ, այլ ապրելակերպ:
«Մակարդակով կոֆե» շարքում Հրանտ Ղազումյանի հետ ծանոթացանում ենք Սուսան տատի հետ՝ մի բաժակ սուրճի և տավուշահամ զրույցների շուրջ:
Դե, իսկ զրույցի հիմնական թեման «էն մեր ամենասիրածը»՝ ամուսնությունն է։
Սուսան տատն ասում է. «Իրար հետ առած էն մի կաստրունգեն կապըմ ա իրար հետ. վեր իրար հետ էդ պյանը արին՝ իրար հետ էդ պատը պատեցին, էդ գործն արին իրար հետ… եթե իրար սիրեցին՝ ամեն ինչով յոլա դեն քյալ»:
Առաջարկում ենք գարնանային լավ տրամադրությունը կրկնապատկելու մեր՝ տավուշյան բաղադրատոմսը։
Այսպես՝ վերցնում ենք իջևանյան լեգենդար արտահայտությունների, սովորույթների ու «ստերի» հերթական չափաբաժինը, ավելացնում մակարդակով կոֆե Գոշ գյուղից, ապա՝ մեկ բաժին հետաքրքիր վլոգ Լուսահովիտից։ Այս ամենն, իհարկե, համեմում ենք մեր հաղորդավար Հրանտ Ղազումյանի մատուցմամբ, և կարելի է վայելել «Մեր բարբառն ու բարքերը» հաղորդաշարի հերթական թողարկումը։
Այս անգամ «Մեր Բարբառն ու Բարքերը» հաղորդաշարն սկսելու ենք․․․ազգային պարով։ Ապա գնալու ենք Հովք՝ տաք փռի մոտ տիկին Աննայի հետ անուշ զրույց ունենալու, մի թեթև «ծիկրակելու» ենք Խաշթառակ, ինչպես նաև հասցնելու ենք խոսել տավուշյան հարսանիքի արարողության մասին։
Դենի վախտվա՞, թե՞ էսօրվա հարսանիքներ, հարսանիքի տևողությունը, ծախսը, նվերները, իմաստն ու անիմաստը՝ համեմված ազգագրությունից ու ավանդույթներից կարճ ակնարկներով։ Մի խոսքով՝ համակողմանորեն ուսումնասիրել ենք նաև տավուշյան հարսանիքը։
«Մեր բարբառն ու բարքերը» հաղորդաշարի հերթական «արտագնա» թողարկումը Բերդի տարածաշրջանից է:
Այս թողարկման մեջ դիտեք․ ընտանիք կազմելու՝ «վախտն ա»-ին հաջորդող փուլի մասին՝ հարսի տուն քյնալ, խոսք մյանալ, աղջիկ փախցնել և շատ ավելին: Այս ամենը համեմել ենք Վարդուհի տատի հետ տավուշահամ զրույցներով ու… Համո Սահյանով:
