Միշտ ժպտանք ու սիրով լինենք. ամանորյա շնորհավորանք
Տեսողական խնդիրներ ունեցող Վաչե Գրիգորյանն ապրում և ստեղծագործում է Դիլիջանում։ Չնայած բոլոր դժվարություններին, նա անվերջ շարունակում է երգեր գրել և ներկայացնել դրանք բեմերում՝ կիսելով իր հոգու ստեղծագործությունները։
Վաչեն մեզ է ուղարկել ամանորյա իր շնորհավորանքը:
Սիրելի՛ հայրենակիցներ, ուզում եմ առողջ լինենք, միշտ ժպտանք, սիրով լինենք։ Թող նոր տարին իր հետ խաղաղություն, երջանկություն, սեր և համերաշխություն բերի, թող լինի աշխատանքի և բարեկեցիկ տարի։ Թող բոլորիս տներում թևածի ուրախությունը և լցվի մանկան ավետաբեր ճիչով։ Ուզում եմ մեր շրջապատում չլինեն հարազատի և մարդկային անժամանակ կորուստներ, իսկ եթե լինեն, ապա թող լինեն միայն ժամանակին։ Առանձնահատուկ շնորհավորում եմ հայոց բանակին, սահմանին կանգնած հայ զինվորներին, որոնց կյանքի շնորհիվ խաղաղ են բացվում մեր առավոտները։ Փա՜ռք մեր հայ զինվորին, հավերժ փա՜ռք մեր քաջորդիներին և լույս պատերազմներում զոհված մեր Հերոս տղերքին։ Թող կատարվեն Ձեր հոգու խորքում թաքնված նվիրական երազանքները ու նպատակները։ Ապրեք հրաշքի իրականացման քաղցր բերկրանքով։ Հավատացեք Ձեր երազանքներին, որովհետև տարեմուտի գիշերը դրանք իրականանալու հատկություն ունեն։ Պահեք Ձեր ներսում մանկության հեքիաթը, որպեսզի կարողանաք հաղթահարել կյանքի դժվարությունները։ Շնորհավոր Ամանոր և Սուրբ Ծնունդ:
Հաշմանդամություն ունեցող անձինք ոչ թե օգնության կարիք ունեն, այլ՝ իրենց հնարավորությունների օգտագործման:
https://www.facebook.com/watch/?v=3646533415587434&rdid=Is6Tksb9qGi8vEEK
