Մեր թղթակից Արաքսյա Ամիրաղյանը պատմում է Նոյեմբերյանի սարերում Ամանորի տոնակատարության մասին։



ԵՄ «Տեղացի դերակատարների զորեղացում հանուն զարգացման Լոռի և Տավուշ մարզերում» ծրագրի շրջանակներում «ԳանՁոր» ՏԱԽ-ը հրավիրում է ներկայացնելու դրամաշնորհային հայտեր՝ Տավուշի մարզի Նոյեմբերյան համայնքի Բագրատաշեն, Պտղավան, Դեղձավան, Դեբեդավան, Այրում, Լճկաձոր, Արճիս, Հաղթանակ, Զորական բնակավայրերում տեղական զարգացման նախաձեռնությունների իրականացման նպատակով:

Նախատեսվում է ֆինանսական աջակցություն տրամադրել վերոնշյալ բնակավայրերում գրանցված և/կամ փաստացի գործող քաղաքացիական հասարակության, գործարար և հանրային ոլորտի ներկայացուցիչներին՝ զարգացման նախաձեռնություններ իրականացնելու նպատակով:
Ներկայացվող հայտերը պարտադիր պետք է բխեն «ԳանՁոր» ՏԱԽ-ի Ռազմավարական գործողությունների 2022-2026 թթ․ ծրագրի զարգացման առաջնահեր- թություններից (տե՛ս՝ հայտեր ներկայացնելու ուղեցույց):

Հայտերի ներկայացման վերջնաժամկետ՝ 2023թ-ի հունվարի 23-ը, ժ․ 18:00 (Երևանի ժամանակով):
Դիմելու մանրամասները հասանելի են հետևյալ հղումով՝

https://drive.google.com/…/1la5cA…

Հարցերի դեպքում կարող եք կապ հաստատել gandzorlag@gmail.com էլ. փոստով կամ +37441525075 (Մերի Թուխիկյան) և +37444353233 (Արման Ղազարյան) հեռախոսահամարներով:

Նոյեմբերյանում ում վառվել են քաղաքի տոնածառի լույսերը։

Լուսավառման արարողության և քաղաքում ամանորյա եռուզեռի մասին է պատմում մեր թղթակից Հրանուշ Անանյանը։



Հրաժեշտ ենք տալիս տավուշյան աշնանը՝ ձմեռային հեքիաթի սպասումով։ Մեր թղթակից Ջուլիետա Խառատյանը պատմում է Նոյեմբերյանի աշնան, եռացող կյանքի ու մարդ-բնություն ներդաշնակության մասին։ 

Նոյեմբերյանի «Պապոնց տուն» սոցիալ-կրթական կենտրոնում տեղի ունեցավ եռօրյա հուշամրցաշար՝ նվիրված բարերար Րաֆֆի Ճիկերեանին։ Մրցաշարին մասնակցեցին Նոյեմբերյան համայնքի երեխաներն ու մեծահասակները։

14-18 տարիքային խմբում առաջին տեղը զբաղեցրեց Գարիկ Բարսեղյանը, երկրորդը՝ Նարեկ Նավասարդյանը, երրորդ տեղում Մարիա Նավասարդյանն էր, ով աղջիկների խմբում արժանացավ առաջին մրցանակին։

12-14 տարիքային խմբում առաջին տեղում Էդմոն Կրակոսյանն էր, 10-11 տարիքային խմբում՝ 10-ամյա Նանե Չիլինգարյանը։

Մեծահասակների խմբում հաղթող ճանաչվեց ամենաերիտասարդ մասնակիցը՝ Գարիկը։

Մրցաշարն անցավ չափազանց հետաքրքիր՝ ջերմ ու ընկերական մթնոլորտում։ Մրցաշարի վերջում հաղթողները պարգևատրվեցին պատվոգրերով և դրամական մրցանակներով։

Մրցաշարի մասին պատմում է Նոյեմբերյանից Տավուշ Մեդիայի թղթակից Արաքսյա Ամիրաղյանը։



Մեկնարկել է Նոյեմբերյանի քաղաքային զբոսայգու վերակառուցման և վերակենդանացման նախագիծը.

Այգու առաջարկվող նախագիծը ընդհանուր առմամբ դասական է` ճարտարապետական կառուցվածքներով, կոմպոզիցիայով, մանրախճային արահետներով և որոշ այլ լուծումներով։ Այն միաժամանակ ազատ նախագիծ է, որտեղ միավորված են ժամանցի տարբեր հատվածներ՝ մեկ ամբողջության մեջ: Այգու հիմնանորոգման նախագծի հիմքում դրվել է ոչ միայն հանգստի ու զբոսանքի համար գոյություն ունեցող տարածքի վերանորոգումը, այլև ամեն տարիքի և կարողությունների մարդկանց համար հասանելի, անվտանգ, հարմարավետ, կանաչապատ ու խնամված հանրային տարածք ստեղծելը:

Այգում տեղ են հատկացրել սպորտի և խաղերի համար նախատեսվախ տարածքներ՝ տարբեր տարիքային խմբերի համար: Այգին և հարակից հանրային տարածքը հավակնում են լինել ոչ միայն Նոյեմբերյան քաղաքի, այլև խոշորացված համայնքի 19 բնակավայրերի բնակիչների համար սիրելի վայր: Նոյեմբերյանի դիրքը` միջպետական ճանապարհով անցնելը, ինչպես նաև խոշորացված համայնքի կենտրոն լինելը հնարավորություն են տալիս տարածքի վերակառուցմամբ աշխուժացնել համայնքը:
Այգու բարեկարգման թեմայով համայնքում տեղի է ունեցել նաև հանրային լսում՝ վերհանելով բնակիչները տեսակետները: Նախագիծը իրականացվում է «Սկևռա» քաղաքային պլանավորման ինստիտուտի, «Ապրելու» հիմնադրամի և Նոյեմբերյանի համայնքապետարանի միջև կնքված եռակողմ հուշագրի շրջանակում:

Նոյեմբերյանի հիմնական դպրոցում աշակերտների «Զարթոնք» խմբակի անդամները ներկայացրել են համայնքում իրենց նախաձեռնության ծրագիրը։

Ծրագրի շնորհանդեսին ներկա են եղել ուսուցիչներ, ծնողներ և համայնքապետարանի ներկայացուցիչներ։

Դիտե՛ք Տավուշ Մեդիայի թղթակից Արաքսյա Ամիրաղյանի տեսանյութում։



Օրեր առաջ Նոյեմբերյան համայնքի Մշակույթի կենտրոնում կայացավ արդեն մեկ տարի գործող ստվերների թատրոնի «Ամենակարևորը» վերնագրով ներկայացման պրեմիերան։

Ստվերների թատրոնն ամբողջությամբ կյանքի է կոչվում տեղացի մանուկների և պատանիների ջանքերով․ հեքիաթի կերպարները նկարում, կտրում են Գեղարվեստի դպրոցի սաները, ներկայացումն էլ խաղում են մանկապատանեկան թատերախմբի անդամները։

Դիտե՛ք Տավուշ Մեդիայի թղթակից Արաքսյա Ամիրաղյանի տեսանյութում։



Հոկտեմբերի 1-ին Նոյեմբերյանի Սուրբ Սարգիս եկեղեցում տեղի ունեցավ սեպտեմբերի 13-ին ադրբեջանական ագրեսիայի հետևանքով գերեվարված և սպանված զինծառայող Դավիթ Գիշյանի հոգեհանգստյան արարողությունը:

Դավիթը հայկական բանակ էր զորակոչվել 2021 թ. հուլիսին և ծառայում էր Սյունիքի լեռներում: Սեպտեմբերի 24-ին լրանալու էր նրա 20-ամյակը: 

Հոգեհանգստի արարողությունը կատարվեց Տավուշի թեմի առաջնորդ Բագրատ Սրբազանի ձեռամբ:

Դավիթի հայրը՝ Բարսեղ Գիշյանն է պատմում. «Մեր վերջին խոսակցություններից մեկի ժամանակ ինքն ասաց՝ պապ, սենց երկնքին եմ նայում, էնքան աստղեր կան. հիշո՞ւմ ես, որ մեզ մոտ՝ սարերում՝ Նոյեմբերյանում նայում էինք երկնքին, հիմա նայում եմ, ու էդքան շա՜տ աստղեր կան: Ես, իհարկե, ուրախացա, որ ինքն այդ գիշերային լռության մեջ Սյունիքի սարերում ինչ-որ բան է գտել, որն իր ծառայությունը հաճելի է դարձնում՝ էդ աստղերին նայելն ու իր մանկությունը մեր սարերում հիշելը…»:



«Տղե՛րք, առանց ձեզ դժվար է, բայց կապրենք, դժվար է երազել, բայց կերազենք, դժվար է հավատալ, բայց կհավատանք, տղե՛րք»։

«Մետրո» թատրոնի թատերախումբը Նոյեմբերյանում ներկայացրեց 44-օրյա պատերազմում զոհված Վարդան Ամալյանի պատմվածքների հիման վրա բեմադրված «Ապրեցնող երկխոսություն» ներկայացումը։ Պատմվածքները, որոնք Վարդանը գրել է 11-13 տարեկանում, ոչ թե բեմադրված էին, այլ բեմից պատմվում էին և հանդիսատեսին հասցնում Վարդանի ուղերձները։

Բեմադիչ-ռեժիսոր Էդգար Մեհրաբյանի խոսքով՝ «Ներկայացման վերնագիրն էլ պատահական չի ընտրված, որովհետև իսկապես յուրաքանչյուր բառ ապրեցնում է․ կվերցնենք դա մեկ ժամվա համար, թե տասը օրվա համար, թե մեր ամբողջ կյանքի համար՝ դա արդեն երևի մեր անձնական խնդիրն է»։

Թատերախմբի անդամները խոստովանում են, որ ներկայացումների ընթացքում մշտապես զգում են Վարդանի ներկայությունը և նրա հոգևոր ուժը։

Դերասանուհի Էվելինա Ստեփանյանն ասում է, որ «ներկայացումը կոչ է ապրելու՝ շարունակելու ապրել, ու ապրել լրիվ ուրիշ կերպ՝ պատերազմից հետո»։

Ներկայացման ընթացքում պատմվածքներին զուգահեռ անդրադարձ է կատարվում պատերազմի թեմային և այդ ժամանակվա ապրումներին։