Ծրագրին կարող են դիմել Շիրակ, Լոռի, Տավուշ մարզերից։

Դիմելու համար խնդրում ենք լրացնել հայտադիմումը https://bit.ly/3FkTOdQ

Դիմելու վերջնաժամկետը հունվարի 22, ժամը՝ 23:59:

Մինչև դիմելու վերջնաժամկետի ավարտը ծրագրի թիմը կիրականացնի 2 տեղեկատվական-թեմատիկ վեբինար, որոնց ընթացքում կծանաթանաք «ԽԹԱՆ» ծրագրի թիմի, փորձագետների հետ, կուղղեք ծրագրի վերաբերյալ բոլոր հետաքրքրող հարցերը և կմասնակցեք հետաքրքիր սձ վեբինարների։ Վեբինարների հղումները ստորև՝

• 16 հունվար, ժամը՝ 20:00, «Ի՞նչ է սոցիալական ձեռնարկատիրությունը», «Ի՞նչ սոցիալական ազդեցությունը», «ԽԹԱՆ» ծրագրի վերաբերյալ հարցուպատասխան
  Վեբինարի հղումը՝ https://bit.ly/3GuoZG5 (Meeting ID: 811 3592 0863, Passcode: 399656)
• 20 հունվար, ժամը՝ 20:00, «ՍՁ բիզնես մոդելներ», «ՍՁ տեղական և միջազգային օրինակներ», «ԽԹԱՆ» ծրագրի վերաբերյալ հարցուպատասխան
  Վեբինարի հղումը՝ https://bit.ly/3W1gxDJ (Meeting ID: 819 3986 9815, Passcode: 826858)

Արտակարգ իրավիճակների նախարարությունը տեղեկացնում է, որ Տավուշի մարզում կան դժվարանցանելի ավտոճանապարհներ։

Նոյեմբերյան-Ոսկեպար ավտոճանապարհը կցորդիչով բեռնատարների համար դժվարանցանելի է։ Տավուշի մարզում տեղում է ձյուն։

Այսօր՝ հունվարի 11-ին, Բերդ համայնքում մեկնարկել է 2023թ.-ի ձմեռային զորակոչը:
Պարտադիր ժամկետային զինվորական ծառայության է մեկնել Բերդ համայնքից ՀՀ զինված ուժերի կազմը համալրող զորակոչիկների առաջին խումբը:

Նրանց ծառայության ճանապարհելու արարողությանը մասնակցել են Բերդ համայնքի ղեկավար Աստղիկ Հակոբյանը, համայնքի ղեկավարի տեղակալները, մի շարք բնակավայրերի վարչական ղեկավարներ, ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանման ղեկավար, փոխգնդապետ Լեռնիկ Օհանյանը, ՀՀ ՊՆ ռազմական ոստիկանության Բերդի բաժնի պետի պաշտոնակատար, մայոր Արմեն Կարապետյանը, զորակոչիկների հարազատները:

Դիմելով զորակոչիկներին՝ Բերդ համայնքի ղեկավար Աստղիկ Հակոբյանը մասնավորապես ասել է. «Թո՛ղ մայրերի աղոթքն ու Աստծո օրհնությունը հովանի լինեն ձեզ: Խաղաղ, անփորձանք ծառայություն իրականցնեք, վերադառնաք և շենացնեք ձեր օջախներն ու մեր համայնքը»:

Զորակոչիկներին անփորձանք ծառայություն ու բարի վերադարձ են մաղթել նաև Վերին Ծաղկավան բնակավայրի վարչական ղեկավար Աղասի Ղազայանը, ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանման ղեկավար, փոխգնդապետ Լեռնիկ Օհանյանը:

Մանրամասները կներկայացնենք ավելի ուշ:

Հայաստանում և Վրաստանում ապրող երիտասարդ առաջնորդների տարածաշրջանային կանաչ ճամբարները շարունակվում են։
Եվրոպական միության աջակցությամբ CENN-ը կհյուրընկալի Հայաստանում և Վրաստանում բնակվող երիտասարդների համար տարածաշրջանային կանաչ ճամբարների հերթական փուլը։

Տարածաշրջանային կանաչ ճամբարը նպատակ ունի ամրապնդել համագործակցությունը Հայաստանում և Վրաստանում ապրող երիտասարդների միջև, բարձրացնել նրանց իրազեկությունը կլիմայի փոփոխության, բնապահպանական մարտահրավերների և շրջանաձև տնտեսության վերաբերյալ, ինչպես նաև խթանել կանաչ առաջընթացը երկու երկրներում՝ կիսելով սոցիալական ձեռներեցության մասին գիտելիքները:

Ճամբարին կարող են մասնակցել 14-29 տարեկան երիտասարդ առաջնորդները, ովքեր բնակվում են Լոռու, Տավուշի և Շիրակի մարզերում (Հայաստան) և Գորիի, Ախմետայի և Նինոծմինդայի մունիցիպալիտետներում (Վրաստան)։

Ճամբարը կանցկացվի անգլերենով, հետևաբար, անգլերենի իմացությունը պարտադիր է դիմորդի համար (նվազագույն պահանջը – B1 մակարդակ)։
Տարածաշրջանային ճամբարը կանցկացվի 3 փուլով՝ Վրաստանում, Բուլաչաուրիի կանաչ կենտրոնում։ Յուրաքանչյուր հոսքի համար կընտրվի 30 մասնակից(երկու երկրից)։
Ճամբարները կանցկացվեն հետևյալ ժամանակահատվածում՝

▶Հունվարի 16-25, 2023 թվական,
▶Փետրվարի 6-15, 2023 թվական,
▶Մարտի 1-10, 2023 թվական։

Հայտերի ընդունման վերջնաժամկետն է 2023 թվականի Հունվարի 5-ը։

Մասնակցության համար լրացրեք հետևյալ հայտը՝ https://forms.gle/YTAQkCWCTj8MviiPA

Հաջողություն ենք մաղթում
🇪🇺🇬🇪Կանաչ ճամբարը կազմակերպվում է ԵՄ աջակցությամբ իրականացվող «EU4Youth: Սոցիալական ձեռներեցության էկոհամակարգի զարգացում (SEED) սահմանամերձ շրջաններում կանաչ առաջընթացի համար» նախագծի շրջանակներում, որն իրականացնում են CENN-ը, Կանաչ Արահետ ՀԿ-ն և KRDF-ը։
Green Lane NGO

ԵՄ «Տեղացի դերակատարների զորեղացում հանուն զարգացման Լոռի և Տավուշ մարզերում» ծրագրի շրջանակներում «ԳանՁոր» ՏԱԽ-ը հրավիրում է ներկայացնելու դրամաշնորհային հայտեր՝ Տավուշի մարզի Նոյեմբերյան համայնքի Բագրատաշեն, Պտղավան, Դեղձավան, Դեբեդավան, Այրում, Լճկաձոր, Արճիս, Հաղթանակ, Զորական բնակավայրերում տեղական զարգացման նախաձեռնությունների իրականացման նպատակով:

Նախատեսվում է ֆինանսական աջակցություն տրամադրել վերոնշյալ բնակավայրերում գրանցված և/կամ փաստացի գործող քաղաքացիական հասարակության, գործարար և հանրային ոլորտի ներկայացուցիչներին՝ զարգացման նախաձեռնություններ իրականացնելու նպատակով:
Ներկայացվող հայտերը պարտադիր պետք է բխեն «ԳանՁոր» ՏԱԽ-ի Ռազմավարական գործողությունների 2022-2026 թթ․ ծրագրի զարգացման առաջնահեր- թություններից (տե՛ս՝ հայտեր ներկայացնելու ուղեցույց):

Հայտերի ներկայացման վերջնաժամկետ՝ 2023թ-ի հունվարի 23-ը, ժ․ 18:00 (Երևանի ժամանակով):
Դիմելու մանրամասները հասանելի են հետևյալ հղումով՝

https://drive.google.com/…/1la5cA…

Հարցերի դեպքում կարող եք կապ հաստատել gandzorlag@gmail.com էլ. փոստով կամ +37441525075 (Մերի Թուխիկյան) և +37444353233 (Արման Ղազարյան) հեռախոսահամարներով:

ԵՄ «Տեղացի դերակատարների զորեղացում հանուն զարգացման Լոռի և Տավուշ մարզերում» ծրագրի շրջանակներում «Ծիլի Ծով» ՏԱԽ-ը հրավիրում է ներկայացնել դրամաշնորհային մրցույթի հայտ՝ Բերդ համայնքի Տավուշ, Այգեպար, Ներքին Կարմիրաղբյուր, Վերին Կարմիրաղբյուր, Նորաշեն, Մովսես, Չորաթան, Արծվաբերդ, Այգեձոր, Չինարի բնակավայրերում տեղական զարգացման նախաձեռ­նութ­յունների իրականացման համար։

Նախատեսվում է ֆինանսական աջակցություն տրամադ­րել վերոնշյալ բնակավայրերում գրանցված և/կամ փաստացի գործող քաղաքա­ցիա­կան հասարակության, գործարար և հանրային ոլորտի ներկայացուցիչներին՝ զարգաց­ման նախաձեռնություններ իրականացնելու նպատակով։

Ծրագրերը անպայման պետք է համապատասխանեն «Ծիլի Ծով» ՏԱԽ-ի 2022-2026թթ․ Ռազմավարական առաջնահերթություններին՝ աջակցություն տեղական գյուղմթերք արտադրող գյուղացիական փոքր տնտեսություններին/կոոպերատիվներին, ժամանցի և հանգստի կազմակերպման նորարար ենթակառուցվածքների ստեղծմանը/զարգացմանը, գիտակրթական և փորձացուցադրական գաղափարների տարածմանը, սոցիալական ներառականություն ապահովող, բնապահպանական խնդիրներ լուծող նախաձեռնություններին, ագրո, գաստրո, բուժական և արկածային տուրիզմի զարգացմանը(առավել մանրամասն՝ տե՛ս կցված ՈՒղեցույցում):

Ծրագրի առաջին փուլին դիմելու վերջնաժամկետը մինչև 2023թ-ի հունվարի 23-ը, ժ․ 18:00 (Երևանի ժամանակով): Վերջնաժամկետից դուրս ստացված հայտերը չեն դիտարկվի։ Հայտերն ընդունվում են էլեկտրոնային տարբերակով, որի ստացումից հետո ուղարկվում է հաստատող ծանուցում։ Ծրագրի մանրամասներին կարող եք ծանոթանալ և հայտադիմումի ձևը լրացնել՝ ներբեռնելով այս հավելվածները՝

Հաղորդաշարի հեղինակ Մերի Չիբուխչյանը պատմում է արդեն կատարված, կատարվելիք աշխատանքի և տղերքի մասին։

Հայկական ավանդական տոնածառի պատրաստման ընթացքը վայելենք Տավուշ Մեդիայի թղթակից Անահիտ Մակյանի տեսախցիկից։

Հունվարի 6-ին, ժամը 23:05-ին Տավուշի մարզային ճգնաժամային կառավարման կենտրոն ահազանգ է ստացվել, որ Սարիգյուղ գյուղում այրվում է անասնագոմ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է հունվարի 7-ին, ժամը 00։00-ին, մարվել՝ 01։05-ին։ Այրվել են անասնագոմի տանիքը (մոտ 50 քմ) և տանիքում կուտակած մոտ 60 հակ անասնակեր։

Ոստիկանության Նոյեմբերյանի բաժնի քրեական հետախույզների բացատրական աշխատանքի շնորհիվ հունվարի 3-ին բաժին է ներկայացել 34-ամյա Ռուսլան Պ.-ն:

Նա հոկտեմբերի 17-ից հետախուզվում էր ՀՀ նախկին քրեական օրենսգրքի 296-րդ հոդվածի (Ծառերի, թփերի և բուսածածկի ապօրինի հատումը) մեղադրանքով:

Առանց խափանման միջոցի: