Երկրների ժողովրդավարացման գործընթացի ներուժը երիտասարդներն են։ Նրանց ակտիվ մասնակցությամբ է պայմանավորված համայնքի տնտեսական, մշակութային, սոցիալակն և կրթական բլոկների զարգացումը։

Քննարկում ՏավուշTV-ով շարքի մեր երրորդ հանդիպմանը կլոր սեղանի շուրջ երեք համայնքներից ժամանած մեր հյուրերի հետ խոսել ենք երիտասարդների մասնակցության, ներգրավվածության և իհարկե, նրանց առջև հայտնվող մարտահրավերների մասին։
Այսօրվա մեր հյուրերն են «Դիլիջանի երիտասարդների համագործակցության կենտրոն» ՀԿ ծրագրերի համակարգող Արարատ Ալիխանյանը, «Բերդ մշակույթի կենտրոն» ՀԿ տնօրեն Մհեր Միրզոյանը և «Բերդավան» հիմնադրամի ծրագրերի համակարգող Վահրամ Աբովյանը։

Ոչ ոք համայնքի խնդիրներն ավելի լավ չի պատկերացնում, քան այն երիտասարդը, ով ամեն օր կանգնում է նոր մարտահրավերների առաջ։

Ուստի միայն երիտասարդների մասնակցությամբ է, որ հնարավոր է պատկերացում կազմել այդ խնդիրների լուծումների և հնարավոր տեսլականների մասին։

Տավուշ TV-ն ներկայացնում է երիտասարդների դերը և առկա խնդիրները մեր մարզում։ Հաջորդիվ կներկայացնենք թեմայի շուրջ կլոր սեղան-քննարկումը։