Ընթացքի մեջ է «Ռեստարտ Իջևան» ՀԿ նախաձեռնությամբ կյանքի կոչվող «Ձեռներեցության խթանումն Իջևանում» ծրագիրը։ Ծրագրի շրջանակներում համայնքի թվով 5 աղջիկներ, ովքեր չեն ստանում բարձրագույն կրթություն, մասնագիտացում ձեռք կբերեն հրուշակագործության ոլորտում։ Դասընթացների արդյունքում անհրաժեշտ որակավորում ստանալուց հետո ծրագրի մասնակիցները կունենան հնարավորություն աշխատելու հրուշակագործությամբ զբաղվող արտադրամասերում։

«Ծրագրի գաղափարը ծագեց այն ժամանակ, երբ մենք թիմով սկսեցինք նկատել, որ Իջևանում կան շատ կանայք և աղջիկներ, ովքեր ունեն մեծ սեր և ձգտում հրուշակագործության հանդեպ, սակայն չունեն համապատասխան ռեսուրսներ և հնարավորություններ՝ մասնագիտական գիտելիքներ ստանալու։ Մենք որոշեցինք համայնքների զարգացման ծրագրի շրջանակներում տալ նրանց այդ հնարավորությունը, որպեսզի նրանք դառնան հմուտ մասնագետներ հենց այս ոլորտում՝ ունենան իրենց փոքրիկ արտադրությունները, միգուցե աշխատեն արտադրամասներում, կամ հետագայում դառնան ավելի խոշոր ձեռներեցներ», – նշում է ծրագրի նախաձեռնողներից Վիկա Խառատյանը։

Գաղափարն իրականացվում է «Երիտասարդները հանուն համայնքների զարգացման» ծարգրի շրջանակներում, որը ներառում է տավուշեցի շուրջ 50 երիտասարդների։ «Ձեռներեցության խթանումն Իջևանում» նախաձեռնությանը զուգահեռ ներկայումս Տավուշի մարզի տարբեր համայնքներում իրականացման փուլում են գտնվում 5 երիտասարդական ծրագրեր։

Ծրագրի մասնակիցներից Մեդորա Ասիլյանը պատմում է․ «Ընտրվել են ավելի քան 7 ծրագրեր, որոնք ունեին թե՛ կրթական, թե՛ համայնքային բնույթ։ Այս ծրագրի միջոցով մենք փորձել ենք հնարավորություն տալ երիտասարդնեերին և նրանց դարձնել փոփոխության դեսպաններ․ իրենք անձամբ են մշակել այդ ծրագրերը՝ իրենց շրջակայքում նայելով, թե ինչ խնդիրներ կան։ Նպատակն այն էր, որ իրենք անձամբ արդեն սկսեն ներդրում ունենալ իրենց համայնքների զարգացման մեջ»։

Տավուշ հեռուստաընկերության եթերում ընթացող քննարկումների չորրորդ թեման մշակույթն է։ Ներկայացնում ենք թեմայի մասին մեր հայրենակիցների մտքերը, իսկ բացման այս հաղորդմանը կհաջորդի ավանդական կլոր սեղան-քննարկումը։

Մշակույթի տների ոչ բարվոք վիճակ, երիտասարդների ներգրավվածության խնդիր, ռեսուրսների ու միջավայրի առկայություն․․․մեր զրուցակիցները վեր են հանում Տավուշում մշակույթի զարգացման առաջ կանգնած մարտահրավերները, դրանք հաղթահարելու և դրանց արմատների մասին իրենց պատկերացումները։

Տեսանյութը պատմում է շուրջ 70 տարվա պատմություն ունեցող Իջևանի պատմաերկրագիտական թանգարանի մասին:

Թանգարանում բացի նոր և նորագույն պատմության, ինչպես տեղի կենցաղի մասին պատմող իրերից, կարելի է նաև հանդիպել հնագույն նմուշների, որոնք թվագրվում են մ.թ.ա 3-2-րդ հազարամյակին, ապա նաև՝ ուրարտական շրջանին։

Մեր բարբառն ու բարքերը հաղորդաշարի ամանորյա հատուկ, կամ ինչպես ասում են՝ բլինչիկից էլ համով թողարկումը։ Իջևանյան ամանորյա մեգաստերը, տոների հետ կապված լեգենդար ծիսակատարությունները և շատ ավելին՝ այս թողարկման մեջ։ Իսկ որպես բոնուս կարող եք դիտել այս տարվա չստացված կադրերը։



Ոնց որ ասում են՝ «թունելի էն ղրաղին ուրիշ աշխարհ ա, էս ղրաղին՝ սամսեն ուրիշ աշխարհ»։ Ամբողջ հանրապետությունը տոնում է իր Վարդավառը․ իսկ մենք, դե իհարկե, պիտի տարբերվենք․ մենք նշում ենք մեր ՎՐԹԻՎՈՐԸ։

Տավուշյան թաց ու համով Վրթիվորը, ամառվա էփոց-փակոցին, բաղակյողի պատմությունները, հյուլյուլուն և շատ ավելին՝ Հրանտ Ղազումյանի հեղինակային «Մեր բարբառն ու բարքերը» հաղորդաշարի տոնական թողարկման մեջ։

«Ես մտածում եմ՝ եթե մենք հեթանոս էինք մնացել, ապա իջևանցիք կոֆեի աստվածություն էին ունենալու՝ Բամբաս անունով»։

Իջևանյան սուրճի, դրա շուրջ պտտվող բազում ու բազմազան «ավանդույթների», զանազան «ասըմ են»-ների ու «մյացել եմ»-ների մասին, կամ Հրանտ Ղազումյանը պատմում է իր փոքր քաղաքի մեծ բարդույթների մասին։