Ապրիլի 12-13-ը Իջևանում անցկացրեցինք մեր ուսուցում-դասընթացի առաջին փուլը՝ Բերդ և Նոյեմբերյան համայնքներից հաղթողների մասնակցությամբ։

Դասընթացի ավարտին հաղթողները ստացան իրենց մրցանակները՝ 4 տեսախցիկ, 4 մոնտաժային համակարգիչ և կից պարագաներ։ Այսպիսով Բերդ և Նոյեմբերյան համայնքներում կգործեն 2-ական թիմեր։

Տավուշ Մեդիա-յի այս նախաձեռնությունը տավուշեցի երիտասարդներին հնարավորություն է տալու ստանալ համապատասխան ռեսուրսներ, հմտություններ ու հարթակ իրենց պատմությունները պատմելու համար։

Սպասե՛ք մեր նոր թղթակիցների նյութերին Բերդից և Նոյեմբերյանից։

Մեդիագրագիտության բարելավում, ապատեղեկատվությանը դիմակայելու կարողությունների զարգացում․ ապրիլի 8-ին Իջեւանում կայացավ «Ապատեղեկատվական արշավներ. կեղծ պատմույթները, դրանց տարածման մեխանիզմներն ու թիրախները» խորագրով հանդիպում-քննարկումը:

Քննարկման թեման Հայաստանում շրջանառվող ապատեղեկատվական արշավներն էին, դրանց թիրախներն ու դիմակայելու մեխանիզմները: