Խաղեր, վառ գույներ և ժպիտներ. երեխաների պաշտպանության օրվա մեր խճանկարն Իջևանից։

Հունիսի 1-ը, որպես երեխաների իրավունքների պաշտպանության միջազգային օր, նշվում է 1950 թվականից:

Հայաստանը ՄԱԿ-ի Երեխաների իրավունքների մասին կոնվենցիան վավերացրել է 1992 թվականին, որից հետո 1996թ. ընդունվել է «Երեխայի իրավունքների մասին» ՀՀ օրենքը:

Կոնվենցիայի հոդվածները մանրամասնում են մինչև 18 տարեկան (եթե տեղական օրենքով նա ավելի վաղ չի ճանաչվում չափահաս) անձանց սեփական հնարավորությունների ամբողջական զարգացման անհատական իրավունքները՝ զերծ քաղցից և կարիքից, դաժանությունից, շահագործումից և չարաշահման այլ ձևերից։ Երեխաների իրավունքները ներառում են ծնողների և այլ անձանց հետ կապված հարաբերությունները, ֆիզիկական պաշտպանվածության, անվճար կրթության, առողջապահության, քաղաքացիական իրավունքները։

Հունիսի 1-ին` երեխաների իրավունքների պաշտապանության միջազգային օրվա առթիվ Իջևան խոշորացված համայնքի մեծերին ու փոքրերին շնորհավորելու էր եկել «Հույսի կամուրջ» ՀԿ մանկապատանեկան թատերախումբը: Իջևանի մշակույթի տանը ներկայացվեց Դ. Դեմիրճյանի «Քաջ Նազար» պատմվածքը:

Թատերական ներկայացման հանդիսատեսը «Հույսի կամուրջ» ՀԿ Իջևանի երեխայի զարգացման և սոցիալական ներառման կենտրոնի երեխաներն ու նրանց ծնողներն էին, հանրակրթական դպրոցների աշակերտներ, ուսուցիչներ, համայնքի բնակիչներ:

Ներկայացման ավարտին Հույսի կամուրջի աշխատակիցներն ու կամավորները միացան համաքաղաքային միջոցառմանն ու դրսում երեխաներին գունազարդեցին՝ պահպանելով տոնական տրամադրությունը։

Թատերախմբի ղեկավար Հասմիկ Խաչերյանը նշում է․ «Բեմում ելույթ են ունենում հաշմանդամություն ունեցող և չունեցող երեխաները միասին։ Սա առաջնահերթ բեմ բարձրացող երեխաների համար է մեծ օգուտ, իսկ հանդիսատեսի համար՝ ևս մեկ անգամ ապացույց, որ հաշմանդամություն ունեցող մարդիկ կարող են ամեն ինչ, ուղղակի պետք է իրենց համար հավասար պայմաններ ստեղծել»։

Մայիսի 25-ին և 26-ին ԵՊՀ ԻՄ-ում «UPSHIFT Գավառ և Իջևան» դեռահասների զարգացման և համայնքային ներգրավվածության խթանման ծրագրի շրջանակներում տեղի ունեցավ «BootCamp» համայնքային երիտասարդական ծրագրերի ներկայացման երկրորդ՝ երկօրյա հանդիպումը:

Իջևանի և հարակից համայնքների 50 պատանիներ աշխատեցին իրենց ծրագրային գաղափարների վրա և պատրաստեցին նորարարական մոտեցումներով համայնքային խնդիրների լուծման իրենց ծրագրային գաղափարների ներկայացումները:

«BootCamp»-ի 2-րդ օրը թվով 10 թիմեր իրենց ծրագրային գաղափարները ներկայացրեցին ժյուրիի անդամներին: Ամենաբարձր միավորներ հավաքած 5 թիմերը ծրագրի շրջանակներում ստացան 120,000 ՀՀ դրամ ֆինասավորում՝ իրենց գաղափարները իրականություն դարձնելու նպատակով։

Ծրագրերի իրականացման փուլի մեկնարկը տրված է։

«UPSHIFT Գավառ և Իջևան» դեռահասաների զարգացման և համայնքային ներգրավվածության խթանում ծրագիրն իրականացնում է Գյումրու «Երիտասարդական նախաձեռնությունների կենտրոն» ՀԿ-ն՝ ՅՈՒՆԻՍԵՖ-ի հայաստանյան գրասենյակի հետ համատեղ և Եվրոպական միության աջակցությամբ:

Մեր տաղավարում այս անգամ քննարկումը Տավուշի մարզում ֆիզիկական դաստիարակության և սպորտի մասին է՝ ոլորտում մեր հաջողությունների և խնդիրների մասին։ Քննարկման հյուրերն են Պրոֆեսիոնալ ԱրմՖայթինգ ֆեդերացիայի Բերդի մասնաճյուղի մարզիչ Համլետ Աթոյանը, «Դիլիջան ՋԻՄ» մարզական ակումբի հիմնադիր Գարիկ Թովմասյանը, «Ուտիք» ֆուտբոլային ակումբի գլխավոր մարզիչ Վահե Խաչատրյանը և «ՏաՈւժ Իջևան» դպրոցի մարզիչ Մհեր Պետրոսյանը։ 

Ի՞նչ կլիներ, եթե հորոսկոպի նշանները ստեղծեին իջևանցիները, ի՞նչ կլինի, եթե Հրանտը գնա Թբիլիսի և այնտեղ հանդիպի մեր գործընկեր Ասպրամին․․․

Այս և մնացած «ինչ»-երի պատասխաններն ենք ձեզ համար բերել «Մեր բարբառն ու բարքերը» հաղորդաշարի հերթական՝ թբիլիսյան թողարկմամբ։

«Քննարկում Տավուշ TV-ով» շարքում հաջորդ կլոր սեղանի թեման ձեր էկրաններին է։ 

Ֆիզիկական դաստիարակությունը՝ որպես ընդհանուր դաստիարակության անբաժանելի մաս, նպատակաուղղված է անձի բազմակողմանի զարգացմանը, ֆիզիկապես կատարելագործմանը և կենցաղում առողջ ապրելակերպի հաստատմանը։

Մայիսի 22-ին Իջևանի Շատրվանների հրապարակում մեկնարկեց Ռեստարտ գիտակրթական հիմնադրամի կողմից կազմակերպված «RestArt Youth Fest երիտասարդական փառատոնը, որի նպատակն է նպաստել մարզաբնակ երիտասարդների ակտիվացմանը, մոտիվացմանը և գիտելիքների հարստացմանը:
Փառատոնը սկսվեց սպորտային և ինտելեկտուալ խաղերի, բեմականացումների ցուցադրությամբ, այնուհետև ցուցադրվեցին տավուշցի ձեռներեցների կողմից արտադրված ապրանքները և ԵՊՀ ԻՄ Կիրառական արվեստի ֆակուլտետի ուսանողների կտավները: Ներկայացվեցին նաև Տավուշում գործող ՀԿ-ների կողմից կատարված աշխատանքները:

Մոտիվացնող բանախոսություններով եւ երաժշտական կատարմամբ հանդես եկան վլոգեր, երաժիշտ Ռուբեն Եսայանը և վլոգեր-ինֆյլուենսեր Եվա Ղարիբյանը:

«RestArt Youth Fest»-ը՝` «Ռեստարտ երիտասարդական փառատոն» ծրագիրը, որի շրջանակում իրականացվեց 11 փառատոններից առաջինը Իջևան քաղաքում, նպատակ ունի նպաստել երիտասարդների քաղաքացիական ակտիվության բարձրացմանը` համախմբելով հազարավոր երիտասարդների Հայաստանի բոլոր մարզերում ու մայրաքաղաքում:

«Ռեստարտ» գիտակրթական- բարեգործական հիմնադրամի փառատոնի իրականացմանն աջակցել են ԵՊՀ ԻՄ-ը, Իջևանի համայնքապետարանը և «Ռեստարտ Իջևան» գիտակրթական ՀԿ-ն: Փառատոնն ամփոփվեց «Նեմրա» բենդի համերգային ծրագրով:

Հայաստանի եվրոպական համալսարանի Իջևանի մասնաճյուղում տեղի ունեցավ «ՀՀ հյուսիս-արևելյան սահմանների անվտանգության հիմնախնդիրներն արդի պայմաններում» թեմայով աշխատաժողով՝ նվիրված Հայաստանի եվրոպական համալսարանի հիմնադրման 20-րդ տարեդարձին։

Աշխատաժողովին զեկույցներով հանդես եկան ՀԵՀ Իջևանի մասնաճյուղի ուսումնական գծով փոխտնօրեն, տ․գ․թ․ Կամո Այվազյանը, բուհի դասախոսներ։

Հանդիպմանը ներկայացվեցին և քննարկվեցին ՀՀ Տավուշի մարզի անվտանգության համալիր հարցեր, այդ թվում՝ մարզի համայնքների խոշորացման, ջրային ռեսուրսների, սոցիալ-տնտեսական, ֆինանսական, ժողովրդագրական և այլ ուղղվածության հիմնախնդիրներ։

Աշխատաժողովի վերջում կայացվեց որոշում ամբողջացնել քննարկումների ժամանակ ստացված արդյունքները՝ դրանք պատասխանատու մարմիններին փոխանցելու պայմանով։

Մայիսի 6-ին EU4Youth «Սոցիալական ձեռներեցության էկոհամակարգի զարգացում՝ կանաչ առաջընթացի համար» ծրագրի շրջանակներում Կանաչ արահետ ՀԿ-ն ԵՊՀ Իջևանի մասնաճյուղի հետ համատեղ Իջևանում կազմակերպեց աշխատանքի տոնավաճառ։

Աշխատանքի տոնավաճառին մասնակցեցին մոտ 40 կազմակերպություններ, որոնք Տավուշի մարզի երիտասարդներին առաջարկեցին աշխատանքի տեղավորման տարբեր առաջարկեցին աշխատանքի տեղավորման տարբեր հնարավորություններ՝ կարճաժամկետ և երկարաժամկետ զբաղվածություն, պրակտիկա, սեզոնային աշխատանք և այլն: Ավելի քան 300 երիտասարդներ Տավուշի մարզի տարբեր քաղաքներից և համայնքներից հնարավորություն ստացան մասնակցել աշխատանքի տոնավաճառին:

Աշխատանքային տոնավաճառի նպատակն է կապ ստեղծել Տավուշի մարզում գործող ընկերությունների և մարզաբնակ երիտասարդների միջև` հնարավորություն ընձեռնելով նրանց իրենց ինքնակենսագրականները թողնել նախընտրած գործատուների մոտ, ինչպես նաև մասնակցել հարցազրույցների:

Ծրագիրը, որը իրականացնում են Կովկասի բնապահպանական կազմակերպությունների ցանցը (Վրաստան) և Կանաչ Արահետ ՀԿ-ն (Հայաստան) նպատակ ունի բացահայտել ձեռնարկատիրական ներուժը առավել խոցելի համայնքներում և խթանել ձեռներեցության հնարավորությունները երիտասարդների շրջանում:

2022թ. ապրիլի 30-ին Ամերիկյան գրադարան և դասընթացների կենտրոնի գործունեության շրջանակում ԵՊՀ Իջևանի մասնաճյուղի Կիրառական արվեստի ֆակուլտետի դահլիճում կազմակերպվել էր «Կարևոր զրույցներ հույսի, կամքի և գործի մասին» վերնագրով համայնքային միջոցառում՝ TED զրույցների ֆորմատով, հրավիրված խոսնակների մասնակցությամբ։

Խոսնակներն էին ՀՀ-ում ԱՄՆ դեսպանատան մշակութային կցորդ Մարշա Աութլոուն, Tmm Soft ‘Autism” ՍՊԸ-ի հիմնադիր Լենա Հարությունյանը, «Նաիրի» բժշկական կենտրոնի ռևմատոլոգիական և իմունոլոգիական ծառայության ղեկավար Վահան Մուկուչյանը, Ֆիզիկական կուլտուրայի հայկական պետական ինստիտուտի՝ Փրկարարական գործ և սպորտային տուրիզմ ամբիոնի վարիչ, Ալպինիզմի և լեռնային տուրիզմի հայկական ֆեդերացիայի նախագահ Սուրեն Դանիելյանը, լրագրող, խմբագիր, հրապարակախոս, հասարակական գործիչ Անի Քոչարը, Արցախից տեղահանվածների և պատերազմի ընթացքում զոհված զինվորների մայրերի, կանանց և երեխաների հետ տարվող աշխատանքների «Արփի» ՀԿ-ի հիմնադիր Սոֆիկ Մինասյանը։

Միջոցառման խոսնակները իրենց ելույթների ժամանակ անդրադարձան 2 թեմաների.

– Սոցիալական ներառման և հավասարության կարևորությունը
– Անհատի նախաձեռնության կարևորությունը:

Միջոցառման վերջում իրենց կատարումներով հանդես եկան արցախյան 44-օրյա պատերազմի մասնակից տղաները։