«Խոսք ու զրույց» հաղորդման ժամն էր՝ մեր երեկոյան եթերում, այս անգամ տաղավարում մեր հյուրը Իջևան համայնքի ղեկավար Արթուր Ճաղարյանն էր։ 

Երիտասարդ տարիքում ունեցած նպատակների, կյանքում կայացրած կարևորագույն որոշումների, Իջևանը սիրելու ու դեպի քաղաքական դաշտ մուտքի մասին զրուցել ենք պարոն Ճաղարյանի հետ։

Մեր հյուրը ընդգծում է՝ մարդկային փոխհարաբերություններում առաջնայինը մարդուն լսել կարողանալն է․ «Չպետք է քեզ վեր դասես դիմացինից, այլ ընդունես ինչպես հավասարը հավասարին»։ 

 Ձեզ մաղթում ենք հաճելի դիտում և հրավիրում՝ գրելու մեկնաբանություններում, թե հաջորդիվ ում կցանկանայիք տեսնել Տավուշ ՀԸ տաղավարում։



Էջմիածնի թիվ 1 երաժշտական դպրոցում տեղի ունեցած «Փոքրիկ-քայլ» մանկապատանեկան երաժշտական միջազգային մրցույթ-փառատոնին Իջևան համայնքի Ազատամուտի Արվեստի դպրոցի աշակերտ Հասմիկ Ղազարյանը զբաղեցրել է առաջին հորիզոնականը:

Հասմիկ Ղազարյանը սովորում է Ազատամուտի Արվեստի դպրոցի վոկալի բաժնի 2-րդ դասարանում: Փառատոնի ընթացքում նրան նվագակցել է դպրոցի տնօրեն Ս. Էլիբեկյանը:
Հասմիկի ուսուցիչը Վարդուհի Օթարյանն է:

«Փոքրիկ-քայլ» մանկապատանեկան երաժշտական մրցույթն անցկացվում է 4-րդ անգամ՝ հնարավորություն ընձեռելով ինչպես հայ, այնպես էլ այլազգի մասնակիցների դառնալու երաժշտական տոնի մի մասը։
Ավելի քան 1700 տաղանդաշատ պատանիներ իրենց կատարումներով պայքարեցին լավագույնի կոչման համար` 12 անվանակարգերում:

Մրցույթն անցկացվում է ՀՀ ԿԳՄՍ նախարարության աջակցությամբ: