«ՄեդիաԴիտակ» մեդիագրագիտության փառատոնը հուլիսի 29-ին և  30-ին Նոյեմբերյան քաղաքում էր: Փառատոնը՝  հետաքրքիր և ուսանելի միջոցառումների անցկացմամբ մեկնարկել էր Գեղարքունիքի մարզի Մարտունի քաղաքում: Փառատոնն անցկացվում է «Մեդիագրագետ և պաշտպանված համայնքներ» ծրագրի շրջանակում, որի արդյունքում Տավուշի մարզի Ներքին Կարմիրաղբյուրի միջնակարգ ու Նոյեմբերյանի ավագ դպրոցներում բացվել են մեդիագրագիտության և քաղաքացիական կրթության դասարան-ակումբներ, որտեղ ուսուցիչներն ու աշակերտները իրականացնում են մեդիագրագիտության զարգացմանն ուղղված տասնյակ միջոցառումներ, հանդիպում-քննարկումներ, մրցույթներ ու բանավեճեր:

«ՄեդիաԴիտակ» փառատոնին նախորդել է կարողությունների զարգացման դասընթացը, որի ընթացքում դպրոցականները զինվել են կեղծ լուրերի դեմ պայքարի գործնական հմտություններով ու գիտելիքներով:

Կարողությունների զարգացման դասընթացների ավարտին իրենց ստացած գիտելիքներն ու գաղափարները դարձրել են մեդիագրագիտության բարձրացմանն ուղղված նախաձեռնություններ, որոնք իրականացրել են Նոյեմբերյանում:

Մեդիագրագիտության փառատոնն ավարտվեց ծրագրի մասնակիցներին խրախուսական նվերներ ու վկայականներ հանձնելով: Իսկ վերջում ինտերակտիվ բեմադրությունն էր՝ «Կեղծ լուրերի մամլո ակումբ» խորագրով, որը հումորային մոտեցումներով հանդիսատեսին սովորեցնում է կեղծ լուրերի դեմ պայքարի մեթոդներն ու դրանք կանխարգելելու տարբերակները։

Կողբը Նոյեմբերյանի ամենաակտիվ բնակավայրերից է, հատկապես մշակութային առումով, եւ դա պատահական չէ: Այսօր Կողբը մշակութային ժառանգության եւ նորարարության խաչմերուկ է դարձել երիտասարդների համար, որտեղ անցյալը մերձենում է ներկայի հետ: Մշակութային միջոցառումները, ավանդական տոնակատարությունները եւ տեղական արվեստագետների աշխատանքները դարձնում են Կողբը մի վայր, որտեղ ոչ միայն պահպանվում են պատմական արժեքները, այլև զարգանում են նոր ստեղծագործական նախագծեր: Սա մի նոր միջավայր է, որտեղ խնամքով պահպանվում են նախնիների մշակութային ավանդույթները, իսկ նոր սերունդներն իրագործում են իրենց ստեղծագործական երազանքները:

Երիտասարդները՝ որպես համայնքի հենասյուներ. Սյուզաննա և Ռուզաննա Աղաբաբյան քույրերը

4-րդ շաբաթն է ինչ աղետյալ Այրումում մարդիկ շարունակում են մաքրել ու լվանալ իրենց տունը, կահ-կարասին, բարեկարգում են բակերը՝ զուգահեռաբար մշատպես բաց պահում դռներն ու պատուհանները, որպեսզի հնարավորինս շուտ չորացնեն հեղեղից փրկված իրերը։ Առաջին հարկեր լցված ջուրը հետ է քաշվել, բնակիչները՝ փրկարարների ու կամավորների հետ միասին տիղմի մաքրման աշխատանքներն են կատարել։

Աղետից հետո բնակիչներին տրվել են աջակցություններ՝ հաշվի առնելով վնասի չափերն ու մարդասիրական կարիքները։

Հեղեղումներից տուժած բնակիչներից ոմանք փորձել են գնահատել կրած վնասները․ քաղաքի հյուրանոցներից մեկում վնասի չափը հասնում է 24 մլն դրամի։

Աղետից հետո կարճ ժամանակում երկաթուղային հին կամուրջը վերափոխվել է  տրանսպորտային միջոցների համար կամրջի․ այս եղանակով ոչ միայն բենզինը, այլև երկաթուղով Հայաստան եկող մյուս բեռները հասցվում են մինչև Այրում կայարան։

Աղետի օրերին ու նաև հետաղետային փուլում արտակարգ ռեժիմով աշխատել է Նոյեմբերյանի համայնքապետարանը։ Առ այսօր բնակիչներից 335 դիմում է ստացվել և դիմումների ընդունման գործընթացը շարունակվում է։

Վնասների գույքագրումը շարունակվում է․ իսկ բնակիչները փորձում են վերադառնալ բնականոն կյանքի՝ մոռացության տալով այն տագնապներն ու վախերը, որ ապրեցին ու զգացին Դեբեդի վարարման հետևանքով։

«Այս մեդիա արտադրանքը պատրաստված է «Արցախից տեղահանված լրագրողների ադապտացիան հայաստանյան մեդիա միջավայրում» ծրագրի շրջանակներում, որն իրականացնում է Երեւանի մամուլի ակումբը՝ Եվրոպական հանձնաժողովի աջակցությամբ։ Ծրագրի գործընկերը International Alert-ն է: Բովանդակությունը պարտադիր չէ, որ համընկնի ԵՄԱ-ի, Եվրոպական հանձնաժողովի եւ International Alert-ի տեսակետների հետ»։

Հայաստանի Հանրապետությունում շարունակվում է 2024 թվականի ամառային զորակոչը: Նոյեմբերյանից պարտադիր ժամկետային զինվորական ծառայության մեկնեց նորակոչիկների հերթական խումբը` համալրելու հայոց բանակի շարքերը, պարտքը տալու սրբազան հայրենիքին և կատարելու սահմանադրորեն ամրագրված իրենց պարտականությունը:

Կարդացեք նաև՝

Մեկնարկել է ամառային զորակոչը     

Իջևանից ու Դիլիջանից զորակոչիկների հերթական խմբերը մեկնեցին զինվորական ծառայության

Հայաստանի Հանրապետության Սահմանադրության օրը Նոյեմբերյանի Հաղթանակ գյուղում այսուհետ նշվելու է գյուղի հիմնադրման օրը։ Այս տարի Հաղթանակի հիմնադրման 75-ամյակի առիթով գյուղի բարձունքին տեղադրվեց Հայաստանի պետական դրոշը՝ 24 մետր բարձրությամբ։

Բարձունքը, որտեղ բարձրացվեց եռագույնը, հետագայում դառնալու է փառատոների, մշակութային միջոցառումների անցկացման վայր, ինչպես նաև Նոյեմբերյանի զբոսաշրջության քարտեզի գրավիչ ու տեսարժան ուղղություններից մեկը։

Դրոշի տեղադրման միջոցառման նախաձեռնողը Հաղթանակի վարչական ղեկավարն է, իսկ դրոշը գյուղին նվիրել է գործարար Աշոտ Փանոյանը։ Հաղթանակը Դեբեդ գետի աջափնյակում է գտնվում։ Խորհրդային միության տարիներին այն եղել է Թումանյանի անվան սովետական տնտեսությանը կից ավան, որից հետո ստացել է
գյուղական բնակավայրի կարգավիճակ ու այժմ էլ Նոյեմբերյան խոշորացված համայնքի կազմում է։

Տոնական, խորհրդնշական օրվա միջոցառմանը իրենց ազգային-հայրենասիրական կատարումներով հանդես եկան մանկապատանեկան պարային ու երաժշտական խմբերը, երգիչներ։ Այսուհետ հուլիսի 5-ը հաղթանակցիների համար կրկնակի տոներ են՝ Սահմանադրության օրն ու Հաղթանակ գյուղի օրը։

Երիտասադական խորհրդում կարող են ներգրավվել Նոյեմբերյան համայնքի գյուղական ու քաղաքային բնակավայրերի ակտիվ երիտասարդները։ Նպատակն է համախմբել Նոյեմբերյանի երիտասարդությանը՝ համայնքում դրական փոփոխությունների ու զարգացման նախաձեռնությունների իրականացման համար։

Խորհրդում ներգրավվելու համար անհրաժեշտ է գրել հետևյել էլ․ հասցեին՝ noyemberyanieritxorhurd@gmail.com

Նոյեմբերյան համայնքի երիտասարդների և տեղական ինքնակառավարման մարմինների միջև կայուն երկխոսության նապատակով Սրբասարի տարածքում անցկացվել է Նոյեմբերյան համայնքի ղեկավարին կից կանանց և երիտասարդների խորհրդակցական մարմնի կողմից իրականացվող «Աստղերը մեզ հետ են» արտադպրոցական կրթական ծրագիրը։

Հեղինակ՝ Հրանուշ Անանյան

Անվճար կրթական փորձառություն, որով պատանիները կարող են կառուցել իրենց կրթական ճանապարհը։ «ԹՈւՄՈ»-ն արդեն Կողբում է:

«ԹՈՒՄՈ» ստեղծարար տեխնոլոգիաների  կենտրոնը շարունակում է ընդլայնել իր աշխարհագրությունը՝ Հայաստանի տարբեր անկյուններում բացելով «ԹՈՒՄՈ» տուփեր ու կենտրոններ։ Կողբ գյուղում կառուցված կենտրոնը միացավ «ԹՈՒՄՈ»-յի ցանցին՝ ամբողջացնելով Տավուշի մարզում իր ներկայությունը։ Նորաստեղծ կենտրոնը հունիսի 22-ին՝ իր առաջին հանրային միջացառմանն ընդունեց առաջին հյուրերին։

Կողբի «ԹՈՒՄՈ» կենտրոնը նախատեսված է Հայաստանի հյուսիս-արևելքում բնակվող մոտ 1200 ուսանողի համար։ Այստեղ հաճախում են Տավուշի, նաև Լոռու մարզի ուսանողները։

«ԹՈՒՄՈ»-ն պատանիներին տալիս է հնարավորություն՝ լինել իրենց ուսուցման պատասխանատուն: Կենտրոնի առկայությունը Կողբում նոր շունչ կբերի տարածաշրջանին ու կնպաստի ստեղծարար պատանիների առաջխաղացմանը։

Կենտրոնի առաջին միջոցառումը հագեցած էր ու բազմաբովանդակ․ «Բացահայտիր Կողբի լաբիրինթը» խորագրի ներքո ցուցադրված էր «Թումոյի» ուսանողների և շրջանավարտների ստեղծագործությունները, առանձին սրահում ստեղծվել էր Հայաստանի հուշարձանները նորագույն տեխնոլոգիաների օգտագործմամբ վիրտուալ տեսնելու ու այցելելու հարթակը, կենտրոնի հյուրերը Կողբի մեծ էկրանին դիտեցին «Թումոցիների» ստեղծած կարճամետրաժ անիմացիաներն ու ֆիլմերը, զուգահեռաբար մասնակցելով գեղագրության վարպետաց դասի, բացօթյա համերգների։

«ԹՈՒՄՈ Կողբում» ուսումնառությամբ պատանիները հանձնառու են արդեն կառուցել իրենց կրթական ուղին՝  զինված տպավորիչ ու ժամանակակից գործիքակազմով։

Կարդացեք նաև՝  Թումո տուփը Բերդում 

Երիտասարդների մասնակցությամբ ու նրանց համար Նոյեմբերյանի համայնքապետարանի նախաձեռնությամբ իրականացավ երիտասարդական հերթական հանդիպումը, որ կրում էր «Միացիր մեզ․ միասին լուծենք համայնքային խնդիրը» խորագիրը։

Երիտասարդները քաջատեղյակ լինելով իրենց գյուղում առկա հիմնախնդիրներին բարձաձայնում էին կարևորագույն խնդիրները, որոնք ըստ իրենց՝ առաջնահերթ նշանակություն ունեն գյուղերի զարգացման, երիտասարդների զորեղացման համար։