Իջևանի թիվ 1 հիմնական դպրոցում մայիսի 16-ին տոնական տրամադրություն էր․ դպրոցի 7-9-րդ դասարանների ավելի քան 50 աշակերտ «հայոց պատմություն» առարկայի շրջանակում կազմակերպել էին հայկական ավանդական հարսանիք։ Հանրակրթական պետական չափորոշիչների հիման վրա աշակերտները որպես նախագծային աշխատանք ընտրել էին ծիսական հայկական հարսանիքի ներկայացումը՝ ավանդական բոլոր արարողակարգով, կոլորիտային միջավայրով ու կերպարներով։

Աշակերտները միջոցառման միջոցով հաղորդակից են լինում այն ազգային արարողություններին, որոնք հատուկ են միայն հայ ժողովրդին։ Միջոցառմանը աշակերտները ներկայացրել էին նաև հայկական խոհանոցը։

Միջոցառման ամբողջ ընթացքն ուղեկցվեց ազգային երաժշտությամբ ու պարերով։ Սերունդներին դարերի խորքից եկող հայ մշակույթին հաղոդակից դարձնելու նպատակով նմանատիպ միջոցառումները Իջևանի առաջին դպրոցում պարբերաբար են նախաձեռնվելու։



Հայրենի Իջևանի մասին երգի իր յուրօրինակ տարբերակով Տավուշ TV-ի եթերում է ութամյա Լիլի Խաչատրյանը՝ քաղաք Իջևանից։ 

Եթե Ձեր երեխան ևս ունի բացառիկ որևէ տաղանդ՝ լավ երգում է, նվագում է, ասմունքում, ունի մարզական կամ այլ նվաճումներ, ապա նա կարող է հայտնվել մեր եթերում։ Ուղարկե՛ք երեխայի հմտությունները ներկայացնող տեսանյութը մեր info@tavushmedia.am հասցեին, և նախնական ընտրությունն անցնելու դեպքում՝ այն կհայտնվի մեր եթերում, յութուբյան էջում և կայքում։ 

Նորաթուխ աշակերտի գանգատը իր գրչին՝ Հովհաննես Թումանյանի «Գրիչ» ստեղծագործությունն է մեր եթերում ներկայացնում Ռուզաննա Մելքոնյանը (6 տարեկան, քաղաք Իջևան):

Եթե Ձեր երեխան ևս ունի բացառիկ որևէ տաղանդ՝ լավ երգում է, նվագում է, ասմունքում, ունի մարզական կամ այլ նվաճումներ, ապա նա կարող է հայտնվել մեր եթերում։ Ուղարկե՛ք երեխայի հմտությունները ներկայացնող տեսանյութը մեր info@tavushmedia.am հասցեին, և նախնական ընտրությունն անցնելու դեպքում՝ այն կհայտնվի մեր եթերում, յութուբյան էջում և կայքում։ 

Իր քանոնի գեղեցիկ հնչյուններով մեր եթերում է հայտնվել 11 տարեկան Աննա Մելքոնյանը՝ Իջևան քաղաքից։

Եթե Ձեր երեխան ևս ունի բացառիկ որևէ տաղանդ՝ լավ երգում է, նվագում է, ասմունքում, ունի մարզական կամ այլ նվաճումներ, ապա նա կարող է հայտնվել մեր եթերում։ Ուղարկե՛ք երեխայի հմտությունները ներկայացնող տեսանյութը մեր info@tavushmedia.am հասցեին, և նախնական ընտրությունն անցնելու դեպքում՝ այն կհայտնվի մեր եթերում, յութուբյան էջում և կայքում։ 

Մայիսի 18-ին, ժամը 21:33-ին Տավուշի մարզային ճգնաժամային կառավարման կենտրոն ահազանգ է ստացվել, որ Կիրանց գյուղի մոտակայքում տեղի է ունեցել ՃՏՊ՝ շտապօգնության ավտոմեքենան կողաշրջվել է․ անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Նոյեմբերյան ավտոճանապարհի մոտ 28-րդ կմ-ին շտապօգնության «Toyota Hiace» մակնիշի ավտոմեքենան (վարորդ՝ Ա. Խ.) դուրս է եկել երթևեկելի գոտուց, բախվել ճանապարհի արգելապատնեշին և մոտ 5 մ սահելով՝ հայտնվել դաշտամիջյան հատվածում:

Քաղաքացի Ս. Վ.-ն (ծնված 1965 թ.) Իջևան քաղաքի ԲԿ-ի շտապօգնության ավտոմեքենայով տեղափոխել է Երևանի Վ. Ա. Ֆանարջյանի անվան ուռուցքաբանության ազգային կենտրոն:

Փրկարարներն ավտոմեքենան դուրս են բերել երթևեկելի հատված:

Մայիսի 14-ին ազգային պարերի ուղեկցությամբ Իջևանի շատրվանների հրապարակից մեկնարկեց թվով արդեն չորրոդ «Թամզարա»-ն:

Գետահովիտ համայնքում գտնվող հոգևոր- վերականգնողական կենտրոնում շարունակվեց «Թամզարա» նախաձեռնության երկրորդ մասը:

Որպես հատուկ հյուր հրավիրված էր «Կայթ բենդ»-ը։

Ընկերական մթնոլորտում, աշխատասիրության ջանքերով և մեծ նվիրվածության գաղփարով ի կատար ածվեց «Թամզարա 4»-ը:



Հայաստանի  Ներքին գործերի նախարարության Փրկարար ծառայության Տավուշի մարզային փրկարարական վարչության աշխատանքային խմբի կողմից մայիսի 15-ին Տավուշի մարզի Իջևան համայնքի Աչաջուր բնակավայրում անցակացվեց «Օդային տագնապ ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք: Աչաջրի վարչական շենքում, դպրոցում, մանկապարտեզում և բնակավայրում գործող այլ կառույցների աշխատակիցների, բնակիչների համար Տավուշի մարզային փրկարարական վարչության ծառայողները իրականացրին իրազեկման աշխատանքներ՝ արտակարգ իրավիճակներում վարվելակերպի, անվատագության կանոնների վերաբերյալ:

Միջոցառումների ընթացքում էլեկտրաշչակի միջոցով իրականացվեց ազդարարում, կազմակերպվեց տարհանում և պատսպարում: Աչաջրի միջնակարգ դպրոցում  քննարկվեց բնակչության վարվելակերպի կանոնները՝  «Օդային տագնապ» ազդանշանի դեպքում:  Կարևորելով նմանատիպ միջոցառումների կազմակերպումը, բնակչությանը մշտապես իրազեկ պահելու անհրաժեշտությամբ մասնագետները վստահեցնում են, որ այսօրինակ միջոցառումները կրելու են շարունակական բնույթ: 

Իջևանում գործող «Իրական դպրոց» կրթական կառույցn ամփոփում է գործունեության մեկ տարին։ Ունենալով հագեցած մեկ ուսումնական տարի` մայիսի 13-ին «Իրական դպրոցում» հայտարարված էր բաց դռների օր՝ սովորողների ծնողներին, համայնքի բնակիչներին  ներկայացնելու անցող տարվա կատարած աշխատանքները, ունեցած հաջողություններն ու ձեռքբերումները։ Բաց դռների օրը հատուկ էր դպրոցի համար, քանի որ կառույցը ԿԳՄՍ նախարարության կողմից ստացել էր պետական հավատարմագրում՝ միջին մասնագիտական կրթական ծրագրեր իրականացնելու համար։ Իրական դպրոցն ունի Հայաստանի ուսումնական այլ հաստատություններից՝ հանրակրթական դպրոցներից ու քոլեջներից բավական տարբերվող ծրագրեր և մոտեցումներ: Այստեղ շեշտը դրվում է փորձառական ուսուցման վրա, ստացած գիտելիքը ամրապնդվում է փորձով, իրական նախագծի վրա աշխատանքով, ինչը հնարավորություն է տալիս գիտելիքը վերածել մնայուն արժեքի:

Դպրոցում կարևորվում է բազմակողմանի զարգացումը, ուսանողի՝ որպես անհատի կայացումը, ազգային մշակույթին հաղորդակից լինելը, ռազմական գիտելիքները, ֆիզիկական պատրաստականությունը, քաղաքացիական գիտակցությունը։ Հանդիպման մասնակիցները նաև ծանոթացան դպրոցի գաղափարներին և ընդունելության ընթացակարգին։

Իջևանի «Իրական դպրոց» կարող են հաճախել 9-րդ դասարանն ավարտած աշակերտները։ Ընդունելությունը կսկսվի մայիս ամսից։

Դպրոցն ավարտելիս ուսանողները ստանալու են համակարգաբանի որակավորում տնտեսական, քաղիրավական կամ կրթամշակութային ոլորտում: Որակավորման ոլորտը կախված է լինելու ուսանողի կատարած գիտահետազոտական աշխատանքների բնույթից։



Տավուշ TV-ի եթերում մեկնարկում է նոր հաղորդաշար՝ «Խոսք ու զրույց»: Հաղորդման առաջին հյուրը երգիչ, հումորիստ, մեր հայրենակից Արթուր Մուսայելյանն է։ Նրա հետ խոսել ենք հումորային հոլովակների ստեղծման գաղափարի, կյանքի նպատակների մասին, կատակել ենք, և իհարկե, անդրադարձել տարածված խոսք ու զրույցներին։

Այսուհետ սիրված ու ճանաչված տավուշցիների հետ ջերմ, անկեղծ, անմիջական զրույցի միջոցով փորձելու ենք նրանց բացահայտել ու ներկայացնել նորովի։



Մայիսի 13-ին, ժամը 15:18-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Բերդ ավտոճանապարհին՝ Այգեհովիտ գյուղի մոտակայքում, տեղի է ունեցել ՃՏՊ։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Բերդ ավտոճանապարհի 23-րդ կմ-ին «Mercedes-Benz» մակնիշի ավտոմեքենան (վարորդ՝ Է․ Գ․, ծնված 1986 թ.) դուրս է եկել ճանապարհի երթևեկելի հատվածից, բախվել ճամփեզրի արգելապատնեշին և կախվել դեպի ձորը․ տուժածներ չկան։

Փրկարարներն ավտոմեքենան դուրս են բերել ճանապարհի երթևեկելի հատված: