Փետրվարի 14-ին պարեկային ծառայության Տավուշի գումարտակի ոստիկանները Իջևանի Երևանյան փողոցում ստուգել են «ՎԱԶ-2121» մակնիշի մի մեքենա։ 19-ամյա երիտասարդը չուներ վարորդական իրավունքի վկայական։ Բացի այդ, մեքենայի պահոցում ատրճանակ կար։
Ըստ նրա՝ ատրճանակն ընկերոջինն է։
Մեքենան տեղափոխվել է ոստիկանության Իջևանի բաժնի պահպանվող հատուկ տարածք։ Հանգամանքները քննությամբ պարզվում են։
EU NEIGHBOURS EAST-ը Եվրոպական միության կողմից ֆինանսավորվող և Դոյչե Վելլե ակադեմիայի կողմից իրականացվող «Եվրոպական մեդիահարթակ Հայաստանում» ծրագրի հետ համագործակցությամբ սկսում է ԶԼՄ-ների հետ աշխատանքի և դրանց կարողությունների զարգացման նախաձեռնություն: Այն կմեկնարկի 2023 թվականի մարտի 17-ից 19-ը Դոյչե Վելլե ակադեմիայի փորձագետի կողմից անցկացվելիք կառուցողական լրագրությանը նվիրված դասընթացով:
Դասընթացի ժամանակ լրագրողները կսովորեն, թե ինչպես ստեղծել ոգեշնչող պատմություններ և իրականացնել դրանց ազդեցության քննադատական գնահատում: Լրագրողներն իրենց համար կբացահայտեն կառուցողական պատմությունների ներուժը՝ ոգեշնչելով մարդկանց վերանայել իրենց մոտեցումները, տալ լուծումներ և նախաձեռնողականություն դրսևորել։
Մասնակիցները կծանոթանան Հայաստանում ԵՄ կողմից ֆինանսավորվող ծրագրերին, որոնք ուղղված են շրջակա միջավայրի պաշտպանությանը, տարածքային և տնտեսական զարգացմանը, ներառականությանը և երիտասարդության հզորացմանը:
Դասընթացից հետո մասնակիցները EU NEIGHBOURS EAST-ից աջակցության հնարավորություն կստանան, որի նպատակն է հնարավորություն տալ լրագրողներին ստեղծել կառուցողական լրագրողական պատմություններ իրենց նախընտրած ԵՄ կողմից ֆինանսավորվող նախաձեռնությունների մասին:
EU NEIGHBOURS EAST-ը մասնակիցներին կտրամադրի այդպիսի պատմությունների պատրաստման և տարածման գործնական ուղեցույց, ինչպես նաև ֆինանսական աջակցություն (առավելագույնը 200 եվրո յուրաքանչյուր դիմումի համար):
Դիմելու համար լրագրողը պետք է ունենա հայկական լրատվամիջոցների հետ աշխատելու փորձ, համագործակցի ցանկացած ազատ, անկախ հայկական մեդիա հարթակի հետ և վարժ տիրապետի անգլերենին, քանի որ դասընթացն անցկացվելու է անգլերենով։
Հետաքրքրված թեկնածուները պետք է լրացնեն այս դիմումի ձևը մինչև փետրվարի 19-ը: Հայաստանի այլ քաղաքներից ժամանող լրագրողների կեցությունը կապահովի ծրագիրը։
Բոլոր հարցերի և պարզաբանումների համար կարող եք գրել dw-akademie.armenia@dw.com էլ. փոստին։
ՎԵՐՋՆԱԺԱՄԿԵՏ՝ 19 Փետրվարի, 2023
ՀՀ նախագահ Վահագն Խաչատուրյանը հրամանագիր է ստորագրել «Տավուշ» հայրենակցական միության նախագահ Լավրենտի Աշոտի Միրզոյանին Մովսես Խորենացու մեդալով պարգևատրելու մասին:
«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի. Մայրենի լեզվի պահպանման և զարգացման գործում ներդրած ավանդի համար մանկավարժական գիտությունների թեկնածու, դոցենտ Լավրենտի Աշոտի Միրզոյանին պարգևատրել Մովսես Խորենացու մեդալով»,- ասված է նախագահի հրամանագրում:
Տավուշ Մեդիան միանում է Ձեր բոլորի շնորհավորանքներին: Մեր արժանավոր Տավուշեցին:
Տավուշյան զրույց Լավրենտի Միրզոյանի հետ
«Տավուշ» հայրենակցական միության նախագահ Լավրենտի Միրզոյանը մեր եթերում խոսում է Տավուշից միշտ անբաժան իր աշխատանքային ու «գրքային» հարուստ կենսագրության, մեր ունեցած ժառանգությունը գնահատելու ու պահպանելու, ինչպես նաև նոր հնարավորություններին ու գաղափարներին ընդառաջ գնալու մասին։
Լույս է տեսել անվանի գիտնական, դոկտոր, պրոֆեսոր Հենզել Մանուչարյանի «Աչաջուրը և աչաջրեցիները» աշխատությունը: Գիրքը պատմում է հեղինակի գյուղի հանդեպ խորունկ սիրո մասին։
Հեղինակը նաև իր երախտագիտությունն է հայտնում անցած սերունդների ու գյուղի հոգսերով ապրած, գյուղի անունը բարձր պահած անձանց։ Գիրքը նաև պատգամ է ներկա ու գալիք սերունդներին՝ սիրել հայրենի եզերքը, ապրել ու արարել նրա սրբազան շնչով, Մակարավանքի տեսիլքով։
Հենզել Մանուչարյանը փիլիսոփայական գիտությունների դոկտոր է։ Ծնվել է 1944 թվականին Աչաջուր գյուղում։
Երկարատև ու ծանր հիվանդությունից փետրվարի 13-ի երեկոյան մահացել է Տավուշի մարզի Նոյեմբերյան համայնքի նախկին ղեկավար Կարեն Աբազյանը։
Կարեն Աբազյանը 46 տարեկան էր. հասարակության մեջ հայտնի էր որպես համեստ, ժողովրդական ղեկավար, իր հող ու ջրին նվիրյալ մարդ։ Տավուշ Մեդիան ցավակցում և զորակցում է Կարեն Աբազյանի ընտանիքի անդամներին, հարազատներին։
Երևանի ավագանու փետրվարի 14-ին կայացած նիստում ավագանին ընդունեց որոշում, որի համաձայն՝ մայրաքաղաքը կունենա հայտնի արվեստագետների անուններով փողոցներ, որոնց թվում է նաև դրամատուրգ Ժիրայր Անանյանի անվան փողոցը։
Ժիրայր Անանյանը ծնվել է 1934 թվականին Շամշադինի շրջանում (այժմ Բերդ քաղաք)։ Անվանի դրամատուրգի անունն է կրում նաև Բերդի համայնքային մշակույթի տունը։
Արվեստը, Դիլիջանն ու հին և նոր ժամանակները․ այս անգամ Հրանտ Ղազումյանն ու մեր թիմն այցելել են Դիլիջան՝ նկարիչ-ոճավորող Հասմիկ Սողոմոնյանի հետ մակարդակով կոֆե խմելու։
Հասմիկի հետ զրույցն իր մանկության Դիլիջանի, մարզում արվեստ արարելու, դասավանդելու, երեխաների հետ աշխատելու և անդադար սովորելու մասին է։
«Դիլիջանն ինձ համար երևի թե լռությունն է։ Բոլորս գիտենք, որ ժամը 7-ից հետո Դիլիջանում անհատակ լռություն է, և դա շատ հետաքրքիր է նրանով, որ դու քեզ հետ մենակ ես մնում․․․Ստեղծագործական առումով նման վայրում ամենալավ պայմաններն են»։
Տավուշ TV-ի եթերում կրկին Ասպրամ Սարատիկյանն է՝ ամերիկյան ճամփորդության իր էջերով։
Այցելում ենք Մալիբուի հայտնի ծովափ և Մալիբուից ոչ հեռու գտնվող Վենիս արվարձան։
Մալիբուի լողափն աշխարհի ամենահայտնիներից մեկն է․ ափի ամբողջ երկայնքը ծածկված է մանր ու փափուկ ավազով, իսկ ափից բացվող տեսարանը հիշողության մեջ կմնա ընդմիշտ։
Մալիբուից ոչ հեռու գտնվում է հանրահայտ Վենիս բիչը․ լողափն իր անունը ստացել է շնորհիվ համանուն քաղաքի, որը շատ նման է Վենետիկին։ Քաղաքի ներսում մի քանի ջրանցք կա, որոնց շուրջ կառուցված են բնակելի տները։
Շարունակե՛ք հետևել մեզ, որպեսզի բան չթողնեք աշխարհի ծայրերից ձեզ հասնող ամերիկյան պատմությունները։
Մեզ հետ զրույցում ՆԳՆ Փրկարար ծառայության տնօրենի տեղակալ, գնդապետ Տ. Պետրոսյանը հայտնեց, որ փրկարարական ջոկատների կազմում Տավուշի մարզային փրկարար վարչությունից 13 փրկարար փետրվարի 8-ից գտնվում է Սիրիայում՝ աղետի գոտում հումանիտար առաքելություն իրականացնելու նպատակով։
– – – – – – – – –
Փետրվարի 8-ին Հայաստանի Հանրապետությունը փրկարարական ջոկատներ ուղարկեց Սիրիա՝ աջակցելու երկրաշարժի հետևանքով տուժած շրջաններում իրականացվող որոնողափրկարարական աշխատանքներին:
