Տավուշի թեմի առաջնորդ Տեր Բագրատ արքեպիսկոպոս Գալստանյանի «Ավետյաց երկրի տեսիլքով» գրքի երկրորդ՝ իջևանյան շնորհանդեսը տեղի ունեցավ հունիսի 25-ին։ Գիրքը պարզ և անկեղծ զրույցների շարք է՝ այժմյան դառն իրականության և գողացված ուրախության ժամանակաշրջանում՝ մեր անցած ճանապարհի և անելիքների մասին՝ հիմնված Աստվածաշնչի պատգամների վրա։ Շնորհանդեսը գրքի պանելային քննարկման ձևաչափով էր․ քննարկման բանախոսներն էին բանասիրական գիտությունների թեկնածու Մուշեղ Սարուխանյանը և պատմաբան Վլադիմիր Պողոսյանը։ 

Ներկաները իրենց մտքերը կիսեցին գրքի վերաբերյալ,կրկին արձանագրելով՝ այսօրվա ինքնության ճգնաժանի մեջ այս գիրքը մեր երազների երկիրը կառուցելու մեծ ճանապարհի առաջին քայլը կարող է դառնալ։Ավետյաց Երկիրը մեր բոլոր իղձերի և ձգտումների, երջանկության և անսպառ ուրախության մեծ տունն է, որը կառուցելու ճանապարհի մեջ կոչված է լինել յուրաքանչյուր հայ՝ որպես առանձին անձ, և որպես հավաքականություն՝ ազգ ու ժողովուրդ: Գրքում ուրվագծվում են մեր իսկատիպ նկարագիրը, բացառիկ ինքնությունը և մղում մեզ ապրելու Ավետյաց Երկիրը կառուցելու տեսիլքով, որը հայ ժողովրդի երազանքն ու ձգտումն է: 

Գրքի քննարկումները հաջորդաբար կայանալու են Տավուշի բոլոր համայնքներում․ գիրքը վաճառվում է Իջևանի Սուրբ Ներսես Շնորհալի եկեղեցում և առցանց գրախանութներում։

Արտահերթ նիստի օրակարգի հարցերը վերաբերում էին Իջևան համայնքի վարչական տարածքում գտնվող հողամասերի նշանակության փոփոխությանը, ինքնակամ շինությունների և ինքնակամ օգտագործվող հողամասերին իրավական կարգավիճակի տրմանը,
համայնքի վարչական և ֆոնդային բյուջեներում փոփոխություն կատարելուն:

Համայնքի ավագանին նիստում որոշեց նաև աջակցել «Հույսի կամուրջ» հասարակական կազմակերպության Իջևանի մասնաճյուղին` հենաշարժողական խնդիրներ ունեցող երեխաներին ֆիզիկական վերականգնողական և օկուպացիոն թերապիաներից օգտվելու հնարավորություն ստանալու համար: «Հույսի կամուրջ» ՀԿ Իջևանի մասնաճյուղի տնօրենը ավագանու անդամներին տեղեկացրեց, որ Իջևան համայնքի քաղաքային և գյուղական բնակավայրերի 111 երեխա ճանապարհածախսի պատճառով զրկված է վերականգնողական թերապիաներ ստանալու հնարավորությունից:

Ավագանու որոշմամբ` համայնքի բյուջեից 500 000 դրամ (հինգ հարյուր հազար դրամ) հատկացվեց երեխաների տեղափոխման խնդիրները լուծելու նպատակով:

Հայաստանի Հանրապետությունում մեկնարկել է 2023 թվականի ամառային զորակոչը: Իջևանից պարտադիր ժամկետային զինվորական ծառայության մեկնեց նորակոչիկների հերթական խումբը` համալրելու հայոց բանակի շարքերը, պարտքը տալու սրբազան հայրենիքին և կատարելու սահմանադրորեն ամրագրված իրենց պարտականությունը:

Նրանց բանակ ճանապարհելու էին եկել Իջևանի համայնքապետարանի աշխատակիցները, ովքեր առաջին անհրաժեշտության պարագաներով լի փաթեթներ հանձնեցին նորակոչիկներին։

Իջևանում հորդառատ անձրևի, երկարատև կարկտահարության ու ուժգին քամու հետևանքով ստեղծված իրավիճակի հետևանքների վերացման նպատակով Իջևանի համայնքապետարանի Կոմունալ ծառայության ողջ անձնակազմը երրորդ օրն է շարունակում է ինտենսիվ աշխատանքները։ բնական երևույթների վտանգավոր զարգացումների հետևանքով իրավիճակի, ինչպես նաև ֆիզիկական և իրավաբանական անձանց պատճառված վնասների ու կարիքների գնահատման գործընթացի շրջանակում համայնքապետարանի աշխատանքային խմբերը շրջում են Իջևանի թաղամասերում, կատարում վնասների հավաքագրում:

Վնասները հատկապես եղել են Իջևան քաղաքի Սահմանադրության հրապարակում, Վալանսի, Իջևանյան, Մելիքբեկյան, Օհանյան, Սպանդարյան ու Ասլանյան փողոցներում։ Վնասվել են բնակիչների բերքատու տնամերձ այգիները, մշակաբույսերի ցանքատարածություններ, վթարներ են գրանցվել կոմունալ-էներգետիկ համակարգերում:

Այս արտակարգ օրերին Տավուշ Մեդիան համագործակցելով մարզային և համայնքային իշխանությունների հետ, ձեզ համար պատրաստել է օպերատիվ, անհրաժեշտ, հավաստի և օգտակար տեղեկություններ պարունակող Արտակարգ տեղեկագիր՝ տեքստային, ֆոտո ու տեսա շտեմարան:Ստեղծված Իրավիճակի, հետևանքների, կարիքների, կատարած ու կատարելիք աշխատանքների մասին տեղեկանալու, և Տավուշի մարզին սպառնացող աղետների ու դրանց ռիսկերի նվազեցմանը կարող եք ծանոթանալ այցելելով www.tavushmedia.am կայք: Դիտեք, լսեք, կարդացեք ու եղեք իրազեկված: Ով իրազեկված է, նա պաշտպանված է:

Հունիսի 22-ին, ժամը 13։57-ին Ճգնաժամային կառավարման ազգային կենտրոն ահազանգ է ստացվել, որ Երևան-Նոյեմբերյան ավտոճանապարհին՝ Ներքին Ծաղկավան գյուղի մոտակայքում, տեղի է ունեցել ՃՏՊ. կան տուժածներ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Նոյեմբերյան ավտոճանապարհի 21-րդ կմ-ին բախվել են «Mercedes-Benz» մակնիշի ավտոմեքենան (վարորդ՝ Ն. Մ., ծնված 1993 թ.) և «Volkswagen» մակնիշի միկրոավտոբուսը (վարորդ՝ Կ. Հ., ծնված 1965 թ․). վերջինիս ուղևորներ Հ. Մ.-ն (ծնված 1972 թ․), Ա. Ն.-ն (ծնված 1982 թ․), Կ. Մ.-ն (ծնված 1979 թ․), Է. Ու.-ն (ծնված 1983 թ․), Լ. Ո.-ն (ծնված 2003 թ․) և «Mercedes-Benz» մակնիշի ավտոմեքենայի ուղևոր Ռ. Շ.-ն (ծնված 1969 թ․) հոսպիտալացվել են Իջևանի ԲԿ, որտեղ բժիշկները տուժածների առողջական վիճակը գնահատել են բավարար:

Փրկարարները հոսանքազրկել են ավտոմեքենաները, փակել «Mercedes-Benz» մակնիշի ավտոմեքենայի գազի բալոնի փականը և սահմանազատել տարածքը:

Հարգելի բնակիչներ, համայնքապետարանում առաջացող հերթերից խուսափելու համար, խնդրում ենք հնարավորության դեպքում` կարկտահարության վնասի գույքագրման վերաբերյալ ձեր դիմումները լրացնել տանը,այնուհետև կցել վնասը փաստող լուսանկար(ներ) և ներկայացնել Իջևանի համայնքապետարան: Դիմումի ձևը ստորև`

Հորդառատ անձրև ու երկարատև կարկուտ է տեղացել հունիսի 19-ի երեկոյան՝ Իջևան քաղաքում: Կարկտահարության և ուժգին քամու հետևանքով մարզկենտրոնում տապալվել են ծառեր, արգելափակվել ճանապարհներ: Եղանակի կայունացումից անմիջապես հետո Իջևանի համայնքապետարանի աշխատանքային խմբերը մաքրել և բացել են միջպետական ու համայնքային նշանակության ճանապարհներն ու փողոցները:

Տեղում ծառայություն են իրականացրել և քաղաքացիներին անհրաժեշտ օգնություն ցուցաբերել ՆԳՆ Փրկարար ու Պարեկային ծառայությունների և շտապօգնության աշխատակիցները:

Աննախադեպ կարկուրտից ու տեղատարափ անձրևից հետո Իջևանում առկա է էներգետիկ ցանցի մի քանի տեղամասային վթարներ, կան վնասված տանիքներ, կոտրված ծառեր ու ջրալցված նկուղային հարկեր: Լուրջ վնասներ են կրել սննդի, առևտրային կետերն ու սպասարակման կենտրոնները:

Առատ անձրևի ու երկարատև կարկտահարության պատճառած տարբեր ծավալների վնասների հավաքագրման ու գույքագրման նպատակով Իջևանի համայքնապետարնում ստեղծվել է հաձնաժողով։ Հանձնաժողովը շրջում է Իջևանի թաղամասերում, հավաքագրում պատճառված վնասները:

Իջևանի համայնքապետարանը՝ փրկարար ու պարեկային ծառայողների ու քաղաքացիների հետ համատեղ շարունակում է աշխատանքները՝ լուծելով առկա խնդիրները:

Նախօրեին առատ անձրևի ու երկարատև կարկտահարության պատճառած տարբեր ծավալների վնասների հավաքագրման ու գույքագրման նպատակով Իջևանի համայքնապետարում ստեղծվել է հաձնաժողով։

Անոմալ եղանակի պատճառած վնասների մասին կարող եք տեղեկացնել՝ դիմելով Իջևանի համայնքապետարան կամ զանգահարել նշված հեռախոսահամարներին․

093100112 – Արմեն Սայադյան

095060601 – Ռուբեն Վարշամյան

077652316 – Փառանձեմ Ադամյան

Այսօր աննախադեպ կարկուտ, հորդառատ անձրև է տեղացել Տավուշի մարզում:

Կարկտահարության և ուժգին քամու հետևանքով Տավուշի մարզի համայնքներում տապալվել են ծառեր, արգելափակվել ճանապարհներ: Հատկապես տուժել է մարզկենտրոն Իջևան քաղաքը և համայնքի գյուղական բնակավայրերը:

Աննախադեպ քամու ուժգնացման, կարկտահարության ու տեղատարափ անձրևի հետևանքով արգելափակվել են ավտոմեքենաներ․ այժմ անձրևը դադարել է։ Համայնքային իշխանությունները ու փրկարարները մաքրում և բացում են միջպետական ու համայնքային նշանակության ճանապարհներն ու փողոցները:

Պատճառված վնասի ու այլ մանրամասների մասին կներկայացնենք ավելի ուշ:

Իջևան քաղաքի Անկախության փողոցում ծառը շրջվել է և ընկել ավտոմեքենայի վրա, ներսում քաղաքացիներ են արգելափակվել․ օգնության են հասնել փրկարարները։

Այս պահի դրությամբ Իջևանում ունենք էներգետիկ ցանցի մի քանի տեղամասային վթարներ, վնասված տանիքներ, կոտրված ծառեր ու ջրալցված նկուղային հարկեր, – Տավուշ Մեդիային տեղեկացրեց ՀՀ ՆԳՆ Փ/Ծ Տավուշի մարզային փրկարարական վարչության պետ, գնդապետ Վ․ Փիրումյանը։