Հուլիսի 8-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Բերդ համայնքի Վարագավան բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ։
Խնդրում ենք չանհանգստանալ։
Տավուշի մարզի Նոյեմբերյան համայնքի սահմանամերձ Դովեղ գյուղի դպրոցի կասեցված շինարարությունը վերսկսվում է։ 2020 թվականից կնքված պայմանագրով նախատեսված Դովեղի դպրոցի կառուցման ծրագիրը վերջապես ավարտին կհասնի. Քաղաքաշինության կոմիտեն ներգրավել է նոր կապալառու։
Ընդհատված ծրագիրը շարունակելու համար Քաղաքաշինության կոմիտեի նախագահ Եղիազար Վարդանյանը, պատասխանատու ստորաբաժանման մասնագետները, տեղական ինքնակառավարման մարմինների, նախագծողների ու տեխնիկական հսկողություն իրականացնող կազմակերպությունների և նոր կապալառու ընկերության ներկայացուցիչներն ու ինժեներական անձնակազմը շրջայց են կատարել Տավուշի մարզի Դովեղի դպրոցի շինարարության հրապարակում, տեղում հստակեցրել նախատեսվող աշխատանքների հետ կապված բոլոր հարցերը։
Կոմիտեի նախագահը հանձնարարել է շինարարական աշխատանքները կատարել արագ տեմպով ու պատշաճ որակով, դպրոցի շենքի և հենապատի կառուցումն իրականացնել զուգահեռաբար՝ կանխելով առաջած ռիսկերը։ Տեղական ինքնակառավարման մարմինների հետ քննարկվել է վնասված ճանապարհի վերականգնումը ևս առաջիկայում նախատեսվող շինարարական աշխատանքներում ներառելու հնարավորությունը։
Դովեղի դպրոցի շինարարության համար պատասխանատու նախկին կապալառուն աշխատանքներն իրականացրել էր ժամկետների կոպիտ խախտումներով և նախագծից ու պահանջվող որակից շեղումներով, ինչը փաստագրվել է մասնագիտական հանձնաժողովի կողմից։ Արդյունքում կոմիտեն, հաշվի առնելով նաև Քաղաքաշինության, տեխնիկական և հրդեհային անվտանգության տեսչական մարմնի միջնորդագիրը՝ Վայոց ձորի մարզի Չիվայի դպրոցի շինարարական աշխատանքների ստուգման արդյունքում քաղաքաշինական գործունեություն իրականացնելու կազմակերպության լիցենզիայի կասեցման վերաբերյալ, միակողմանի լուծել էր կնքված պայմանագիրը։ Նախկին կապալառուի հետ կնքված պայմանագրի լուծումն ընկերությունը բողոքարկել էր դատական կարգով։ Դատարանը մերժել է Քաղաքաշինության կոմիտեի դեմ ուղղված պահանջները՝ հօգուտ կոմիտեի կայացնելով վճիռ։
Կարդացեք նաև՝
Սահմանամերձ Դովեղի բնակիչ, լրագրող Թաթուլ Հակոբյանի ահազանգը
Հուլիսի 4-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Բերդ համայնքի Պառավաքար բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ։
Խնդրում ենք չանհանգստանալ։
Նոյեմբերյանի համայնքապետարանի և Պարի ու սպորտային պարերի համահայկական խորհրդի համագործակցությամբ hունիսի 29-ին Նոյեմբերյան քաղաքում անցկացվեց համայնքի առաջին սպորտային-պարահանդեսային մրցույթ-փառատոնը, որը մեկ վայրում էր համախմբել Երևանի, Գյումրիի, Աշոցքի, Մեղրիի, Թբիլիսիի և Նոյեմբերյան համայնքի պարային խմբերին՝ ստեղծելով ջերմ, մրցակցային և տոնական մթնոլորտ։
Փառատոնի ավարտին հաղթող թիմերն արժանացան հավաստագրերի, գավաթների և հուշանվերների։
Ներկայացնում է Տավուշ Մեդիայի թղթակից Հրանուշ Անանյանը։
«Բերդ» մշակույթի կենտրոնը հայտնում է, որ «Տավուշ» բերդ բարձրանալը վտանգավոր է կյանքի և առողջության համար։ Ամրոցը խարխլված է, իսկ վերջին պեղումներից և տեղումներից հետո քարաթափման վտանգը զգալիորեն աճել է։
«Տավուշ» բերդը՝ կործանման եզրին։
«Տավուշ» բերդը՝ այն պատմական ամրոցը, որի անունով կոչվում է մեր ամբողջ մարզը, կանգնած է անդարձ կորստի եզրին։ Մենք տարիներ շարունակ ահազանգել ենք, բայց բերդը շարունակում է մենակ մնալ։ Մի քանի տարի առաջ բերդի վերջին պահպանված հատվածում իրականացվել են հնագիտական պեղումներ։ Հողաշերտը՝ երբեմնի պաշտպանական վահանը, հեռացվել է՝ բացելով քայքայման ուղին։ Բայց հետո՝ ոչ մի ամրակայման աշխատանք չի իրականացվել։
Այսօր անձրևաջրերը մերկ քարերի միջով ներթափանցում են արագացնելով նրա մահվան ընթացքը։ Պատկան մարմիններին մշտապես բարձրաձայնում ենք. նրանք պատասխանում են՝ «մրցույթ է հայտարարվել, բայց մասնակցող չկա»։ Բայց բերդը չի սպասում։ Պատմությունը չի սպասում։ Եվ եթե այսպես շարունակվի, մեր նախնիների ժառանգած այս խորհրդանիշը պարզապես կվերանա՝ մի օր մնալով միայն նկարներում ու հուշերում։
Եթե այժմ չփրկենք «Տավուշ» բերդը, վաղը կարող ենք կանգնել դատարկ պատմության առաջ», նշված է «Բերդ» մշակույթի կենտրոնի հայտարարության մեջ։
Նոյեմբերյան համայնքի բնակիչները ինֆեկցիոն և մանական բուժծառայություններից օգվելու համար այլևս կարիք չեն ունենա հասնելու մարզկենտրոն կամ մայրաքաղաք: Նոյեմբերյանի Նիկոլայ Նասիբյանի անվան հիվանդանոցում «Հայաստան» համահայկական հիմնադրամի ջանքերով վերակառուցվել է ինֆեկցիոն մասնաշենքը՝ միաժամանակ ապահովելով ինֆեկցիոն և մանկական բաժանմունքների գործառույթները:
Հիմանորոգված մասնաշենքի պայմաններին առաջինը ծանոթանում են «Հայաստան» հիմնադրամի աշխարհասփյուռ ներկայացուցիչները։ Մասնաշենքի հիմնանորոգման ծրագիրը կյանքի է կոչվել հիմնադրամի ԱՄՆ –ի տեղական մարմնի ֆինանսավորմամբ:
2009 թվականին դարձյալ «Հայաստան» համահայկական հիմնադրամի միջոցներով վերանորոգվել է հիվանդանոցի գլխավոր մասնաշենքը և հագեցվել նորագույն սարքավորումներով:
Մասնաշենքն անհրաժեշտ գույքով է կահավորել Առողջապահության նախարարությունը: Հիվանդանոցում բարվոք պայմանների առկայությունն խիստ անհրաժեշտ է, քանի որ այն միակ բժշկական կենտրոնն է Նոյեմբերյան համայնքում ու սպասարկում է շուրջ 30 հազար բնակչի:
«Հայաստան» հիմնադրամի ջանքերով Նոյեմբերյանում ընդյալվեց առողջապահական ծառայությունների տրամադրումը․ կյանքի որակ բարելավող ծրագրերի իրականացումը շարունակվում է։
Նելլի Հովհաննիսյանն առաջին անգամ դասավանդել է Շիրակի մարզում, այսուհետև «Դասավանդիր Հայաստան» հիմնադրամի միջոցով տեղափոխվել է Տավուշի մարզ` սահմանապահ Չինարի:
Հեղինակ՝ Անահիտ Մակյան
Հունիսի 24-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Բերդավան բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:
Խնդրում ենք չանհանգստանալ։
Հունիսի 18-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Կողբ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12:00-ին, գործարկվելու է էլեկտրական շչակ։
Խնդրում ենք չանհանգստանալ։
2020 թվականից Հ. Հովնանյան ընտանեկան հիմնադրամը՝ ՀՀ Կառավարության սուբվենցիոն ծրագրի հետ համագործակցությամբ, ակտիվորեն ներգրավված է Տավուշի սահմանամերձ գյուղերի՝ ջրի հետ կապված ճգնաժամային խնդիրների լուծման գործում: Այս շարունակական պետություն-մասնավոր դաշտ համագործակցությունը ձգտում է ոռոգման և մաքուր խմելու ջրերով ապահովել դրանցից զրկված գյուղերին: Վերջնական նպատակն է հիմնովին բարելավել տարածաշրջանի սոցիալ-տնտեսական պայմանները` աշխուժացնելով բնակչությունը և հնարավորություն տալով աճեցնել գյուղատնտեսական տարբեր մթերքներ։
Հունիսի 2-ին Նոյեմբերյան համայնք էր այցելել Հ․ Հովնանյան ընտանեկան հիմնադրամի տնօրեն Էդիլ Հովնանյանը․ այցի շրջանակում քննարկվել են նախորդ տարիներին համայնքում իրականացված ծրագրերը, բնակիչների արձագանքները և հետագա զարգացման հնարավորությունները։ Այցը նպատակ ուներ գնահատելու համայնքում իրականացված աշխատանքների արդյունավետությունն ու զարգացման նոր ուղղությունները։
Այցելություններ են եղել մի շարք տարածքներ, որտեղ իրականացվել են խմելու ջրի և ոռոգման համակարգերի արդիականացման ծրագրեր։ Դրանք կյանքի են կոչվել համայնքի և «Հովնանյան» հիմնադրամի համաֆինանսավորմամբ։ Մասնավորապես, 2022-2025 թվականներին շուրջ 260 միլիոն դրամի ներդրմամբ բարելավվել են ջրամատակարարման համակարգերը հետևյալ բնակավայրերում․
Հանդիպման ավարտին Նոյեմբերյան համայնքի ղեկավար Արսեն Աղաբաբյանը համայնքի կարևորագույն ոլորտների զարգացմանը նպաստելու համար Էդիլ Հովնանյանին շնորհել է Նոյեմբերյան համայնքի պատվավոր քաղաքացու կոչումը։ Կոչումը տրվել է համայնքային կարիքների շուրջ ցուցաբերած երկարամյա աջակցության և մարդասիրական արժեքների տարածման համար։
Իր խոսքում Է․ Հովնանյանը վստահեցրել է, որ «Հովնանյան» հիմնադրամը շարունակելու է գործունեությունը Նոյեմբերյան համայնքում՝ հատկապես կենտրոնանալով այն ուղղությունների վրա, որոնք կարևոր են համայնքի բնականոն կյանքի և կայուն զարգացման համար։
