Հոկտեմբերի 16-ին, ժամը 04:23-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կիրանց-Ոսկեպար ավտոճանապարհի մոտ 2-րդ կմ-ին տեղի է ունեցել ՃՏՊ` տուժածներ չկան:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Իջևան-Նոյեմբերյան ավտոճանապարհի 34-րդ կմ-ին «Volkwagen» մակնիշի ավտոմեքենան դուրս է եկել ճանապարհի երթևեկելի հատվածից և կախվել դեպի ձորակը. տուժածներ չկան:

Փրկարարները հատուկ տեխնիկայի օգնությամբ ավտոմեքենան դուրս են բերել երթևեկելի հատված:

Լիլիա Պողոսյան, Վերին Կարմիրաղբյուր, Բերդ

Բերդ համայնքի Չինչին գյուղի միջնակարգ դպրոցի աշակերտները ցանկություն էին հայտնել այցելել Տավուշ Մեդիայի ստուդիա, և հոկտեմբերի 11-ին դպրոցականները՝ իրենց ուսուցիչների հետ գտնվում էին մեր ստուդիայում։

Հանդիպման ընթացքում մենք նրանց ծանոթացել ենք հեռուստատեսային աշխատանքի բոլոր կողմերին՝ սկսած մեր հիմնադրման պատմությունից մինչև հեռուստատեսային աշխատանքի հետաքրքիր դրվագներ։ Պատմել ենք, թե ինչպես է աշխատում հեռուստաընկերությունը, ինչպիսի պատասխանատվություն և ակնկալիքներ կան սահմանամերձ մեդիայի առջև։

Բերդ քաղաքում կառուցվում է բազմաֆունկցիոնալ սոցիալ-կրթական կենտրոն՝ նախատեսված երեխաների, ծնողների և երիտասարդների համար։ Այն լրացնում է Տավուշի թեմի մյուս՝ «Արևիկ» և «Պապոնց տուն» կենտրոնների շարքը։ Մեծ ծրագրի այս նախագծի նախաձեռնողը «Պահապան» հիմնադրամն է, որը միավորել է մի շարք գործընկերների Բերդում նոր հնարավորություններ ստեղծելու համար։ Կենտրոնը կունենա ժամանակակից շինություն՝ ապահով միջավայր, որտեղ երեխաները կարող են սովորել, զարգանալ, իսկ մեծահասակները՝ ստանալ սոցիալական աջակցություն ու մասնագիտական գիտելիքներ։

ՀՀ-ում Ճապոնիայի արտակարգ ու լիազոր դեսպան Յուտակա Աոկին Տավուշ Մեդիայի հետ զրույցում նշեց․

«Կենտրոնի ստեղծմամբ մենք բարելավում ենք ենթակառուցվածքները, որոնք մարդկային անվտագության տեսանկյունից կարևոր են: Այս տարածքը կլինի որպես համայնքային կենտրոն՝ բնակչության բոլոր խմբերի համար: Հայաստանում իրականացվող աշխատանքներում կարևորությունը տրվում է Լեռնային Ղարաբաղից տեղահանված բնակիչներին, և Բերդը՝ որպես սահմանամերձ գոտի ու տեղահանված բնակչությանն ընդունող համայնք, այս առումով լուրջ կարևորություն ունի: Տավուշի մարզում, և Հայաստանում առհասարակ մենք տարբեր ծրագրեր ունենք. Ջրամատակարարման ցանցի ստեղծում՝ գյուղատնտեսների համար, բժշկական սարքավորումների տրամադրում՝ բուժհաստատությունների, կրթական կենտրոնների վերանորոգում… և նմանատիպ այլ ծրագրեր: Տավուշն անչափ գեղեցիկ է, բայց ամենակարևորը, որ կարող եմ նշել, հյուրասիրությունն ու հյուրընկալությունն է, մարդկանց ջերմությունը, որ ես զգում եմ, լավագույն տպավորությունն է ինձ համար»,- ասաց դեսպանը։

Կառուցվելիք կենտրոնի նպատակը մեկ է՝ համայնքի բնակիչներին տալ գործնական գիտելիքներ ու հնարավորություններ, որոնք կարող են նրանց համար ավելի կայուն ապագա ապահովել։ Այն նախատեսված է տարեկան շուրջ 300 երեխաների ու երիտասարդների համար։

Կրթական ու սոցիալական բաղադրիչներից զատ, կենտրոնը կդառնա մշակութային ու համայնքային միջոցառումների նոր հարթակ։ Այստեղ նախատեսվում են անցկացնել ներառական կրթական ծրագրեր, մշակութային միջոցառումներ և համայնքային նախաձեռնություններ՝ բարենպաստ պայմաններում։

Բերդ համայնքի համար սոցիալ-կրթական կենտրոնը փորձ է ստեղծելու այնպիսի միջավայր, որտեղ երեխաները կարող են առանց սահմանափակումների սովորել, ծնողները՝ ստանալ անհրաժեշտ աջակցություն, իսկ երիտասարդները՝ գտնել նոր ուղիներ ինքնակատարելագործման ու սոցիալ-տնտեսական կայունության համար։

Կարդացեք նաև՝

ՄԱԿ-ի Զարգացման ծրագրի 30-ամյակին նվիրված միջոցառումների հերթական կանգառը Տավուշի մարզում էր։ Երեք տասնամյակներում իրականացված աշխատանքներն ընդգրկում են տարբեր ուղղություններ, և Դիլիջանում անցկացվող հանդիպումը նպատակ ուներ ընդգծել հումանիտար ականազերծման և համայնքային անվտանգության ոլորտում իրականացվող համատեղ աշխատանքները։

«30 տարիների ընթացքում ՄԱԿ-ի Զարգացման ծրագիրը մասնակցել է Հայաստանի հիմնական մարտահրավերների հաղթահարմանը և լուրջ մասնակցություն ենք ունեցել այն հաջողություններին, որոնք գրանցվել են այստեղ՝ Հայաստանում: Պատահական չէ, որ ՄԱԿ-ի Զարգացման ծրագրի 30-ամյակին ես գտնվում եմ Տավուշի մարզում. այստեղ շատ լուրջ աշխատանքներ ենք իրականացրել, հատկապես սոցիալ-տնտեսական, գենդերային հավասարության, ականազերծման, շրջակա միջավայրի ուղղությունների շրջանակում: Տավուշի մարզում դեռևս կան բնակավայրեր, որոնց տարածքներն ականապատ են, դրանք խանգարում են տվյալ բնակավայրերի սոցիալ-տնտեսական հետագա զարգացմանը»,- Տավուշ Մեդիայի հետ զրույցում նշեց Հայաստանում ՄԱԿ-ի Զարգացման ծրագրի մշտական ներկայացուցիչ Նաթիա Նացվլիշվիլին:

Միջոցառման ընթացքում ցուցադրվեց նաև Հայաստանում ՄԱԶԾ-ի գործունեության 30 տարիների մասին պատմող ֆիլմը։ Ֆիլմում ներկայացված էին տարբեր մարզերի պատմություններ՝ սահմանամերձ գյուղերից մինչև վերականգնված տարածքներում կառուցված դպրոցներ, ջրագծեր ու ճանապարհներ։

Միջոցառման խորագրի շրջանակում ներկաներին սպասում էր ինտերակտիվ վարժություն։ Թղթե նշաններով ու ժապավեններով սահմանազատված պայմանական «ականապատ» տարածքում անցկացվեց սիմուլիացիոն վարժություն՝ մանրամասնելով ինչպես են հայտնաբերվում ականները, ինչ տեխնիկա է օգտագործվում, ինչպես են ապահովվում տարածքների անվտագությունը։

Հակաակնային գործողությունների հետ միասին, 30 տարվա ընթացքում իրականացված ծրագրերը փոխել են տասնյակ համայնքների իրականությունը՝ նվազեցնելով ռիսկերն ու ստեղծելով զարգացման ավելի կայուն պայմաններ։

Մերի Գրիգորյան, Նարե Արզումանյան, Արևիկ Մնացականյան, Մարի Սազբանդյան, Տավուշ գյուղ, Բերդ

Տավուշի մարզում խաղողաքաղն ընթացքի մեջ է. մարդիկ հավաքում են ամբողջ տարվա աշխատանքը:
Գյուղացիների հյուրը Տավուշ Մեդիայի թղթակից Հայկ Դոմբրյանն էր:

Հոկտեմբերի 7-ին, ժամը 21։00-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նավուր գյուղի սար տանող ավտոճանապարհին այրվում է ավտոմեքենա:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Բերդ-Ճամբարակ ավտոճանապարհի 11-րդ կմ-ին այրվում է «Jeep» մակնիշի ավտոմեքենա:

Մինչ փրկարների կանչի վայր հասնելը՝ մեկ ուղևոր տեղափոխվել է բժշկական կենտրոն։

Հրդեհը մեկուսացվել է ժամը 21:38-ին, մարվել՝ 22:00-ին: Այրվել է ավտոմեքենան։

Փրկարարները սահմանազատել են տարածքը:

Նոյեմբերյանի Մշակույթի կենտրոնի Իգնատ Մամյանի անվան քաղաքային գրադարանում անցկացվեց տոնական հանդիպում՝ Գրադարանավարի օրվա կապակցությամբ։ Միջոցառմանը մասնակցում էին համայնքի բոլոր գրադարանավարները։

Նոյեմբերյան համայնքի ղեկավարի հետ հանդիպման օրակարգում ընդգրկված էին գրքի և գիտելիքի արժեքը, մշակույթի դերը և ընթերցանության խթանման հնարավորությունները։ Համայնքի ղեկավարն շնորհավորեց գրադարանավարներին մասնագիտական տոնի կապակցությամբ և ընդգծեց նրանց դերը գիտելիքի փոխանցման և մշակութային արժեքների պահպանման գործում։

Գրադարանավարները ներկայացրին իրենց մտահոգություններն ու առաջարկները՝ կարևորելով համայնքային գրադարանների միջև փորձի փոխանակման և համագործակցության խորացման անհրաժեշտությունը՝ որպես գիտելիքի տարածման ու մշակութային կապերի ամրապնդման կարևոր ուղի։

2004 թվականից Հայաստանի Հանրապետությունում հոկտեմբերի 7-ը նշվում է որպես Գրադարանավարի օր։ Տոնի նպատակն է արժևորել գրադարանավարի մասնագիտությունը և դերը կրթական միջավայրի ձևավորման և գիտելիքի տարածման գործում: Գրադարանը համարվում է հասարակության հոգևոր և կրթական կյանքի հիմնարար ինստիտուտներից մեկը։ Այն վաղուց դադարել է լինել բացառապես գրքերի պահոց: Ժամանակակից հասարակության մեջ գրադարանը ներկայանում է որպես բազմաֆունկցիոնալ կրթական միջավայր, հանրային հաղորդակցության և գիտելիքի շրջանառության հարթակ, ինչպես նաև համայնքային մշակութային կյանքի կազմակերպման և ժամանցի կենտրոն։

Գրադարանը մի տարածք է, որտեղ համադրվում են դասական արժեքներն ու դրանց պահպանման նորարարական լուծումները։ Գրադարանը ձևավորվում է գիտելիքի ստեղծման, տարածման և փոխանակման հնարավորություններ, ինչպես նաև ապահովվում է հանրային հաղորդակցության և սոցիալ-մշակութային կապերի ամրապնդման բազմաշերտ միջավայր։ Գրադարանների զարգացման և արդիականացման գործընթացը պետական մշակութային քաղաքականության առանցքային ուղղություններից մեկն է:

Գրադարանի այդ կարևոր առաքելության իրականացման գործում անուրանալի և նշանակալի դեր ունի գրադարանավարը: Այս համատեքստում նախարարությունը մեծապես կարևորում է գրադարանավարների շարունակական վերապատրաստման կազմակերպումը, մասնագիտական հմտությունների կատարելագործումը և միջազգային փորձի փոխանակումը։

Լուսանկարները՝ Տավուշ Մեդիայի թղթակից Հրանուշ Անանյանի։

Կարդացեք նաև՝

Տավուշի մարզում Տերյանական աշուն է: Ինչպես ասել մեծն բանաստեղծը՝

Նորից անձրև՜, մշո՜ւշ, ա՜մպ,
Թախի՜ծ անհուն, տխրա՜նք հեզ,
Աշո՛ւն, քեզ ի՛նչ քնքշությամբ,
Ի՞նչ խոսքերով երգեմ քեզ…

Քո մշուշը, քո ոսկի
Տերևները հողմավար,
Դյութանքը քո մեղմ խոսքի,
Արցունքները քո գոհար…

Հարազատ են իմ հոգուն,
Վհատությանն իմ խոնարհ,
Ե՛վ թփերը դողդոջուն,
Ե՛վ խոտերը գետնահար…

Եվ քո երգը թախծալի
Իմ սրտի երգն է կարծես,
Աշո՛ւն, քաղցր ու բաղձալի,
Ի՞նչ խոսքերով երգեմ քեզ…

Լուսանկարները՝ ‹‹Դիլիջան›› ազգային պարկից