Արդեն 8-րդ օրն է Կիրանցում փակ է գյուղի ճանապարհը։ Հայաստանի տարբեր հատվածներում բողոքի ակցիաներ են տեղի ունենում, բնակիչները ընդվզում են սահմանազատման դեմ: Այս ընթացքում Կիրանցի բնակիչների հետ հանդիպել են ոստիկանության բարձրաստիճան սպաներ՝ նպատակ ունենալով բացել ճանապարհը։ Այսօր երեկոյան Կիրանց այցելեց նաև Տավուշի մարզպետ Հայկ Ղալումյանը, ով համոզում էր գյուղացիներին կտրուկ գործողությունների չդիմել և համատեղ քննարկել ստեղծված իրավիճակը, սակայն գյուղացիները չցանկացան լսել նրան։

Այնուհետև փոխոստիկանապետ Կ․ Հակոբյանը և Տավուշի մարզի ոստիկանապետ Ա․ Մկրտչյանը կոչ արեցին բնակիչներին բացել ճանապարհը, որպեսզի սահմանագծման աշխատանքները իրականացվեն։ Քաղաքացիները թույլ չտվեցին մեքենայի տեղաշարժը, որից հետո հատուկ ջոկատայինների ու քաղաքացիների միջև քաշքշուկ և հրմշտոց տեղի ունեցավ։

Ոստիկանական ուժերը տեղում հայտնեցին, որ բերման ենթարկվածներ չկան։

Տավուշի թեմի առաջնորդ Բագրատ Սրբազանը հանդես եկավ հանդարտեցման կոչով, բնակչությանը հորդորելով չտրվել սադրանքների և բացել ճանապարհը։ Ճանապարհը մի քանի րոպեով բացվեց և կրկին փակվեց։ Բողոքի ակցիան Կիրանցում շարունակվում է․ առջևում 9-րդ օրն է։

«Փաստերի ստուգման հարթակը» գրել է, որ Google Maps-ում ներկայացված՝ Տավուշում սահմանազատման ենթակա հայ-ադրբեջանական սահմանը համընկնում է 1976 թվականի Խորհրդային Միության Գլխավոր շտաբի համապատասխան տեղանքի՝ խորհրդային Հայաստանի ու խորհրդային Ադրբեջանի վարչական սահմանների վերաբերյալ քարտեզին։

6-7-րդ դարերում կառուցված Ոսկեպարի Սուրբ Աստվածածին եկեղեցին ԽՄ ԳՇ քարտեզով սահմանազատման դեպքում կմնա հայկական կողմում, սակայն ադրբեջանական սահմանից ընդամենը 10-20 մետր հեռավորության վրա։

Ինչպես ԳՇ քարտեզում, այնպես էլ Google Maps-ում, Կիրանցի դպրոցը տեղակայված է Ադրբեջանի հետ սահմանից ուղիղ գծով մոտ 360 մետր հեռավորության վրա։

Այսպիսով, Տավուշում 1976 թվականի՝ ԽՄ ԳՇ քարտեզներով սահմանազատման հետևանքով, չնայած Ոսկեպարի եկեղեցին ու Կիրանցի դպրոցը մնում են հայկական կողմում, սակայն հայտնվում են Ադրբեջանի սահմանից չնչին հեռավորության վրա։

Հայաստանի և Ադրբեջանի սահմանազատման հանձնաժողովների ապրիլի 19-ին կայացած նիստին հաջորդած հայտարարությունից ժամեր անց բնակիչները փակել էին Կիրանց գյուղի ճանապարհը: Բնակչության ընդվզումը շարունակվում է. 3-րդ օրն է փակ է գյուղի ճանապարհը, բնակիչները դեմ են սահմանազատմանը:

Կիրանց-Ոսկեպար միջպետական ճանապարհը այսօր առավոտից կրկին փակ է: Երկուշաբթի օրը փոխվարչապետ Մհեր Գրիգորյանը խոստացել է այցելել Կիրանց` պատասխանելու բնակիչների հարցերին:

Հիշեցնենք, որ Հայաստանի և Ադրբեջանի սահմանազատման հանձնաժողովների ապրիլի 19-ին կայացած նիստին հաջորդած հայտարարությունից ժամեր անց բնակիչները փակել էին Կիրանց-Իջևան ու Բաղանիս-Նոյեմբերյան ճանապարհահատվածները: Բնակչության ընդվզումը շարունակվում է. երկրորդ օրն է փակվում է Կիրանց գյուղի ճանապարհը:

Լուսանկարը` Գոհար Վարդանյանի

Հայաստանի և Ադրբեջանի սահմանազատման հանձնաժողովների երեկ` ապրիլի 19-ին կայացած նիստին հաջորդած հայտարարությունից ժամեր անց բնակիչները փակել էին Կիրանց-Իջևան ու Բաղանիս-Նոյեմբերյան ճանապարհահատվածները: Բնակչության ընդվզումը շարունակվում է. այժմ փակ է Կիրանց գյուղի ճանապարհը:

Լուսանկարը` Գոհար Վարդանյանի

ԹԱՐՄԱՑՈւՄ
Քաղաքացիները բացում են միջպետական ճանապարհը․ նրանց խոստացել են հանդիպում Մհեր Գրիգորյանի հետ:

Մեծացնելով աշակերտների հետաքրքրվածությունը՝ գիտության հանդեպ. Ենոքավանում ապրիլի 10-ին անցկացվեց « STEM էքսպո 2024» միջոցառումը՝ Տավուշի մարզի 6 հանրակրթական դպրոցների մասնակցությամբ:

«Սթեմ էքսպոյի» նպատակն է բարձրացնել աշակերտների հետաքրքրությունը դեպի գիտությունը, ճարտարագիտությունը, նաև մաթեմատիկայի ու տեխնոլոգիաների ուղղությամբ:

Նախագծին մասնակցել են Իջևանի վարժարանի, Գետահովիտի, Վազաշենի, Աչաջրի Կողբի և Այրումի դպրոցների աշակերտական թիմերը:

Էքսպոյի շրջանակներում տեղի ունեցավ «STEM կրթության հեռանկարներ» խորագրով պանելային քննարկում: Հյուրերն ու մասնակիցները հնարավորություն ունեցան ծանոթանալու աշակերտների նախագծերի արդյունքներին՝ ստեղծելով համագործակցային ու կրթական միջավայր:

STEM կրթական փաթեթը, որը ներառում է տեխնիկական և տեղեկատվական ռեսուրսներ, ուսուցիչների վերապատրաստում և շարունակական մենթորություն, իրականացվում է Տավուշի մարզի հանրակրթական դպրոցներում. նախատեսվում է ընդլայնել դպրոցների ընդգրկումը: Նախագծի չափորոշիչների վրա հիմնված կրթությունը հավաստագրվել է ՀՀ ԿԳՄՍ նախարարության կողմից:

«Անգլերենի ուսումնառություն և երիտասարդների զարգացում» ծրագրի շրջանակում «Ամերիկյան գրադարան և դասընթացների կենտրոն»-ում 2024 թ․ ապրիլի 22-ին և 23-ին կազմակերպում է երկօրյա անվճար դասընթաց «Աշխատանքի արդյունավետ որոնում. նախապատրաստում և գրագետ արձագանքում» թեմայով։

Դասընթացին կարող են մասնակցել Իջևան քաղաքի և հարակից համայնքների 18-35 տարեկան երիտասարդները, որոնք ցանկանում են զարգացնել գիտելիքներ ու հմտություններ իրենց աշխատանքային կարիերան պլանավորելու և սկսելու համար։

Դասընթացի ավարտին մասնակիցները կունենան պատրաստի ռեզյումե և մոտիվացիոն նամակի կառուցվածք, պատրաստ կլինեն ինքնուրույն փնտրել, գտնել աշխատանքի հնարավորություններ, արդյունավետ կերպով մասնակցել հարցազրույցների:
Ամբողջ ընթացքը լինելու է ինտերակտիվ, յուրաքանչյուր թեմայի վերաբերյալ կկազմակերպվեն գործնական աշխատանքներ և քննարկումներ:

Մասնակցելու համար անհրաժեշտ է լրացնել հայտադիմումը հետևյալ հղումով:
Գրանցման վերջնաժամկետն է 2024 թ. ապրիլի 15-ը, ժամը 24:00:

Դասընթացը կվարի հավաստագրված ՄՌ մասնագետ և քոուչ Աննա Զարգարյանը (ավելի քան 10 տարվա փորձ ՄՌ-ի ոլորտում), դասընթացավար (ավելի քան 20 տարվա դասընթացավարի փորձ, վարել է ավելի քան 1000 դասընթաց ավելի քան 15000 մասնակցի համար, համագործակցում է ավելի քան 20 տեղական և միջազգային կազմակերպությունների հետ)։

—
Դասընթացը կազմակերպում է «Փի-Էյչ Ինթերնեշնլ» կազմակերպությունը (www.ph-int.org) ՀՀ-ում ԱՄՆ դեսպանատան կողմից հովանավորվող «Անգլերենի ուսումնառություն և երիտասարդների զարգացում» ծրագրի շրջանակում:

«Աղստևի Հովիտ» տեղական ակտիվ խումբը տարածքային զարգացման ՀԿ-ն հայտարարում է Սաղմնային դրամաշնորհ (մինչև 600 000 դրամ)։

Տավուշի մարզի Իջևան համայնքի Խաշթառակ, Լուսահովիտ, Լուսաձոր, Դիտավան, Ազատամուտ, Այգեհովիտ, Կայան, Վազաշեն, Ակնաղբյուր, Աչաջուր, Սևքար, Սարիգյուղ, Բերքաբեր, Ծաղկավան, Աճարկուտ, Կիրանց բնակավայրերի բնակիչներին և տարածքում գործող կազմակերպություններին՝ սկսնակ նախաձեռնություններ խթանելու նպատակով։

Դիմելու վերջնաժամկետն է՝ 2024թ-ի ապրիլի 19-ը, ժ․ 09:00 (Երևանի ժամանակով):

Ուղարկեք ձեր հայտը aghstevihovitlag@gmail.com էլ․ փոստին։
Դրամաշնորհի հայտադիմումի ձևաթուղթը և ուղեցույցը հասանելի են հետևյալ հղմամբ:

Հայտը պարտադիր ներբեռնել, ապա մյուս անհրաժեշտ փաստաթղթերի հետ ուղարկել էլ․ փոստին aghstevihovitlag@gmail.com: 

Հարցերի դեպքում զանգահարել 041 311 319, 093713712 հեռախոսահամարին։

ԵՄ «Տեղացի դերակատարների զորեղացում հանուն զարգացման Լոռու և Տավուշի մարզերում» («EU-LEAD4Lori and Tavush», այսուհետ Ծրագիր) ֆինանսավորվում է Եվրոպական միության կողմից և իրականացվում է ՄԱԿ-ի Զարգացման ծրագրի կողմից՝ ՄԱԿ-ի Պարենի և գյուղատնտեսության կազմակերպության գործընկերությամբ և ՀՀ տարածքային կառավարման և ենթակառուցվածքների նախարարության հետ սերտ համագործակցությամբ։

Արցախյան 44-օրյա պատերազմում զոհված, կապիտան Արմեն Սահակյանը մարտի 31-ին 30 տարեկան կդառնար: Ի հիշատակ Արմենի՝ նրա ծննդյան օրը Իջևանում Տավուշի թեմի առաջնորդ Տեր Բագրատ արքեպիսկոպոս Գալստանյանի ձեռամբ խաչքար օծվեց: Խաչքարը տեղադրվել է Սահակյան ընտանիքի ջանքերով:

Արմեն Սահակյանը մասնակցել է Ապրիլյան քառօրյա պատերազմին և ոչ մի պարագայում իր զորքին թույլ չի տվել նահանջել դիրքերից: 2020 թվականին առանց երկմտելու և նույնիսկ ընտանիքի անդամներին հրաժեշտ տալու մեկնել է Արցախ՝ պաշտպանելու հյուսիսային հատվածի՝ Մատաղիսի դիրքերը: Մոտ մեկ ամիս հրամանատարին վայել հզորությամբ պահել է դիրքերը. զոհվել է Դրմբոնը պաշտպանելիս՝ հոկտեմբերի 28-ին, անօդաչու թռչող սարքի հարվածից: Հետմահու պարգևատրվել է «Մարտական ծառայություն» մեդալով։

Ազգային երգ ու պար, ավանդական խաղեր ու հյուրասիրություն․ Մարտի 31-ին Հայ առաքելական եկեղեցին տոնում է Քրիստոսի Հրաշափառ Հարության տոնը։ Ինչպես ամեն տարի, Հարության տոնը յուրովի է նշվել Տավուշի համայնքներում։ Տավուշ TV-ի նկարահանող խումբը եղել է Մորո Ձորո վանքում, որտեղ հավաքվել էին Լուսահովիտ, Խաշթառակ գյուղերի, Իջևան քաղաքի ու շրջակա բնակավայրերի պատանիներն ու երեխաները՝ միասին նշելու Սուրբ Հարության տոնը՝ ավանդական հավկիթախաղով ու երգ ու պարով։

Միջոցառումը նախաձեռնել էր Իջևանի «Ավանդույթ» երաժշտական դպրոցը։