Տավուշի մարզկենտրոն Իջևանի թիվ 1 հիմնական դպրոցում այսօր մեկնարկեց դպրոցականների առարկայական օլիմպիադաների մարզային փուլը մաթեմատիկա առարկայից։

Մարզային փուլին նախորդել է դպրոցական փուլը, որին մասնակցել է 5-12-րդ դասարանների 1619 աշակերտ։ Նրանցից մարզային փուլին մասնակցելու իրավունք է նվաճել անցումային փուլը հաղթահարած 19 աշակերտ։

Տեղեկացնենք, որ օլիմպիադայի բոլոր փուլերի տարբերակները ըստ խմբերի կազմում է հանրապետական առարկայական հանձնաժողովը։
Համաձայն հանրապետական կազմկոմիտեի որոշման՝ մարզային փուլում լավագույն արդյունքներ ցուցաբերած մասնակիցները կմասնակցեն օլիմպիադայի հանրապետական փուլին։

Ամանորն անսպասելի, իսկ տավուշցիների համար՝ գուցե ամենասպասելի վայրում։ Տավուշ TV-ից Հրանտ Ղազումյանն այս անգամ միացել է մի խումբ տավուշեցի երիտասարդների ամանորյա արշավին՝ ողջունելու 2023-ին Դիմաց լեռան բարձունքին։

Իհարկե, ձեր բաժին վայելելիքն էլ բերել է իր հետ։ Գնացի՞նք։

Հայաստանի Հանրապետությունում մեկնարկել է 2023 թվականի ձմեռային զորակոչը: Իջևանի զինկոմիսարիատից պարտադիր ժամկետային զինվորական ծառայության մեկնեց նորակոչիկների հերթական խումբը` համալրելու Հայոց բանակի շարքերը, պարտքը տալու սրբազան հայրենիքին և կատարելու սահմանադրորեն ամրագրված իրենց պարտականությունը:

Նրանց բանակ ճանապարհելու էին եկել Իջևանի համայնքապետարանի աշխատակիցները, ովքեր առաջին անհրաժեշտության պարագաներով լի փաթեթներ հանձնեցին նորակոչիկներին։

Հունվարի 18-ին, ժամը 00:07-ին Տավուշի մարզային ճգնաժամային կառավարման կենտրոն ահազանգ է ստացվել, որ Այգեձոր գյուղում այրվում է ավտոմեքենա:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 00:41-ին, մարվել` 01:12-ին: Այրվել է Այգեձոր գյուղի 5-րդ փողոցի 2-րդ փակուղու տներից մեկի բակում կայանած «VAZ-2107» ավտոմեքենան:

Շերտավոր խմորով փախլավայի լավագույն բաղադրատոմսը՝ Գոհար Քոսակյանի խոհանոցից ձեր էկրանին։

Մեր թղթակից Արաքսյա Ամիրաղյանը պատմում է Նոյեմբերյանի սարերում Ամանորի տոնակատարության մասին։

Հունվարի 17-ին, ժամը 09:09-ին Տավուշի մարզային ճգնաժամային կառավարման կենտրոն ահազանգ է ստացվել, որ Հովք գյուղում այրվում է տուն:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 11:51-ին, մարվել՝ 13:04-ին:

Տավուշի Համը շարքում այս անգամ Գոհար Քոսակյանը ներկայացնում է Ամանորյա եռուզեռը` անուշ խոսք ու զրույցով։