«Մխիթար Գոշը՝ դարերի խոսուն վկան» գրքի շնորհանդեսը Գոշ գյուղում
Հուլիսի 17-ին Գոշ գյուղում տեղի ունեցավ գյուղի միջնակարգ դպրոցի աշակերտների կողմից, նախագծային աշխատանքի արդյունքում ստեղծված «Մխիթար Գոշը՝ դարերի խոսուն վկան» գրքի շնորհանդեսը:
Գրքում հակիրճ ամփոփված են ինչպես գյուղում պտտվող ավանդազրույցներն ու պատմությունները, այնպես էլ մեջբերումներ գիտական գրականությունից, որոնք կապված են Մխիթար Գոշի կյանքի և գյուղի ստեղծման հետ։
Գիրքը կազմելու համար աշակերտներն աշխատել են մոտ երկու տարի, իսկ հրատարակման համար երեխաների նախաձեռնությամբ իրականացվել է դրամահավաք:
Կրթական բարեփոխումների մեջ նախագծային ուսուցումը աշակերտներին հնարավորություն է տվել ստեղծագործել, լինել նախաձեռնող, աշխատել մեկ թիմում եւ իրականացնել հետազոտություններ։