Չորաթան գյուղից նկարիչ Ջիվան Բաղդասարյանի նկարները ցուցադրվեցին Իջևանի «Վերնատուն» պատկերասրահում։ Ցուցահանդեսի բացման օրը մի խումբ արվեստասերներ եկել էին գնահատելու Բաղդասարյանի գունագեղ աշխատանքները։

Անհատական ցուցահանդեսը կազմակերպել էր Տավուշի նկարիչների միությունը՝ նպատակ ունենալով նպաստել արվեստի տարածմանը և նոր տաղանդների ճանաչմանը։

Ներկաների խոսքով ցուցահանդեսները օգնում են տարածել արվեստը, ճանաչելի դարձնել ավանդական արժեքները և համախմբել հասարակությանը մշակութային արժեքների շուրջ։ Բացի այդ, դրանք խթանում են երիտասարդների հետաքրքրությունը մշակույթի նկատմամբ և նրանց համար դառնում ոգեշնչման աղբյուրներ։

Ցուցահանդեսը տևելու է մեկ ամիս․ այն բաց է բոլոր ցանկացողների համար, ովքեր ցանկանում են ավելի մոտիկից ծանոթանալ Ջիվան Բաղդասարյանի ստեղծագործություններին և դրանց միջոցով զգալ բնության ու մշակույթի շունչը։

Սեպտեմբերի 8-ին, ժամը 13։15-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ենոքավան գյուղում քաղաքացին ընկել և վնասել է ոտքը. անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Փրկարարները Ֆ. Մ.-ին (ծնված 1959 թ.) պատգարակով (մոտ 2 կմ) մոտեցրել են փրկարարական ավտոմեքենային, այնուհետև՝ շտապօգնության մեքենային. տուժածը հոսպիտալացվել է բժշկական կենտրոն, որտեղ նրա առողջական վիճակը գնահատվել եէ բավարար:

Սեպտեմբերի 6-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Բերդ համայնքի Չինարի բնակավայրում անց է կացվելու ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ:

Խնդրում ենք չանհանգստանալ։

ՀՀ սննդամթերքի անվտանգության տեսչական մարմնի Տավուշի մարզային կենտրոնի տեսուչներն անհատ ձեռնարկատեր «Սաթիկ Օթարյան ԱՁ-ին» պատկանող հանրային սննդի օբյեկտում անցկացրած ստուգման ընթացքում պարզել են, որ այն իրականացվում է սննդամթերքի հիգիենային ներկայացվող պահանջների խախտմամբ (Տավուշի մարզ, ք․ Իջևան)։

Մասնավորապես՝
◽️հանրային սննդի օբյեկտն ապահովված չի եղել անձնակազմի համար նախատեսված հանդերձարանով,
◽️հանրային սննդի օբյեկտի խոհանոցի պատերը չեն ունեցել հարթ մակերես, չեն պահվել նորոգ և պատշաճ վիճակում, պատրաստված չեն եղել անջրանցիկ, չներծծող, լվացվող նյութերից, առկա են եղել վնասված տարածքներ,
◽️հանրային սննդի օբյեկտի առաստաղները և վերին ամրությունները նախագծված և կառուցված չեն եղել այնպես, որ կանխարգելվի կամ նվազեցվի կեղտի կուտակումը, գոլորշու խտացումը, անցանկալի բորբոսների աճը և մասնիկների թափվելու հնարավորությունը։

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։

«Քաղաքացիական երիտասարդական կենտրոն» համայնքային զարգացման ՀԿ-ն հրավիրում է երիտասարդներին` մասնակցելու Իջևանում կայանալիք երիտասարդական ֆորումին։
Եթե հետաքրքրված եք
◽️Իջևանում երիտասարդական ոլորտի զարգացմամբ,
◽️Երիտասարդների հիմնախնդիրների բարձրաձայնման հարթակներ եք փնտրում,
◽️Ցանկանում եք երկխոսել երիտասարդական քաղաքականություն մշակողների հետ և հասցեագրել նրանց Ձեզ հուզող հարցերը,

Ապա գրանցվե՛ք Իջևանում կայանալիք Երիտասարդական ֆորումին։

Օր՝ սեպտեմբերի 12
Ժամ՝ 11։45
Վայր՝ LOFT Իջևան, հասցե՝ ք. Իջեւան, Մելիքբեկյան 4։

Ֆորումը իր շուրջն է համախմբելու երիտասարդական ոլորտի զարգացմամբ հետաքրքրված տարբեր խմբերի ներկայացուցիչների, որոնց շարքում՝ տեղական ինքնակառավարման մարմիններ, ՀՀ ԿԳՄՍՆ ներկայացուցիչներ, հասարարական ոլորտի կազմակերպություններ եւ անկախ փորձագետներ։

Ֆորումին մասնակցել ցանկացողները կարող են գրանցվել հետևյալ հղումով․

Ֆորումը կազմակերպում է «Քաղաքացիական երիտասարդական կենտրոն» համայնքային զարգացման ՀԿ-ը «Տավուշում երիտասարդների քաղաքացիական մասնակցության ձեւավորում» նախաձեռնության շրջանակում, որը Քաղաքացիական կրթություն եւ մասնակցություն/ACE ծրագրի մաս է կազմում։

Ծրագիրը ֆինանսավորվում է ԱՄՆ Միջազգային զարգացման գործակալության(ԱՄՆ ՄԶԳ) կողմից և իրականացվում է «ՓԻ-ԷՅՉ Ինթերնեշնլ» կազմակերպության և իր ենթադրամաշնորհառուներ «Մարդկային զարգացման միջազգային կենտրոն» ՀԿ-ի, «Ժողովրդավարական կրթության հայկական կենտրոն-Սիվիտաս» ՀԿ-ի և «Կրթական տեխնոլոգիաների ազգային կենտրոն» ՊՈԱԿ-ի կողմից։

Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ ՄԶԳ միջոցով:

Սեպտեմբերի 3-ին, ժամը 05:21-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իջևան քաղաքի Մետաղագործների փողոցում այրվում է ավտոմեքենա:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է «GAZelle» մակնիշի բեռնատարի (վարորդ` Ա. Ա.) թափքում (բարձված փայտածուխով):

Հրդեհը մեկուսացվել է ժամը 05:57-ին, մարվել՝ 06:28-ին: Այրվել է թափքում բեռնված փայտածուխ:

Կիրանցի նորակառույց դպրոցում մաքրման վերջին աշխատանքներն են անում։ Այն պատրաստ է շահագործման։ Դպրոցը սեպտեմբերի 1-ին ընդունել է 34 աշակերտի:

azatutyun.am
Նախատեսված է, որ ավելի ուշ նաև վարչապետ Նիկոլ Փաշինյանը կայցելի դպրոց՝ բացման արարողությանը։

Պայծառ գույներով ներկրված նորակառույցը հանդիսությունների դահլիճ, ընդարձակ մարզադահլիճ, լաբորատորիա ու հարմարավետ դասասենյակներ ունի։

Թե՛ գյուղապետը ու թե՛ դպրոցի տնօրենը հրաժարվեցին հարցազրույցից։ Դեռևս պարզ չէ՝ դպրոցը կստանա՞ միջնակարգի կարգավիճակ, թե՝ ոչ։ Տեղացիները հույս ունեն, որ լավ պայմաններ ունեցող դպրոցը գոնե կնախատեսվի նաև ավագ դպրոցի երեխաների համար։ Այժմ միջին դպրոցն ավարտելուց հետո նրանք հարևան Սարիգյուղում են շարունակում ուսումը։

Տավուշի մարզում ֆուտբոլի զարգացման ու առողջ ապրելակերպի տարածման նպատակով NextGen ծրագրի շրջանավարտ Լևոն Վարդապետյանն Աչաջուր գյուղում նախաձեռնել էր ֆուտբալային մրցաշար․ «Իջևանի գավաթ» խորագրով հանդիպումը տեղի ունեցավ Իջևանի համայնքապետարանի ու «Յելլ Էքստրիմ պարկի» հետ գործընկերությամբ։

Մրցաշարին մասանակցում էին Աչաջուր, Ազատամուտ, Դիտավան, Այգեհովիտ գյուղերի ու Նոյեմբերյան և Դիլիջան քաղաքների ֆուտբոլային թիմերը։ Մրցաշարի կազմակերպումը նաև լավ առիթ էր տեղական ինքնակառավարման մարմինների, համայնքի երիտասարդների և տեղական բիզնեսի միջև համագործակցության ստեղծման և այն շարունակական դարձնելու համար։

Ֆուտբոլային մրցաշարերը ոչ միայն աջակցում են մարզական մշակույթի ձևավորմանը, այլև նպաստում են համայնքներում երիտասարդների ակտիվ մասնակցությանը և համագործակցության զարգացմանը։

«Հայ առաջադեմ երիտասարդություն» ՀԿ-ը հրավիրում է Տավուշի մարզի համայնքներում բնակվող 16-25 տարեկան երիտասարդներին մասնակցելու ս․թ․ սեպտեմբերի 11-ից 14-ը Դիլիջանում կայանալիք եռօրյա Երիտասարդական ճամբարին, որի ընթացքում մարզի տարբեր համայնքներում բնակվող երիտասարդները և ԼՂ-ից տեղահանված և Տավուշում բնակություն հաստատած երիտասարդները հնարավորություն կունենան՝

• ավելի լավ ճանաչելու միմյանց և ձեռք բերելու նոր ընկերներ,
• քննարկելու կոնֆլիկտների կարգավորմանը, խաղաղաշինությանը և անվտանգությանը վերաբերող հարցեր,
• զարգացնելու արդյունավետ հաղորդակցման հմտությունները,
• մշակելու համատեղ ծրագրեր և նախաձեռնություններ։   շ

Եռօրյա երիտասարդական ճամբարի նպատակն է բարձրացնել Տավուշի մարզում բնակվող 16-ից 25 տարեկան տեղացի և փախստական երիտասարդների իրազեկվածությունը կոնֆլիկտների կարգավորման, խաղաղաշինության և անվտանգության հարցերում մասնակցության հնարավորությունների մասին և երիտասարդներին հարթակ տրամադրել՝ անձնային աճ, թիմային աշխատանքի և արդյունավետ հաղորդակցման հմտությունների զարգացման համար։

Ճամբարի անցկացման օրերը՝ սեպտեմբերի 11-14, 2024
Ճամբարի անցկացման վայրը՝ ք․ Դիլիջան (ՀՀ Տավուշի մարզ)

Մասնակցության պայմանները․
Ճամբարին մասնակցությունն անվճար է։
Մասնակցությունը ճամբարի բոլոր օրերին (ժամանումը՝ սեպտեմբերի 11, մեկնումը՝ սեպտեմբերի 14) պարտադիր է։ Մասնակցության հետ կապված բոլոր ծախսերը՝ այդ թվում տրանսպորտի, կացության և սննդի, հոգում են կազմակերպիչները։

Մասնակցելու համար անհրաժեշտ է դիմել՝ լրացնելով սույն հայտադիմումը։ Հայտադիմումն ուղարկելու վերջնաժամկետն է՝ ս․թ սեպտեմբերի 5-ը։