«Փի-Էյչ Ինթերնեշնլ» կազմակերպությունը ՀՀ-ում ԱՄՆ դեսպանատան կողմից հովանավորվող «Անգլերենի ուսումնառություն և երիտասարդների զարգացում» ծրագրի շրջանակում հրավիրում է Դիլիջան, Իջևան, Նոյեմբերյան քաղաքներում և հարակից համայնքներում բնակվող 16-35 տարեկան երիտասարդներին՝ մասնակցելու World Café ձևաչափով արագացված դասընթացների, որոնք ուղղված են աշխատաշուկայի պահանջներին համապատասխանող հմտությունների զարգացմանը։

Դասընթացների շրջանակում մասնակիցներին հնարավորություն կտրվի զարգացնելու կարիերայի առաջխաղացման համար անհրաժեշտ հիմնական հմտություններն ու ռազմավարությունները, ծանոթանալու ԱՄՆ-ում և Եվրոպայում երիտասարդների համար նախատեսված ուսումնական, մշակութային և մասնագիտական վերապատրաստման ծրագրերին և դրանց դիմելու ընթացակարգերին, համոզվելու, թե ինչպես են հաղորդակցման հմտություններն ու հուզական ինտելեկտը նպաստում արդյունավետ աշխատանքային միջավայրի ստեղծմանը, ինչպես նաև զարգացնելու բովանդակությունը քննադատաբար վերլուծելու կարողությունը թվային տեղեկատվության և սոցիալական մեդիայի համատեքստում:

Նոյեմբերիի 23-ին, ժամը 16:04-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կողբ գյուղում այրվում է տուն։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է գյուղի 47-րդ փողոցի տներից մեկի տանիքում:

Հրդեհը մեկուսացվել է ժամը 17:04-ին, մարվել՝ 17:47-ին: Այրվել է տան տանիքը (մոտ 180 քմ)։

Նոյեմբերի 22-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Ոսկեպար բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

Չորս տարվա ընթացքում արդեն երկրորդ անգամ Բնության համաշխարհային հիմնադրամի հայաստանյան մասնաճյուղի թիմին հաջողվեց գրանցել ընձառյուծ Տավուշի մարզում։ Սա ևս մեկ անգամ հաստատում է դեռևս խորհրդային տարիներից շրջանառվող տեղեկությունները՝ Տավուշում ընձառյուծի հանդիպելու մասին։

Լուսանկարում պատկերված առանձնյակն ունի իր հուզիչ պատմությունը: Այն առաջին անգամ հայտնաբերվել էր 2019 թվականի փետրվարին Վայոց ձորում «Արփա» պահպանվող լանդշաֆտի ռենջերների կողմից։ Արու ընձառյուծին անվանակոչեցին Արեն։ Մեկ տարի անց դեռևս Վայոց ձորում գտնվելով, Արենը կորցրել էր իր առջևի թաթը, սակայն ապաքինվել էր և կարողանում էր հաջողությամբ որս անել։ Արենը Վայոց ձորից ու մասնագետների տեսադաշտից անհետացավ 2022 թվականի դեկտեմբերին, իսկ ահա երկու տարի անց, նա հայտնվեց Տավուշում՝ «Արփա» պահպանվող լանդշաֆտից 150 կմ հեռավորության վրա։

Այս բացահայտումը հնարավոր չէր լինի առանց Տավուշում Բնության համաշխարհային հիմնադրամի հայաստանյան մասնաճյուղի թիմի համայնքային ռենջեր Արման Գաբրիելյանի պատրաստվածության և զգոնության, ով 2019-ին նաև Տավուշի առաջին ընձառյուծը հայտնաբերելու «դրդապատճառը» դարձավ։

Լուսանկարը՝ WWF Հայաստան / WWF Armenia
Բնության համաշխարհային հիմնադրամի հայաստանյան մասնաճյուղի։

«Արտակարգ Ալիք» տեղեկատվական հասարակական կազմակերպությունը և Տավուշ Մեդիան՝ Freedom House միջազգային կազմակերպության աջակցությամբ,  իրականացնում են ծրագիր, որի նպատակը Տավուշի մարզում ապատեղեկատվության և կեղծ լուրերի դեմ պայքարն է, մեդիամանիպուլյացիայի կանխարգելումը, մեդիագրագիտության տարածումն ու բարձրացումը, ուսուցողական և խորհրդատվական միասնական տեղեկատվական հարթակի ստեղծումը:

Կեղծ ու սուտ լուրերին դիմակայելը պահանջում է վճռականություն և գիտելիք՝ ճշգրիտ ու վստահելի տեղեկատվական հոսքերի ապահովման համար։ Սա հատկապես կարևոր է Տավուշի մարզի համայնքներում, որտեղ ապատեղեկատվությունը կարող է ապակողմնորոշել բնակչությանը ու առաջացնել բացասական տրամադրություններ, վախ ու անկայունություն։

Նոյեմբերի 18-ին Նոյեմբերյանի համայնքում անցկացվեց հանրային հանդիպում՝ «Մեդիագրագիտություն և ապատեղեկատվության դեմ պայքար» խորագրով։ Հանդիպման ընթացքում հատուկ ուշադրություն դարձվեց մեդիագրագիտության կարևորությանը և դրա հիմնական սկզբունքներին։ Տավուշ Մեդիայի լրագրող Էռնեստ Խանումյանը ներկաներին առաջարկեց քննարկելու մարզում առկա իրական դեպքերը։ Նա ներկայացրեց օրինակներ, որոնք արտահայտիչ կերպով ցույց են տալիս, թե որքան վնասակար կարող են լինել կեղծ լուրերը և ինչ մեխանիզմներով կարելի է կանխարգելել դրանց տարածումը։ Հանդիպման առանցքում էին նաև այն գործիքներն ու մեթոդները, որոնք կարող են օգնել բնակիչներին տարբերակել հավաստի տեղեկությունները կեղծ լուրերից։

Մասնակիցները ակտիվորեն մասնակցեցին հարցուպատասխանին՝  ներկայացնելով Նոյեմբերյանում շրջանառվող ապատեղեկատվության օրինակները։ Դրանք հիմնականում վերաբերում են սահմանային-անվտանգային թեմաներին։  Քննարկվեցին նաև կեղծ լուրերի աղբյուրները, դրանց տարածման հնարավոր դրդապատճառները և դրանց հակազդելու հնարավոր միջոցները։

Սիրելի տավուշեցիներ,

Տավուշի մարզում մեդիագրագիտության մակարդակի գնահատման և բարելավման նպատակով իրականացնում ենք հանրային հարցում․ Ձեր կարծիքը և փորձառությունը չափազանց կարևոր են մեզ համար՝ համայնքներում տեղեկատվական անվտանգության ամրապնդման և ապատեղեկատվության դեմ պայքարի արդյունավետ մեխանիզմներ մշակելու համար։ Խնդրում ենք պատասխանեք նշված հարցերին:

Իսկ հանրային հանդիպումներն իրականացվելու են Տավուշի մարզի բոլոր համայնքներում: Նպատակը նույնն է՝  բարձրացնել Տավուշի բնակչության իրազեկվածությունն ու զարգացնել նրանց կարողությունները՝ դիմակայելու տարատեսակ ապատեղեկատվական վտանգներին։ Մասնակցելու համար դիմեք՝ info@tavushmedia.am հասցեին կամ զանգահարեք 060 460202 հեռախոսահամարով։

Այս հանդիպումն իրականացվել է Freedom House միջազգային կազմակերպության աջակցությամբ։ Այս հոդվածում արտահայտված բովանդակությունը և կարծիքները հեղինակների պատասխանատվությունն են և պարտադիր չէ, որ արտահայտեն Freedom House միջազգային կազմակերպության տեսակետները։

Կարդացեք նաև՝

Տավուշ Մեդիան իրականացնում է լսարանի ուսումնասիրություն, և այս գործում մենք ունենք ձեր օգնության կարիքը։

Խնդրում ենք բացել հարցաթերթիկը https://shorturl.at/G3doc և 3 րոպե տրամադրել այն լրացնելուն՝ հայտնելով ձեր կարծիքը մեր եթերի, հաղորդումների և օնլայն ներկայության մասին։

Ձեր կարծիքներն ու առաջարկները կօգնեն մեզ հասկանալ, թե ինչպես բարելավել Տավուշ TV-ն ու մեր մեդիան հենց ձեզ համար։

Մեզ օգնելու համար կարող եք նաև տարածել այս հրապարակումը՝ կիսվելով, ինչպես նաև ուղարկելով ձեր ընկերներին ու բարեկամներին։

Նոյեմբերի 20-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Կոթի բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

Արտակարգ ալիքն ու Տավուշ Մեդիան շարունակում են աշխատանքները Տավուշի մարզի սահմանամերձ բնակավայրերի բնակչության դիմակայունության բարձրացման ուղղությամբ։
Նոյեմբերի 14-ին Նոյեմբերյանում «Կյանքը սահմանին» ծրագրի շրջանակներում, տեղի ունեցավ կլոր-սեղան քննարկում՝ «Սահմանազատում, հեռանկարներ, մարտահրավերներ, լուծումներ» թեմայով։

Քննարկման նպատակն էր Տավուշի մարզի սահմանամերձ բնակավայրերի դիմակայունության բարձրացումը՝ բնակիչների իրազեկվածության բարձրացման և առկա խնդիրների ու մարտահրավերների բարձրաձայնման միջոցով:

Հանդիպումն անցկացվեց Տավուշի մարզում վերջին իրադարձությունների, մեր հարցումների ամփոփ վերլուծության և բնակիչների դիտարկումների հիման վրա՝ նպատակ ունենալով իրազեկելով բնակչությանն՝ ընդգծել սահմանամերձ բնակավայրերի դիմակայունության բարձրացմանը ուղղված քայլերը։

Հանդիպմանը մասնակցում էին տեղական ինքնակառավարման մարմինների, համայնքային և հասարակական կազմակերպությունների ներկայացուցիչներ, ինչպես նաև պետական մարմինների ներկայացուցիչներ։ Հիմնական խոսնակը՝ քաղաքագետ Սամվել Մելիքսեթյանը, մանրամասն ներկայացրեց սահմանազատման գործընթացի հետ կապված մարտահրավերները, հնարավոր հեռանկարները, խոչընդոտները և դրանց լուծման ուղիները։
Քննարկման ընթացքում մասնակիցները բարձրաձայնեցին առանցքային հարցեր, որոնք վերաբերում էին Տավուշի մարզի սահմանամերձ համայնքների անվտանգությանը, բնակիչների սոցիալական-տնտեսական պայմաններին։

Սահմանամերձ բնակավայրերն իրենց առաջին հերթին՝ անվտանգային ու դիմակայունության խնդիրներով մեր առաջնահերթություններից են և առաջիկայում սպասեք հաղորդումների քաղպաշտպանական, աղետների ռիսկի կառավարման, առողջապահական, կրթական, աշխատանքով ապահովվածության, մարդու իրավունքների, մեդիագրագիտության և այլ օրախնդիր թեմաներով: Ով իրազեկված է, նա պաշտպանված է:

«Արտակարգ Ալիք» տեղեկատվական հասարակական կազմակերպությունը և Տավուշ Մեդիան՝ Freedom House միջազգային կազմակերպության աջակցությամբ,  իրականացնում են ծրագիր, որի նպատակը Տավուշի մարզում ապատեղեկատվության և կեղծ լուրերի դեմ պայքարն է, մեդիամանիպուլյացիայի կանխարգելումը, մեդիագրագիտության տարածումն ու բարձրացումը, ուսուցողական և խորհրդատվական միասնական տեղեկատվական հարթակի ստեղծումը:

Այն կնպաստի Տավուշի մարզում ճշգրիտ, հավաստի, վստահելի տեղեկության տարածմանը՝ նվազեցնելով սուտ ու կեղծ լուրերի բացասական հետևանքները, ապակողմնորոշումը, վախն ու խուճապը:

Նախագծի շրջանակում նոյեմբերի 9-ին Իջևան համայնքում տեղի ունեցավ հանդիպում՝ «Մեդիագրագիտություն և ապատեղեկատվության դեմ պայքար» թեմայով: Ընդգծվեց մեդիագրագիտության կարևորությունը, ներկայացվեցին  հիմնական սկզբունքները։ Տավուշ Մեդիայի լրագրող Էռնեստ Խանումյանը ներկաներին առաջարկեց քննարկել Տավուշի մարզում տարածված իրական դեպքերի օրինակներ, որոնք ցույց են տալիս, թե ինչ վնասներ են հասցնում կեղծ տեղեկությունները և ինչպես կարելի է դրանք կանխարգելել։ Հանդիպումն ընթացավ հարցուպատասխանով, որի ընթացքում մասնակիցները օրինակներ բերեցին Իջևանում տարածվող կեղծ լուրերից և ասեկոսեներից։

Սիրելի տավուշեցիներ,

Տավուշի մարզում մեդիագրագիտության մակարդակի գնահատման և բարելավման նպատակով իրականացնում ենք հանրային հարցում․ Ձեր կարծիքը և փորձառությունը չափազանց կարևոր են մեզ համար՝ համայնքներում տեղեկատվական անվտանգության ամրապնդման և ապատեղեկատվության դեմ պայքարի արդյունավետ մեխանիզմներ մշակելու համար։ Խնդրում ենք պատասխանեք նշված հարցերին:

Իսկ հանրային հանդիպումներն իրականացվելու են Տավուշի մարզի բոլոր համայնքներում: Նպատակը նույնն է՝  բարձրացնել Տավուշի բնակչության իրազեկվածությունն ու զարգացնել նրանց կարողությունները՝ դիմակայելու տարատեսակ ապատեղեկատվական վտանգներին։ Մասնակցելու համար դիմեք՝ info@tavushmedia.am հասցեին կամ զանգահարեք 060 460202 հեռախոսահամարով։

Այս հանդիպումն իրականացվել է Freedom House միջազգային կազմակերպության աջակցությամբ։ Այս հոդվածում արտահայտված բովանդակությունը և կարծիքները հեղինակների պատասխանատվությունն են և պարտադիր չէ, որ արտահայտեն Freedom House միջազգային կազմակերպության տեսակետները։

Կարդացեք նաև՝