Հոգևոր-վերականողական կենտրոն քաղցկեղ ունեցող երեխանների համար․ հոկտեմբերի 14-ին բացվեց քաղցկեղ ունեցող երեխաների և իրենց ընտանիքների համար հոգևոր-վերականգնողական կենտրոնի շենքը։ Կենտրոնը գտնվում է Գետահովիտ գյուղի բարձրադիր հատվածում։

Այն Հայաստանում եզակի կենտրոն է լինելու, որտեղ քիմիոթերապիայից հետո երեխաները գալու են հոգևոր վերականգնման նպատակով։

Վերականգնողական կենտրոնը կառուցվել է Իտալիայում բնակվող Լուսի Պալյանի հովանավորությամբ՝ ի հիշատակ իր եղբայրներ Անդրանիկ և Օհաննես Ճեմճեմյանների։

Կենտրոնի բացմանն Տավուշի թեմի առաջնորդ Տեր Բագրատ եպիոսկոպոս Գալստանյանի գլխավորությամբ կատարվեց կենտրոնի տնօրհնյաց կարգը։ Սրբազանն իր օրհնությունը բաշխեց բոլոր ներկաներին, կառույցի շինարարներին, բարերարներին։ Կարո Առաքելյանին, ով վերականգողական կենտրոնի կառուցման բարերարներից է, շնորհվեց Տավուշի թեմի բարձրագույն՝ «Տավշո Խաչ. ՏաՀույս» շքանշանը։

Կենտրոնը գտնվում է Գետահովիտ գյուղի բարձունքին, որտեղ Խորհրդային տարիներին գործել է առողջարան, Հայաստանի վերանկախացումից հետո տարածքը վերածվել է զորամասի, իսկ վերջին տարիներին տարածքը տրամադրվել է Հայ առաքելական եկեղեցուն։  Վերականգնողական կենտրոնի կառուցմամբ սկսում է Տավուշի թեմի հաջորդ աշխատանքները. շուտով սկսվելու է զինվորականների վերականգնողական կենտրոնի կառուցումը, ընթացքի մեջ է նաև ճամբարի կառուցումը։

Աշունքացել ա․․․Իսկ «աշունքանալ»-ը նշանակում է, որ էսա տուն դենք տյառնալ՝ մնալու ենք տանը, վերցնենք տաք թեյը, փաթաթվենք փափուկ ծածկոցով, և իհարկե, դիտենք սիրելի հաղորդումը՝ «Մեր բարբառն ու բարքերը»։

Ուրեմն՝ մեր բարբառում արագ-արագ, շուտ-շուտ, «ոտի վրա», «ծնգան ծերին» մի պյան սարքիլուն ասում են «ծեռաց»։ Տուն որ մի անսպասելի հյուր դի կյալ, տան տիկիննին էն համովություննին գյոռած տեղերից հանիլ դեն ու ծեռաց մի պյան սարքեն՝ հյուրին հյուրասիրեն։ 

Դե մենք էլ, «աշունքանալու» առթիվ պահել ենք հերթական համով-հոտով թողարկումը․ ծեռաց՝ Տավուշ TV-ի տաղավարից, հատուկ ձեզ համար։

Վալանս և Իջևան քաղաքների համագործակցությունն սկսվել է 1996 թ․-ից․ հենց այդ ժամանակ Տավուշի մարզի Իջևան քաղաքն ու Ֆրանսիայի Վալանս քաղաքը հռչակվեցին քույր քաղաքաներ։

Ի նշան երկար տարիների բարեկամության ու համագործակցության՝ հոկտեմբերի 10-ին Վալանսի քաղաքապետ Նիկոլա Դարագոնն ու նրա գլխավորած պատվիրակությունն Իջևանում էին։

Նիկոլա Դարագոնը, ողջունելով Իջևանի մարզպետին ու քաղաքապետին, նշեց, որ Իջևանում շրջայց կատարելուց հետո որոշել են այցելել նաև Երևանի պետական համալսարանի Իջևանի մասնաճյուղ.

Կարևորելով մշակութային համագործակցությունը՝ Վալանսի երգի պարի ակադեմիայի հիմնադիր Լևոն Չատիկյանն ասում է, որ տասը տարուց ավելի է՝ տարբեր կոնսերվատորիաների ու երաժշտական դպրոցների հետ է համագործակցում։

Վալանսի Փոխքաղաքապետ Գևորգ Ռասկլինյանի խոսքով՝ շատ հուզիչ է հասնել Իջևան ու պետական համալսարանում լսել ֆրանսերեն լեզուն։ 

Նիկոլա Դարագոնը շեշտեց,  որ այս այցով ցանկանում են աշխարհի ուշադրությունը սևեռել դեպի Հայաստանի Հանրապետություն, այս դժվար օրերին լինել Հայաստանի կողքին՝ վստահաբար նշելով, որ Ֆրանսիան միշտ հայ ժողովրդի կողքին է։ 

Սեպտեմբերի 30-ին Դիլիջանի կենտրոնական դպրոցում տեղի ունեցավ «UPSHIFT Իջևան» դեռահասների զարգացման և համայնքային ներգրավվածության խթանման ծրագրի ամփոփիչ միջոցառումը:

Միջոցառման ընթացքում ամփոփվեցին «UPSHIFT Իջևան» ծրագրի արդյունքները, ներառյալ՝ դեռահասների կողմից ծրագրի շրջանակներում իրականացված նախագծերի ներկայացումները։

Կառավարության և տեղական ինքնակառավարման մարմինների, տեղական և միջազգային կազմակերպությունների ներկայացուցիչներն ու շահագրգիռ այլ կողմեր ներկա էին միջոցառմանը ծանոթանալու ծրագրի մանրամասներին, նախագծերի արդյունքներին, տոնելու UPSHIFT-ցիների նվաճումները։

«UPSHIFT Գավառ և Իջևան» դեռահասների զարգացման համայնքային ներգրավվածության ծրագիրն իրականացնում է Գյումրու «Երիտասարդական նախաձեռնությունների կենտրոն» ՀԿ-ն Յունիսեֆի հայաստանյան գրասենյակի հետ համատեղ Եվրոպական միության աջակցությամբ:

Տեր Աբել քահանա Քարտաշյանին շատերն են ճանաչում ու սիրում՝ ինչպես Տավուշում, այնպես էլ մեր «աշխարհի» սահմաններից դուրս։ Հրանտ Ղազումյանն ու Տավուշ TV-ի թիմն այս անգամ բացահայտում են Տեր Աբելի «աշխարհը»՝ խաղաղ, ուժեղ, եռանդուն, սիրով ու հոգատարությամբ լի․․․

Մի խոսքով՝ այս անգամ Տեր Աբելի տանն ենք հյուրընկալվել տավուշյան «Մակարդակով կոֆե»-ի։

«Ընդհանրապես՝ Տավուշի մասին որ խոսում են, մարդիկ հիմնականում բնության մասին են խոսում։ Ես ասում եմ՝ ո՛չ, մարդկանց մասին պիտի խոսեք․․․ Շատ կարևոր է մեր հյուրասիրության կերպը․ տավուշեցիք ուրիշ կերպ են հյուրասիրում՝ ուրիշ ջիգյար են դնում, ուրիշ սիրտ են դնում էդ ամեն ինչի մեջ»․ – ասում է տեր Հայրը։

Թարմացված. 21.00

Հոկտեմբերի 4-ին, ժամը 19։33 ԱԻՆ Տավուշի մարզային ճգնաժամային կենտրոն ահազանգ է ստացվել, որ Իջևան քաղաքի Բլբուլյան փողոցում մեքենան բախվել է գազատար խողովակին, իննչի հետևանքով բռնկվել է հրդեհ։

Դեպքի վայր են մեկնել ԱԻՆ ՓԾ Տավուշի մարզային փրկարար վարչության հրշեջ-փրկարարական ջոկատից 2 մարտական հաշվարկ։

Հրդեհի հետևանքով այրվել է Մազդա մակնիշի ավտոմեքենա։

Ամբողջապես մարվել է 20։10-ին։
Տուժածներ չկան։

Թաղամասի գազիֆիկացումը վերականգնված է։

___________________

Իջևան քաղաքի Բլբուլյան թաղամասում քիչ առաջ (04.10.22, 19:00) տեղի է ունեցել Ճանապարհատրանսպորտային պատահար. մարդատար ավտոմեքենան բախվել է թաղամասի գազատար խողովակին, ինչի հետևաքով բռնկվել է հրդեհ, որոշակի ժամանակով դադարեցվել է թաղամասի գազիֆիկացումը։

Դեպքի վայրում այս պահին աշխատում են ԱԻՆ Տավուշի մարզային ՓԾ աշխատակիցները, տեղում են նաև շտապօգնության հերթապահ բժիշկները և ոստիկանները։

Մանրամասները պարզվում են։

1,425 views

Embed: Start at:

1,239 views

Embed: Start at:

1,128 views

Embed: Start at:

Տավուշ TV-ի տաղավարում մեր այս քննարկման ընթացքում խոսում ենք սահմանամերձ գյուղերի և բնակչության առջև ծառացած խնդիրների և մարտահրավերների մասին: Քննարկման հյուրերն են Այգեպար բնակավայրի վարչական ղեկավար Արկադի Յամուկյանը, «ՆՈՅ շունչ» երիտասարդական նախաձեռնության համակարգող Լևոն Ամիրաղյանը և Բաղանիս բնակավայրի վարչական ղեկավար Գևորգ Սահակյանը:

Չնայած սահմանային և տարածաշրջանային լարվածությանը՝ Իջևան խոշորացված համայնքի բնակավայրերը շարունակում են ապրել իրենց՝ արդեն  առօրյա կյանքով և հոգսերով։ Սահմանամերձ համայնքներում առաջնային հարցերը շատ են․ դրանց մասին զրուցել ենք Բերքաբեր և Կիրանց գյուղերի բնակիչների հետ։ 

«Քաղաքացիական երիտասարդական կենտրոն» համայնքային զարգացման ՀԿ-ն դեռևս 2022 թ․ տարեսկզբին «Ռեստարտ» գիտակրթական-բարեգործական հիմնադրամի հետ համատեղ իրականացրել է «Իրազեկ մանկավարժ, հաշվետու արհմիություններ» ծրագիրը։

Սեպտեմբերի 13-ին կայացավ ծրագրի շրջանակներում ստեղծված Տավուշի մարզի հանրակրթության ոլորտում գործող «Արհմիությունների ֆինանսական թափանցիկության եւ հաշվետվողականության» մոնիթորինգի արդյունքները ներկայացնող զեկույցի հանրային քննարկումը։

Մոնիթորինգի նպատակը Տավուշ իմարզում հանրակրթական ոլորտում գործող արհմիությունների ֆինանսական թափանցիկության բարձրացումն է՝ արհմիությունների գործունեության վերաբերյալ մանկավարժների իրազեկվածության ու ֆինանսական հաշվետվողականությունն ապահովող մեխանիզմների արդյունավետության գնահատման միջոցով։ Հետազոտությունն անց է կացվել Տավուշի մարզի 4 խոշորացված համայնքների 6 գյուղական և 3 քաղաքային դպրոցներում։

«Իրազեկ մանկավարժ, հաշվետու արհմիություններ» ծրագիրն իրականացվել է Եվրոպական միության ֆինանսական աջակցությամբ ու Թրանսփարենսի Ինթերնեշնլ հակակոռուպցիոն կենտրոնի կողմից իրականացվող «Քաղաքացիական հասարակության շրջանում հանրային հաշվետվողականության ապահովման մեխանիզմների ամրապնդման (ՍԱՆԿՈՒՍ)» ծրագրի շրջանակներում: Զեկույցը հասանելի է նաև էլեկտրոնային տարբերակով։

Դեռևս մեկ ամիս առաջ՝ Տավուշի թեմի մանկապատանեկան երգչախմբի տարեվերջյան ամփոփիչ համերգին, ոչ ոք չէր էլ կարող պատկերացնել, որ Queen խմբի երգացանկից ընտրանու կատարումը կարող է ճակատարգրական լինել․ հենց այս կատարումն էր, որի շնորհիվ փոքրիկ տավուշեցիները հասան Մարզահամերգայինի մեծ բեմ։

Սեպտեմբերի 7-ին՝ Starmus VI փառատոնի շրջանակներում կայացած Another World համերգի ընթացքում արդեն մանկապատանեկան երգչախումբը «ցնցեց» համալիրն ու գրավեց հանդիսատեսի սրտերը։ Բեմից նրանց ներկայացրեց Queen-ի լեգենդար կիթառահար Բրայան Մեյը։

Տավուշի թեմի մանկապատանեկան երգչախումբը հիմնադրվել է դեռ 2016 թվականին՝ թեմակալ առաջնորդ Բագրատ Սրբազանի օրհնությամբ և նախաձեռնությամբ։ Երգչախմբի երգացանկը խիստ բազմազան է՝ հոգևոր և հայրենասիրական երաժշտությունից մինչև ժամնակակից էստրադա և ռոք։

Երգչախմբի գեղարվեստական ղեկավարը և դիրիժորն այժմ Մարիա Գալստյանն է․ յուրաքանչյուր պարապմունքի և փորձի համար նա մայրաքաղաք Երևանից է հասնում Տավուշի թեմի առաջնորդարան, ինչպես ինքն է ասում՝ «ժամադրելու երեխաներին գեղեցիկի հետ»։

Տավուշի թեմի առաջնորդարանում «ճակատագրական» կատարումից մինչև Starmus փառատոն երգչախմբի անցած ճանապարհի և մանուկների զգացումների մասին պատմել ենք տեսանյութով՝ ստորև։

Նաև՝ ահա թե ինչ էր ասում Բրայան Մեյը երգչախմբի ելույթի մասին․

Իսկ այս տեսանյութում էլ վավերագրել ենք երգչախմբի՝ Իջևան վերադառնալուց հետո առաջին պահերը․