Դիլիջան խոշորացված համայնքի, Հաղարծին գյուղական բնակավայրի դպրոցի՝ «6»-րդ դասարանի աշակերտները, <<Կերպարվեստ>> առարկայի ուսուցչուհի Լուսինե Մանուկյանի ղեկավարությամբ և «Հ․ Շարամբեյանի անվան Դիլիջանի գեղարվեստի մանկական դպրոց ՀՈԱԿ-ի» նախաձեռնությամբ, Դիլիջանի ավագ դպրոցում ամփոփեցին նախագծային աշխատանքի արդյունքները, որի շուրջ աշխատել Էին գրեթե մեկ ուսումնական տարի։

Աշակերտները իրենց շուրջն էին համախմբել Դիլիջան համայնքի արվեստասեր հասարակությանը, մշակութային գործիչների, թանգարանի աշխատակիցների և արվեստագետների։ «6»-րդ դասարանի աշակերտները ներկայացրեցին մի քանի հանրահայտ մանկական դիմանկարների պատմություններ,բացահայտեցին նկարների գաղտնիքները, նկարների միջոցով խոսեցին դժվարին իրավիճակներում հայտնված երեխաների մասին։

«6»-րդ դասարանի փոքրիկ, բայց արդեն պատրաստի արվեստաբանները արժանացան պատվոգրերի, որը հանձնեց՝ Դիլիջանի Հ․ Շարամբեյանի անվան գեղարվեստի մանկական դպրոց ՀՈԱԿ-ի տնօրեն Հ․ Գասպարյանը և նախագծի ղեկավար Լ․ Մանուկյանը։ Իսկ միջոցառման վերջում հյուրերը իրենց ողջույնի խոսքում կարևորեցին նմանատիպ միջոցառումների կազմակերպումը, «Ժողովրդական արվեստների և պատմության» թանգարանի Դիլիջանի մասնաճյուղի տնօրեն Գևորգ Մակվեցյանը և «Դիլիջանի Երկրագիտական թանգարան պատկերասրահի» ներկայացուցիչներ՝ տիկին Գայանեն ու գիդաշխատող Ռուզան Լալայանը կարևորեցին թանգարան դպրոց փոխայցելությունը և համագործակցության ամուր կապը ի նպաստ հայ մշակույթի պահպանման և գեղագիտական դաստիարակության գործին։

Դիլիջանի «Երկրագիտական թանգարան պատկերասրահի» գիդ աշխատող Ռուզան Լալայանը և տիկին Գայանեն գովեստի խոսքեր հնչեցրին աշակերտների կատարած աշխատանքի մասին։ Աշակերտները հրավիրվեցին թանգարան և Գևորգ Մակվեցյանի արվեստանոց, մոտիկից ծանոթանալու հայ և համաշխարհային գեղանկարիչների աշխատանքներին։ Միջոցառմանը գուսան Հայկազունու՝ «Հայեր միացեք» հայրենասիրական նոտայով Դիլիջանցի երգիչ, զբոսաշրջային և մշակութային գործիչ՝ Վաչե Գրիգորյանը համախմբվածության և միասնության կոչ անելով բոլորին երեկոն դարձրեց էլ ավելի տպավորիչ։ Դահլիճում թեւածում էր տոնական և ջերմ տրամադրություն։

Ցերեկույթի վերջում միջոցառման նախաձեռնող, կերպարվեստի ուսուցչուհի, «Ստվերներ» մանկական թատրոնի գեղ․ ղեկավար, նկարչուհի և թեյագործ՝ Լուսինե Մանուկյանը շնորհակալություն հայտնեց բոլորին երեկոն ջերմառատ դարձնելու, փոխշահավետ համագործակցելու համար։ Մասնակիցները հեռացան բարձր տրամադրությամբ իրենց հետ տանելով դրական և ջերմ տպավորություններ։

Հողինակ՝ Վաչե Գրիգորյան

Ապրիլի 29-ի վաղ առավոտից Տավուշի մարզում մեկնարկել է համապետական շաբաթօրյակը։ Համապետական միջոցառմանը մասնակցում են մարզի տարածքում գործող պետական ու մասնավոր հիմնարկ-ձեռնարկությունների, հասարակական կազմակերպությունների աշխատողներ, ուսանողներ ու դպրոցականներ, անհատ քաղաքացիներ։

Առավոտից շաբաթօրյակի են դուրս եկել նաև Տավուշի մարզպետարանի աշխատակիցները։ Նրանք մաքրում ու բարեկարգում եմ մարզպետարանի շենքի շրջակայքն ու հարակից ու այգին։

Դիլիջան համայնքում շարունակվում են մաքրման, տարածքների բարեկարգման աշխատանքները:

Այս անգամ լուսանկարները Դիլիջան համայնքի բնակավայրերից, մանկապարտեզներից, դպրոցներից, թանգարանի և այլ կառույցների տարածքներից են:

Տավուշի մարզում համապետական շաբաթօրյակի շրջանակներում բարեկարգվել են պատմամշակութային հուշարձանների հարակից տարածքները, հատուկ պահպանվող տարածքները, կանաչ գոտիները, պուրակները, զբոսայգիները, միջպետական և միջհամայնքային ճանապարհների եզրերն ու հարակից տարածքները: Բնակավայրերում նաև ծառատունկ է իրականացվել։ Շաբաթօրյակին է միացել նաև Բերդի համայնքը։

Ապրիլի 27-ին, ժամը 16:58-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Նոյեմբերյան ավտոճանապարհին տեղի է ունեցել ՃՏՊ, կա տուժած․ անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Իջևան-Նոյեմբերյան ավտոճանապարհի 12-րդ կմ-ին բախվել են «Opel Astra F» (վարորդ՝ Ա․ Հ․, ծնված 1967 թ․) և «Mercedes-Benz Sprinter» (վարորդ՝ Գ․ Խ․, ծնված 1997 թ.) մակնիշների ավտոմեքենաները: Շտապօգնության աշխատակիցն արձանագրել է Ա. Հ.-ի մահը:

Փրկարարները հոսանքազրկել են ավտոմեքենաները, սահմանազատել տարածքը, դին դուրս բերել ավտոմեքենայից և մոտեցրել դի տեղափոխող ավտոմեքենային:

ՀՀ ՆԳՆ փրկարար ծառայություն

Ապրիլի 19- ին Մեյդ-Վել-է արհեստագործական հարթակում տեղի է ունեցել «Labs for Change – կանանց հզորացում հանուն մարզերում սոցիալական նորարարության և ստեղծարարության զարգացման» ծրագրի և Տավուշի ստեղծարար կենտրոնի պաշտոնական մեկնարկի արարողությունը: Ծրագիրը կյանքի է կոչվել «Իմփաքթ Հաբ Հայաստան» սոցիալական նորարարության զարգացման հիմնադրամի, «Հայաստանի նորաձևության և դիզայնի պալատ» ՀԿ-ի և Դիլիջանում գործող՝ Մեյդ-Վել-է արհեստագործական հարթակի համագործակցության շրջանակներում՝ Մեծ Բրիտանիայի և Հյուսիսային Իռլանդիայի Միացյալ Թագավորության կառավարության տրամադրած աջակցության շնորհիվ։

Բացման արարողության ժամանակ ողջույնի խոսքով հանդես եկավ ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան  Ջոն Գալագերը, ով նշեց. «Կայուն և ներառական տնտեսական աճ ապահովելու համար Հայաստանը պետք է օգտագործի իր կին քաղաքացիների  հմտություններն ու փորձը։

Բացման ելույթի խոսքով հանդես եկան նաև ՀՀ ԱՍՀՆ Միասնական սոցիալական ծառայության պետի տեղակալ Թամարա Թորոսյանը, ՀՀ Տավուշի մարզպետի տեղակալ Նարեկ Ղուշչյանը, ՀՀ ՏԿԵՆ Տեղական ինքնակառավարման քաղաքականության վարչության խորհրդական Սմբատ Ղահրամանյանը և ՀՀ Էկոնոմիկայի նախարարության Ձեռներեցության վարչության պետ Լիլիթ Հակոբյանը:

Միջոցառման շրջանակներում ներկայացվել են Ծրագրի նպատակները, խնդիրները և համագործակցության ուղիները, ինչպես նաև ստեղծարար կենտրոնների տեսլականը, առաքելությունն ու միասնական բրենդը։ Կազմակերպվեց նաև ձեռագործության աշխատարան, որի ժամանակ հյուրերը հնարավորություն ունեցան պատրաստելու ձեռագործ նվերներ:

Հաղորդակցության, հանրային կապերի հմտությունների, ֆոնդհայթայթման կարողությունների զարգացման նպատակով ապրիլի 21-ին «Հույսի կամուրջ» ՀԿ-ն Տավուշի մարզային մասնաճյուղերի աշխատակիցների համար կազմակերպել էր դասընթաց-հանդիպում։

«Հույսի կամուրջ» ՀԿ-ի Իջևանի, Դիլիջանի, Նոյեմբերյանի ու Բերդի կենտրոնների, նաև՝ Երևանում գործող գրասենյակի աշխատակիցների համար դասընթացները վարեցին «Inexsus» թվային մարկեթինգի, հաղորդակցության զարգացման ընկերության ներկայացուցիչները։

«Հույսի կամուրջ» ՀԿ-ի ղեկավարը նշում է, որ այսօր Հայաստանում սոցիալական ու ծանր սոցիալ-հոգեբանական խնդիրները խորացած են, և կազամակերպության աշխատանքների ծավալը մեծացել է՝ առկա խնդիրների լուծման նպատակով, և հենց դա է պատճառը, որ աշխատակիցների վերապատրաստումների անհրաժեշտություն կա։

Հանդիպմանը մասնակիցները ծանոթացան կազմակերպության նոր կայքին, ինչպես նաև տեսական ու գործնական վարժություններով ծանոթացան հաղորդակցման ու թվային մարկեթինգի ոլորտներին։

Մասնակիցները հեռացան նոր գիտելիքներով ու ծանոթություններով, իսկ այս հանդիպման կայացմանը աջակցել է Տավուշի թեմը։

Ապրիլի 25-ին, ժամը 21։03-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Դիլիջան ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մարտական հաշվարկ։

Պարզվել է, որ Մ 4 ավտոճանապարհի Իջևան-Երևան հատվածի 7-րդ կմ-ին «Opel Combo» մակնիշի ավտոմեքենան (վարորդ՝ Ա․ Ի․, ծնված 1975 թ.) դուրս է եկել ճանապարհի երթևեկելի հատվածից և բախվել ծառին։ Վարորդը հոսպիտալացվել է, իսկ ուղևոր Ա․ Փ․-ն՝ տեղափոխվել Իջևանի ԲԿ․ տուժածների առողջական վիճակը գնահատվել է միջին ծանրության։

Փրկարարները հոսանքազրկել են ավտոմեքենան և փակել գազի բալոնի փականը:

Ապրիլի 23-ի երեկոյան Նոյեմբերյանում կայացել է երթ-մոմավառություն՝ նվիրված Հայոց ցեղասպանության 108-րդ տարելիցին։

Նոյեմբերյանից հաղորդում է Տավուշ Մեդիայի թղթակից Հրանուշ Անանյանը։

Հայոց ցեղասպանության 108-րդ տարելիցի կապակցությամբ ապրիլի 24-ին Տավուշի մարզկենտրոն Իջևանում մեկնարկել է ավանդական քայլերթը՝ ի հիշատակ և ոգեկոչում մեր զոհերի։

Քայլերթին հաջորդել է Սուրբ Պատարագը՝ Ցեղասպանության նահատակներին նվիրված բաց խորանում։

2021 թվականից Տավուշի մարզում իրականացվում է «Միասին հանուն սոցիալկան համայնքների» ծրագիրը, որի շրջանակում Իջևան ու Նոյեմբերյան համայնքներում կատարվել է կարիքների գնահատում, սոցիալական խնդիրների վերհանման ու լուծման նպատակով ձևավորվել է մինչգերատեսչական հանձնաժողով, որում ընդգրկված են քաղհասարակության, տեղական ինքնակառավարման, հանրային ոլորտների պատասախանատուները:

Ապրիլի 25-ին Իջևանում կայացավ մարզային հանդիպում՝ ծրագրի շրջանակում իրականացաված աշխատանքների ներկայացման նպատակով:

Բաղադրատոմս`

2ձու
100գ.շաքարավազ
350գ.մածուն
1թ.գդ. սոդա
500գ.ալյուր
Վանիլին
Ջեմ

Ձուն հարել շաքարավազի հետ այնքան մինչև սպիտակի,այնուհետև մածունին ավելացնել սոդան,մի լավ խառնել և ավելացնել ձվի ու շաքարավազի խառնուրդին,ավելացնել վանիլինն ու ալյուրը,խառնել գդալի օգնությամբ։

Պատրաստի խմորը աչքաչափով բաժանել 2 մասի,մի մասը քսել յուղաթղթի վրա և ուղարկել 180°С նախապես տաքացված ջեռոց,թխել 5 րոպե։

Կիսաթխված շերտի վրա քսել ջեմը` ըստ նախասիրության և վրան տարածել խմորի երկրորդ մասը։Կրկին ուղարկել ջեռոց և թխել 20-30 րոպե,մինչև անուշ կկարմրի։Մատուցելուց առաջ վրան ցանել շաքարի փոշի,կտրատել և համտեսել

Բարի ախորժակ