Մարտի 19-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Իջևան համայնքի Այգեհովիտ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

Մարտի 15-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Իջևան համայնքի Վազաշեն բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 12-ին պլանային նորոգման աշխատանքներ իրականացնելու նպատակով ժամը 10։00-13։00-ը կդադարեցվի Տավուշի մարզի հետևյալ հասցեների էլեկտրամատակարարումը`

Իջևան համայնք` Խաշթառակ, Լուսաձոր, Լուսահովիտ գյուղեր:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Սահմանամերձ Սարիգյուղն է` հայ-ադրբեջանական սահմանից 2 կիլոմետր հեռավորության վրա: Չնայած որ Սարիգյուղը զարգացման ներուժ ու ռեսուրսներ ունեցող բնակավայր է, սակայն այսօր էլ գյուղում առկա են բազմաթիվ խնդիրներ, որոնց շարքում մտահոգիչ ու խնդրահարույց է անմխիթար ու կիսավեր մշակույթի տունը: Այն շահագործման է հանձնվել 1984 թվականին, իսկ 2007թվականից արդեն դադարեցրել է իր գործունեությունը: Մշակույթի տունը երկար ժամանակ հանդիսացել է սարիգյուղցիների ու հարակից գյուղերի բնակիչների մշակութային կյանքի կենտրոնը։ Այսօր էլ գյուղի ավագ սերունդը ջերմությամբ է հիշում, թե ինչպես էր ժամանակին մշակույթի տունն իր տանիքի ներքո հյուրընկալում Հայաստանի վաստակաշատ արտիստների, մշակութային գործիչների, ինչ բազմամարդ միջոցառումներ էին անցկացվում գյուղում. դրոնք կարող էին համեմատվել միայն մայրաքաղաքում  կազմակերպվող միջոցառումների հետ։ Գյուղացիները հպարտությամբ նշում են, որ չնայած մարզկենտրոնը Իջևանն էր, սակայն մշակութային կյանքի զարկերակն անցնում էր իրենց գյուղով․ բոլորը գալիս էին Սարիգյուղ՝ իրնեց աչքով տեսնելու և զգալու մշակույթի անհավանական ուժը։ Տավուշ Մեդիան 2021 թվականից  գնաց Սարիգյուղի մշակույթի տան ավերակի վերածած թալանի հետքերով: Տեղեկություն ունեինք, որ դրամահավաք է իրականացվել, ինչպես նաև՝ միջամտել են տեղական ինքնակառավարման մարմինները:

Այսօր էլ երբեմնի աշխույժ ու հարուստ անցյալ ունեցող մշակույթի տան դռները փակ չեն, սակայն ոչ այն պատճառով, որ մշակութային կյանքն առաջվա նման եռում է, և հադիսատեսների հերթեր են գոյանում մուտքի մոտ, այլ շենքի դռներն ու պատուհանները, ինչպես նաև ողջ գույքը ավերվել է, անհետացել և լոկ մամռակալած ու կիսաավեր պատերի վրա մնացած հատուկենտ պահպանված նկարազարդումներն են հուշում շենքի երբեմնի ճոխության ու փառքի մասին։ Ավելին՝ այսպես շարունակվելու և մաս մաս տարհանվել-տեղահանվելու դեպքում շենքը կարող է դասվել վթարային կարգավիճակ ունեցող կառույցների շարքին։ Նախկինում Սարիգյուղի մշակույթի տան նորոգման գումարը հավաքելու նպատակով միջոցառումների շարք էր սկսվել՝ «Սարի FEST» խորագրով։ Նախաձեռնողները հույս ունեին ներդրողների, նվիրատվությունների, դրսում բնակվող գյուղի նախկին բնակիչների միջոցով հավաքել շենքի նորոգման համար անհրաժեշտ գումարը։ Տեղեկանալով այս մասին, Տավուշ հեռուստաընկերությունը Սարիգյուղի մշակույթի տան հիմնախնդրին անդրադարձ կատարեց դեռևս 2022 թվականի տարեսկզբին,  որից հետո համայնքային ու պատկան կառույցների ուշադրության սլաքը ուղղվեց խնդրի շուտափույթ կարգավորմանը։ Ձևավորվեց համայնքային ակտիվ նախաձեռնող խումբ՝ բնակչության մասնակցությամբ։ Խմբի նպատակը տեղական իշխանությունների և շահագրգիռ ու մտահոգ այլ կառույցների հետ համագործակցությամբ խնդրի լուծումների գտնելն էր:

Իջևանի Քաղաքացիական երիտասարդական կենտրոնը՝ որպես համայնքային համախմբան և ջատագովության արշավներ իրականացնող կառույց, սկսեց ուսումնասիրել հիմնախնդիրը, ստեղծեց  երկխոսության հարթակ՝ բնակչության ու տեղական ինքնակառավարման մարմինների միջև։ Նախաձեռնող խմբի և համայնքային իշխանությունների ջանքերով 2022 թվականի ընթացքում որոշակի վերանորոգման աշխատանքներ են իրականացվել․ ծածկապատվել է շենքի տանիքը, որը ժամանակավոր կարող է փրկել  շենքը վերջնական փլուզումից։ Սակայն դեռևս բաց է մնացել ջրհորդանների տեղադրման հարցը, և հետևաբար, անձրևաջրերն առաջվա նման շենքի համար մեծ ռիսկ են ներկայացնում։

Գյուղի երիտասարդները միայն մեծերի պատմածներով են պատկերացում կազմում գյուղի մշակութային հարուստ անցյալի մասին, բայց և միևնույն ժամանակ հույս փայփայում, որ իրենք էլ մի օր իրենց գյուղի մշակույթի տան բեմում գեղեցիկ միջոցառումներ կտեսնեն ու մեծերի պես կհպարտանան իրենց գյուղով։ Իսկ մինչ այդ երիտասարդները ամեն օր Սարիգյուղից հասնում են Իջևան՝ երաժշտական, պարի ու մի շարք այլ խմբակիների դասերին հաճախելու, հատուկենտ համերգային միջոցառումներին մասնակցնելու համար։

Սարիգյուղում հույս ունեն, ոմանք էլ վստահ են, որ շատ շուտով խնդիրը  լուծում կունենա, բնակիչներն էլ պատրաստակամ են`փրկելու իրենց գյուղի մշակույթը, նաև վստահեցնում են, որ մշակութային Սարիգյուղ են ունենալու: Տավուշ Մեդիան էլ վստահություն է հայտնում, որ իր ուշադրության կիզակետում կպահի մշակութային այս օջախի և բազում այլ լուծման կարոտ խնդիրները:

«Քաղաքացիական երիտասարդական կենտրոն» ՀԿ–ն «Քո ձայնը կարևոր է» ծրագրի շրջանականերում հայտարարել էր ֆոտոմրցույթ Իջևան համայնքում բնակվող 14–35 տարեկան քաղաքացիների համար: Լուսանկանրերն իրենց մեջ պետք է ներառեին համայնքային խնդիրներ:

Մարտի 7-ին կայացավ համայնքային հիմնախնդիրներ ներկայացնող ֆոտոցուցահանդեսի պաշտոնական բացումը: Ցուցահանդեսում տեղ էին գտել Իջևան համայնքի տարբեր հիմնախնդիրներ ներկայացնող աշխատանքներ, ինչը համայնքի հին խնդիրների մասին նորովի խոսելու, դրանց լուծմանն ուղղված քննարկումների այլընտրանքային հարթակ ձևավորելու նախաձեռնություն էր:

Ցուցահանդեսի բացմանը հյուրերը մտքեր փոխանակեցին համայնքային խնդիրների առաջնահերթությունների, դրանց լուծման գործում քաղաքացիական պատասխանատվության կարևորության և համայնքային իշխանության անելիքների վերաբերյալ:

Ցուցահանդեսը կգործի մինչև մարտի 22-ը: Հասցեն՝ ք. Իջևան, Մելիքբեկյան փ. 4/1:

Մարտի 12-ին՝ ժամը 10։00-ից մինչև 15։00-ն ընկած ժամանակահատվածում, Տավուշի մարզի Իջևան համայնքի Լուսահովիտ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

2024 թվականին լրանում է ԵՊՀ Իջևանի մասնաճյուղի հիմնադրման 30-ամյակը։ Այս առիթով մասնաճյուղում ընթացիկ ուսումնական տարվա ընթացքում մի շարք միջոցառումներ են նախատեսվում, որոնցից մի քանիսը արդեն ընթացքի մեջ են։ Մասնաճյուղի հիմնադրման 30-ամյակին նվիրված միջոցառումների շրջանակում մարտի 7-ին ԵՊՀ Իջևանի մասնաճյուղում տեղի ունեցավ բադմինթոնի բաց առաջնություն։

Բաց առաջնության կազմակերպման նպատակն էր ոգևորել Տավուշի մարզի երիտասարդներին՝ վարելու առողջ ապրելակերպ, բարձրացնել նրանց ֆիզիկական պատրաստությունը, մասսայականացնել սպորտը Տավուշում: Առաջնության մասնակիցների շարքում մասնաճյուղի ուսանողներ էին և երիտասարդներ Տավուշի համայնքներից, ովքեր սիրողական զբաղվում են բադմինթոն սպորտաձևով։ Անիտան, ով տարիքով կրտսեր մասնակիցն էր, բադմինթոնի Հայաստանի մինչև 13 տարեկանների մրցապայքարում առաջին հորիզոնականն է գրավել և առաջիկայում իր ուժերը կփորձի Չեխիայում։

ԵՊՀ Իջևանի մասնաճյուղի հիմնադրման 30-ամյակին նվիրված մարզական ևս մեկ միջոցառման ավարտին լավագույն արդյունքներ ցուցաբերած մասնակիցները պարգևատրվեցին խրախուսական նվերներով։

Իջևանի համայնքապետարանն ամփոփել է 2023 թվականի ընթացքում կատարած աշխատանքները․ փետրվարի 29-ին տեղի ունեցած Իջևան համայնքի ավագանու արտահերթ նիստի ընթացքում ներկայացվել է համայնքի 2023 թվականի բյուջեի կատարման հաշվետվությունը: Ավագանին հաստատել է նաև համայնքի 2024 թվականի տարեկան աշխատանքային պլանը:

2023 թվականին Իջևան խոշորացված համայնքում կատարվել են մեծածավալ աշխատանքներ։ Կառուցվել են նոր ճանապարհներ և պուրակներ,մանկապարտեզներ, ընդլայնվել է լուսավորության ցանցը, կազմակերպվել են մշակութային, երիտասարդական և մարզական միջոցառումներ։ 2023 թվականին համայնքի բյուջեն փաստացի կազմել է 2.807.693.000 դրամ: Տարվա ընթացքում սոցիալական աջակցություն է տրամադրվել 462 բնակչի՝ 9.366.000 դրամի չափով: 183 զինծառայող ստացել 5.490.000 դրամ ֆինանսական աջակցություն: Սպորտի և մշակույթի բնագավառում բարձր արդյունքներ ցուցաբերած մարզիկները,մարզիչները, սաներն ու ուսուցիչները պարգևատրվել են ընդհանուր՝ 3.790.000 դրամի չափով: Ֆինանսական աջակցությունների և դրամական պարգևների ընդհանուր բյուջեն կազմել է 18.646.000 դրամ: Ընդհանուր առմամբ 2023 թվականին համայնքում իրականացվել է 744 միլիոն դրամի սուբվենցիա, որից համայնքի ներդրումը կազմել է 335 միլիոն դրամ: Սրանք կատարված աշխատանքերի մի մասն են կազմում, իսկ ամբողջական հաշվետվությունը ներկայացվեց ավագնու անդամներին: Նիստի ավարտին ավագանու անդամները իրենց առաջարկությունները ներկայացրեցին համայնքի ղեկավարին` օրակարգում ներառված այլ հարցերի վերաբերյալ:

Յուրաքանչյուր տարի փետրվարի 17-ին աշխարհում նշում են Բարության ինքնաբուխ դրսևորման օրը։ Օրվա շրջանակում «Հույսի կամուրջ» հասարակական կազմակերպության Իջևանի մասնաճյուղը Իջևան համայնքի դպրոցականների շրջանում հայտարարել էր «Բարությունն ափիս մեջ» համադպրոցական նկարչական մրցույթը։ «Բարությունն ափիս մեջ» համադպրոցական նկարչական մրցույթից բացի «Հույսի կամուրջը» նախաձեռնել էր նաև զրույց-քննարկումներ Իջևանի դպրոցներում։

Համադպրոցական մրցույթին մասնակցել են Իջևան համայնքի 17 հանրակրթական դպրոցները․ լավագույն ինքնուրույն աշխատանքներ ներկայացրած աշակերտները «Հույսի կամուրջի» կողմից ստացան խրախուսական նվերներ։

Մարտի 4-ին՝ ժամը 10:00-ից մինչև 13:00-ն ընկած ժամանակահատվածում, Տավուշի մարզի Իջևան համայնքի Ազատամուտ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12։00-ին, գործարկվելու է էլեկտրական շչակ:

Խնդրում ենք չանհանգստանալ։