«Հավերժ Չեմպիոնը»․ Իջևանում կայացել է միջոցառում՝ նվիրված Պավել Աբազյանի հիշատակին

Մայիսի 30-ին Իջևանի մշակույթի պալատում տեղի ունեցավ  «Հավերժ Չեմպիոնը»  խորագրով միջոցառում՝ նվիրված Պավել Աբազյանին:

Պավելը հավերժի ճամփան է բռնել այս տարվա հունվարի 19-ին՝ Ազատ գյուղի զինվորական կացարանում բռնկված հրդեհի պատճառով։ Մինչ ծառայության գնալը Պավել Աբազյանը սովորում էր Հայաստանի պետական ճարտարագիտական համալսարանում, զուգահեռաբար կարատեով էր զբաղվում՝ ավելի քան տաս տարի։

Նրա մարզիչը պատմում է, որ Պավելը մի շարք միջազգային մրցույթներերի հաղթող էր, նա ոչ միայն իր լավագույն աշակերտներից էր, այլ նաև ամբողջ Հայաստանի լավագույն մարզիկներից մեկը։ 

Միջոցառմանը ներկա էին նրա ընտանիքի անդամները, ընկերներն ու ուսուցիչները, հոգևորականներ, այդ թվում Տավուշի թեմի առաջնորդ Տեր Բագրատ արքեպիսկոպոս Գալստանյանը։

Ներկաները հուզմունքով ու կարոտով էին հիշում Պավել Աբազյանին, նշելով, որ հիշատակը վառ կմնա՝ քանի դեռ ապրում են հիշողությունները։



Իջևանում կայացել է «Հույսի կամուրջ» ՀԿ-ի մասնաճյուղի «Ապրել միասին, սովորել միասին» թատերական փառատոնի ամփոփիչ միջոցառումը

«Հույսի կամուրջ» ՀԿ Իջևանի մասնաճյուղի «Ապրել միասին, սովորել միասին» համամարզային թատերական փառատոնի ամփոփիչ միջոցառումը տեղի ունեցավ մայիսի 12-ին, ԵՊՀ Իջևանի մասնաճյուղում: 

Մայիսի 10-ից մեկնարկած փառատոնն անցկացնում է «Հույսի կամուրջ» հասարակական կազմակերպությունը ՀՀ կրթության, գիտության, մշակույթի և սպորտի նախարարության ֆինանսավորմամբ և գործընկերությամբ Տավուշի մարզում իրականացվող «Մանկավարժահոգեբանական աջակցության ծառայություններ և կրթության առանձնահատուկ պայմանների կարիք ունեցող երեխաների կրթության կազմակերպմանն օժանդակող ծառայություններ» ծրագրի շրջանակներում: 

Փառատոնին մասնակցում էին Իջևան խոշորացված համայնքի 11 հանրակրթական դպրոցներ. նպատակը համընդհանուր ներառական և որակյալ կրթություն ստանալու իրավունքի իրացման շուրջ հասարակության իրազեկվածության մակարդակի բարձրացումն էր և կրթությանն աջակցող ծառայությունների և ներառականության գաղափարի տարածմանը նպաստելը:

Համամարզային թատերական փառատոնի ամփոփիչ միջառման վերջում բոլոր դպրոցները պարգևատրվեցին մասնակցության հավաստագրերով:



Խոսք ու զրույց. Տեր Աբել քահանա Քարտաշյան

Խոսք ու զրույց հաղորդման շրջանակում այս անգամ մեր տաղավարում հյուրընկալել ենք Իջեւանի հոգեւոր հովիվ Տեր Աբել քահանա Քարտաշյանին:

«Ինձ համար շատ գեղեցիկ մարդիկ են հայերը, տավուշցիները՝ առավելաբար: Կարեւոր ճշմարտություններից մեկն իմ կյանքում այն է, որ չապրեմ միայն ինձ համար, ապրեմ նաեւ դիմացիններիս համար». – ասում է տեր Հայրը:

Ձեզ ենք փոխանցում Տեր Աբելի լավատեսական տրամադրությունը:



Պարի միջազգային օրվան ընդառաջ միջոցառում Իջևանի թիվ 5 հիմնական դպրոցում

Պարի միջազգային օրվան ընդառաջ Իջևանի Մկրտիչ Մարտիրոսյանի անվան թիվ 5 հիմնական դպրոցում տոնական տրամադրություն էր։ «Ազգային երգ ու պար» առարկայի շրջանակում դպրոցի 5-7-րդ դասարանների աշակերտները՝ ուսուցչուհու հետ միասին, կազմակերպել էին բացօթյա միջոցառում՝ դպրոցի բակում ստեղծելով կոլորիտային, հայակական, ազգային միջավայր։

«Երկիրը ճանաչելու համար պետք է ճանաչել ժողովրդի պարը, որովհետև պարը ժողովրդի ոգին է, որ ապրում է պարային շարժումի, պարային մտածողության մեջ։ Պարը, անշուշտ, նաև լեզու է՝ ազգային ինքնության մեծագույն դրսևորումներից մեկը… Այո, ցեղը գերազանցապես ռիթմ է».Կոստան Զարյան



Հարգանքի տուրք` Արցախյան ազատամարտի զոհերի հիշատակին

Մայիսի 8-ին` Երկրապահի օրվա առթիվ, ավանդույթի համաձայն Իջևանի Սահմանադրության հրապարակից պետական և հոգևոր այրերի, զինվորականների ուղեկցությամբ մեկնարկեց հիշատակի երթը դեպի Ազատամարտիկների հրապարակ՝ հարգանքի տուրք մատուցելու Արցախյան ազատամարտի զոհերի հիշատակին: Երթի մասնակիցները ծաղիկներ խոնարհեցին Հայրենիքի պաշտպանության համար քաջաբար ընկած զինվորների հուշակոթողին:

No photo description available.            May be an image of 3 people and text

May be an image of 3 people and text            May be an image of 9 people and text

May be an image of 5 people and text             May be an image of 6 people and text

May be an image of 5 people and text             May be an image of 12 people, the Brandenburg Gate and text

May be an image of 4 people and text           May be an image of 6 people and text

May be an image of 5 people and text         May be an image of 14 people and text

May be an image of 3 people and text



ՃՏՊ Երևան-Իջևան ավտոճանապարհին. կան տուժածներ

Մայիսի 7-ին, ժամը 18:22-ին Տավուշի մարզային ճգնաժամային կառավարման կենտրոն տեղեկություն է ստացվել, որ Դիլիջան-Երևան ավտոճանապարհին տեղի է ունեցել ՃՏՊ. կան տուժածներ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Իջևան ավտոճանապարհի 95-րդ կմ-ին «VAZ-2101» մակնիշի ավտոմեքենան (վարորդ՝ Է. Մ., ծնված 2002 թ.) դուրս է եկել ճանապարհի երթևեկելի հատվածից (մոտ 1մ), բախվել ճանապարհի մետաղյա արգելապատնեշին և կախվել դեպի ձորակը:

Մինչ փրկարարների կանչի վայր հասնելը՝ վարորդը, ուղևորներ Ն. Մ.-ն (ծնված 1977 թ.), Լ. Մ.-ն (ծնված 1999 թ.) և Ա. Մ.-ն տեղի ուժերով դուրս են բերվել ավտոմեքենայից և հոսպիտալացվել Դիլիջան քաղաքի ԲԿ, որտեղ բժիշկները տուժածների առողջական վիճակը գնահատել են բավարար:

Փրկարարները հոսանքազրկել են ավտոմեքենան և սահմանազատել տարածքը:



Իջևանի «Վերնատուն» պատկերասրահում բացվել է գեղանկարիչ Սամվել Մելքումյանի նկարների ցուցահանդեսը

Արվեստասեր հասարակության համար Իջևանի «Վերնատուն» պատկերասրահում բացվել է գեղանկարիչ, պատկերասրահի փոխտնօրեն Սամվել Մելքումյանի գրաֆիկական նկարների ցուցահանդեսը։ Արվեստի յուրօրինակ աշխատանքներին կարող եք ծանոթանալ այցելելով Վերնատան ցուցասրահ։



Մեկնարկել է «Հայաստանի շահերն ու սպասելիքը եվրասիական ինտեգրման գործընթացից» դասախոսությունների շարքը

«Հայաստանի շահերն ու սպասելիքը եվրասիական ինտեգրման գործընթացից» թեմայով Եվրասիական փորձագիտական ակումբի հրապարակային դասախոսությունների շարքը մայիսի 3-ին մեկնարկեց ԵՊՀ Իջևանի մասնաճյուղից։

Երիտասարդ սերնդին հայ-ռուսական բարեկամության և համագործակցության ավանդույթների ոգին փոխանցելու և եվրասիական ինտեգրման գործընթացի հանդեպ հասարակության, այդ թվում երիտասարդության, շահագրգիռ մասնակցությունը ապահովելու համար Եվրասիական փորձագիտական ակումբը հրապարակային դասախոսությունների շարք է նախաձեռնում Հայաստանի տարբեր մարզերում։



ՃՏՊ Իջևան-Նոյեմբերյան ավտոճանապարհին

Ապրիլի 27-ին, ժամը 16:58-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Նոյեմբերյան ավտոճանապարհին տեղի է ունեցել ՃՏՊ, կա տուժած․ անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Նոյեմբերյան ավտոճանապարհի 12-րդ կմ-ին բախվել են «Opel Astra F» (վարորդ՝ Ա․ Հ․, ծնված 1967 թ․) և «Mercedes-Benz Sprinter» (վարորդ՝ Գ․ Խ․, ծնված 1997 թ.) մակնիշների ավտոմեքենաները: Շտապօգնության աշխատակիցն արձանագրել է Ա. Հ.-ի մահը:

Փրկարարները հոսանքազրկել են ավտոմեքենաները, սահմանազատել տարածքը, դին դուրս բերել ավտոմեքենայից և մոտեցրել դի տեղափոխող ավտոմեքենային:

ՀՀ ՆԳՆ փրկարար ծառայություն

 

 

 

 



Իջևանում «Հույսի կամուրջ» ՀԿ Տավուշի մարզային մասնաճյուղերի աշխատակիցների համար դասընթաց-հանդիպում էր կազմակերպվել

Հաղորդակցության, հանրային կապերի հմտությունների, ֆոնդհայթայթման կարողությունների զարգացման նպատակով ապրիլի 21-ին «Հույսի կամուրջ» ՀԿ-ն Տավուշի մարզային մասնաճյուղերի աշխատակիցների համար կազմակերպել էր դասընթաց-հանդիպում։

«Հույսի կամուրջ» ՀԿ-ի Իջևանի, Դիլիջանի, Նոյեմբերյանի ու Բերդի կենտրոնների, նաև՝ Երևանում գործող գրասենյակի աշխատակիցների համար դասընթացները վարեցին «Inexsus» թվային մարկեթինգի, հաղորդակցության զարգացման ընկերության ներկայացուցիչները։

«Հույսի կամուրջ» ՀԿ-ի ղեկավարը նշում է, որ այսօր Հայաստանում սոցիալական ու ծանր սոցիալ-հոգեբանական խնդիրները խորացած են, և կազամակերպության աշխատանքների ծավալը մեծացել է՝ առկա խնդիրների լուծման նպատակով, և հենց դա է պատճառը, որ աշխատակիցների վերապատրաստումների անհրաժեշտություն կա։

Հանդիպմանը մասնակիցները ծանոթացան կազմակերպության նոր կայքին, ինչպես նաև տեսական ու գործնական վարժություններով ծանոթացան հաղորդակցման ու թվային մարկեթինգի ոլորտներին։

Մասնակիցները հեռացան նոր գիտելիքներով ու ծանոթություններով, իսկ այս հանդիպման կայացմանը աջակցել է Տավուշի թեմը։