«Արտակարգ Ալիք» տեղեկատվական հասարակական կազմակերպությունն ու Տավուշ Մեդիան ամփոփեցին աղետների ռիսկի կառավարմանը նվիրված հանրային բանախոսությունների շարքը։ Այն մեկնարկել էր 2024 թվականի աշնանն ու անցկացվել Տավուշի մարզի խոշորացված Իջևան, Դիլիջան, Նոյեմբերյան համայնքներում։ 2025 թվականի հունվարի 23-ին բանախոսությունն անցկացվեց նաև Բերդ համայնքում։

Բանախոսությունը վարեց ճգնաժամային հաղորդակցության և տեղեկատվության կառավարման միջազգային փորձագետ, փրկարարական ծառայության գեներալ-մայոր Նիկոլայ Գրիգորյանը։

«Հայի ամեն մի սերունդ իր բաժին մեծ երկրաշարժն ու պատերազմն է ունենում»,  – նշեց բանախոսն ու ներկայացրեց վերջին տարիներին Հայաստանի տարածքում արձանագրված, ապա Տավուշի մարզին պատուհասած ու սպառնացող արտակարգ իրավիճակները։ Այս բոլորը մեզ թելադրում ու պարտադրում են, որ դիմակայուն լինենք, որ իրազեկ ու պատրաստված լինենք:

Հանդիպմանը ներկա էին Բերդ համայնքի բնակավայրերի վարչական ղեկավարները, քաղհասարակության ու ՏԻՄ ներկայացուցիչներ, որոնք բարձրաձայնեցին համայնքի տարածքում առկա ռիսկերն ու տարաբնույթ հարցեր ուղղեցին բանախոսին:

Բանախոսությունների նպատակն էր բարձրացնել Տավուշի մարզի բնակչության իրազեկվածությունը, պատրաստվածությունն ու դիմակայունությունը: Հանդիպումների ընթացքում քննարկվել են Տավուշի մարզին պատուհասած և սպառնացող հնարավոր ռիսկերը, դրանք նվազեցնելու ուղիները, ինչպես նաև համայնքային դիմակայունության ապահովմանն ուղղված կարևոր քայլերը: Ով իրազեկված է, նա պաշտպանված է։

Առաջարկում ենք դիտել`

Հունվարի 24-ին՝ ժամը 13:00-ից մինչև 14:00-ն ընկած ժամանակահատվածում, Տավուշի մարզի Բերդ և Նոյեմբերյան  քաղաքներում փորձարկվելու են էլեկտրական շչակներ:
Խնդրում ենք չանհանգստանալ։

Հունվարի 24-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Իջևան համայնքի Ակնաղբյուր բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

«Լիարժեք կյանք» ՀԿ-ի նպատակն է ստեղծել պայմաններ, որոնք կհամապատասխանեն բոլորի կարիքներին և հնարավորություններին՝ ապահովելով իրական հավասարություն և մատչելիություն:

Մանրամասները տեսանյութում։

Հունվարի 22-ին զորակոչիկների հերթական խումբը Իջևանից մեկնեց պարտադիր զինվորական ծառայության․ զորակոչիկները շուտով համալրելու են բանակի շարքերը՝ պատվով ծառայելու, հայրենիքը պաշտպանելու ամուր կամքով ու վճռականությամբ:
Բարի ծառայության, տղե՛րք ջան:

«Երիտասարդական գաղափարներ» երիտասարդական հասարակական կազմակերպությունը հայտարարում է «Երիտասարդական պատվիրակություն» նախագծի մեկնարկի մասին, որի շրջանակում Դիլիջան համայնքի երիտասարդներին տրվում է հնարավորություն՝ անմիջական ազդեցություն ունենալու և մասնակից լինելու իրենց բնակավայրի զարգացմանը՝ դարձնելով համայնքն ավելի երիտասարդակենտրոն։

Նախագծի շրջանակում իրականացվելու են հետևյալ գործողությունները

• Երիտասարդական պատվիրակության ձևավորում:
• «Երիտասարդական պատվիրակության» կարողությունների զարգացում:
• Համայնքի երիտասարդների կարիքների գնահատում:
• Առաջարկությունների ներկայացում համայնքի ավագանուն:
• «Երիտասարդական պատվիրակության» ինստիտուցիոնալացմանն ուղղված աշխատանք և հուշագիր ՏԻՄ-ի հետ:

Դասընթացները կօգնեն զարգացնել առաջնորդության, հաղորդակցության և բանակցելու հմտությունները` կարիքների գնահատման մեթոդների, քաղաքացիական մասնակցության մեխանիզմներ, ՏԻՄ օրենսդրության շրջանակում։

Կարող եք դիմել, եթե`

• 16-30 տարեկան եք,
• բնակվում եք Դիլիջան համայնքում,
• հետաքրքրված եք համայնքի զարգացմամբ,
• պատասխանատու եք, նախաձեռնող և թիմային աշխատանքի ունակ:

Դիմելու վերջնաժամկետ՝ հունվարի 27, ժամը՝ 18։00-ն։

Հարցերի դեպքում կապ հաստատել youthideas2016@gmail.com էլ. փոստով կամ զանգահարել 055019190:

Դիմելու համար անհրաժեշտ է լրացնել այս հայտարարությանը կից հայտը https://docs.google.com/forms/d/e/1FAIpQLSe5rSDSr5Ts-GBN8zpzQs25XD5ah5l00RS_70vA3xkbQHy9nQ/viewform

«Երիտասարդական գաղափարներ» Երիտասարդական ՀԿ-ի «Երիտասարդական պատվիրակություն» նախաձեռնությունը հանդիսանում է «Քաղաքացիական կրթություն և մասնակցություն» ծրագրի բաղկացուցիչ մասը: Ծրագիրն իրականացվում է «ՓԻ-ԷՅՉ Ինթերնեշնլ» կազմակերպության և նրա ենթադրամաշնորհառուների կողմից՝ ԱՄՆ Միջազգային զարգացման գործակալության (ԱՄՆ ՄԶԳ) ֆինանսական աջակցությամբ: Այն հնարավոր է դարձել Ամերիկայի ժողովրդի առատաձեռն աջակցության շնորհիվ՝ ԱՄՆ ՄԶԳ-ի միջոցով:

Տավուշի մարզում բնակվող սիրելի՛ արցախցիներ,

ՀՀ քննչական կոմիտեի Տավուշի մարզային քննչական վարչությունում քննվող քրեական վարույթով առերևույթ փաստական տվյալներ են ձեռք բերվել, որ «Հայանտառ» ՊՈԱԿ-ի մասնաճյուղի տնօրենի և պաշտոնատար այլ անձանց կողմից իրենց ծառայողական պարտականությունները ոչ պատշաճ կատարելու արդյունքում պետությանը պատճառվել է առանձնապես խոշոր չափերի՝ 17 մլն 299 հզր 250 ՀՀ դրամի գույքային վնաս:

Մասնավորապես՝ Գ.Խ.-ն պարտավոր լինելով ապահովել ՊՈԱԿ-ի մասնաճյուղի բնականոն գործունեությունը, մինչև 2021 թվականի սեպտեմբերի 15-ն ընկած ժամանակահատվածում անտառօգտագործման նկատմամբ պատշաճ վերահսկողություն չի իրականացրել, որի հետևանքով անտառատնտեսության տարածքում ապօրինի հատվել է 500 ծառ՝ պետությանը պատճառելով առանձնապես խոշոր չափերի գույքային վնաս:

2025 թվականի հունվարի 15-ին «Հայանտառ» ՊՈԱԿ-ի մասնաճյուղի տնօրենի, երկու անտառապետի և վեց անտառապահի նկատմամբ հանրային քրեական հետապնդում հարուցելու մասին միջնորդություններ են ներկայացվել հսկող դատախազին, որոնք բավարարվել են:

2025 թվականի հունվարի 16-ին երկու անձի նկատմամբ հարուցվել է հանրային քրեական հետապնդում՝ Քրեական օրենսգրքի 446-րդ հոդվածի 2-րդ մասով (պաշտոնեական անփութությունը, որն անզգուշությամբ առաջացրել է առանձնապես խոշոր չափերի գույքային վնաս կամ այլ ծանր հետևանք), յոթ անձի նկատմամբ՝ Քրեական օրենսգրքի 446-րդ հոդվածի 1-ին մասով (պաշտոնեական անփութությունը):

Մեկ անձի նկատմամբ որպես խափանման միջոց կիրառվել է կալանքը, մեկ անձի նկատմամբ կիրառվել են այլընտրանքային խափանման միջոցներ՝ տնային կալանք, բացակայելու արգելք և գրավ, երկու անձի նկատմամբ՝ պաշտոնավարման կասեցում և բացակայելու արգելք, երկու անձի նկատմամբ՝ բացակայելու արգելք և գրավ, երեք անձի նկատմամբ՝ բացակայելու արգելք:

Նախաքննությունը շարունակվում է:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տավուշ Մեդիան փնտրում է Սոցիալական մեդիայի մասնագետի (SMM մասնագետ), ով կօգնի մեզ հաղորդակցվելու մեր լսարանի հետ, բարձրացնելու մեր բովանդակության տեսանելիությունը և նպաստելու մեր նախագծերի զարգացմանը: Մենք փնտրում ենք ստեղծագործ, նորարար և Տավուշի մարզի զարգացման համար հոգատար մասնագետի:

Պաշտոնի հիմնական պարտականությունները

• Տավուշ Մեդիայի սոցիալական մեդիայի էջերի կառավարում (Facebook, Instagram, YouTube և այլ հարթակներ):
• Սոցիալական մեդիայի համար բովանդակության պլանավորում, ստեղծում և հրապարակում:
• Նորարարական SMM ռազմավարությունների մշակում և իրականացում:
• Գովազդային արշավների պլանավորում և իրականացում։
• Լսարանի հետ ակտիվ հաղորդակցություն՝ մեկնաբանությունների և հաղորդագրությունների միջոցով, լրագրողական հմտություններ:
• Տեսողական բովանդակության ստեղծման համար դիզայներների և վիդեոարտադրողների հետ համագործակցություն:
• Անհրաժեշտության դեպքում՝ մասնակցություն նկարահանումներին՝ տեղում հրապարակումներ պատրաստելու, բեքսթեյջեր նկարահանելու և հրապարակելու համար։
• Վերլուծությունների իրականացում՝ ներգրավվածության և հասանելիության ցուցանիշների հիման վրա:
• Մարքեթինգային արշավների կազմակերպում և իրականացում:
• Աջակցություն նվիրատվությունների ծրագրերին։

Անհրաժեշտ հմտություններ

• Սոցիալական մեդիայի կառավարման կամ հարակից ոլորտներում առնվազն 2 տարվա փորձ:
• Հայերենի գերազանց իմացություն, ինչպես նաև անգլերենի և ռուսերենի բավարար մակարդակ:
• Սոցիալական մեդիայի հարթակների (Facebook, Instagram, YouTube, TikTok) գործիքների խոր իմացություն:
• Նորարար և ստեղծագործ մոտեցում՝ բովանդակության մշակման գործում:
• Բաց և ընկերասեր անհատականություն՝ լսարանի հետ հեշտությամբ հաղորդակցվելու համար:
• Լավ կազմակերպչական հմտություններ և ժամանակի արդյունավետ կառավարում:

Ի՞նչ ենք առաջարկում

• Հետաքրքիր և սոցիալապես կարևոր աշխատանք Տավուշի մարզի զարգացման հարթակում:
• Մրցակցային վարձատրություն:
• Ստեղծագործ միջավայր, որտեղ կկարողանաք կիրառել ձեր հմտությունները և զարգանալ որպես մասնագետ:
• Պարբերական վերապատրաստման ծրագրեր։
• Ճկուն աշխատանքային գրաֆիկ:

Տավուշ Մեդիայի մասին

Տավուշ Մեդիան մարզային արագ զարգացող տեղեկատվական հարթակ է որն այս տարի կդառնա հինգ տարեկան: Տավուշ հեռուստաընկերությունը լիցենզավորված է, հեռարձակվում է մուլտիպլեքսով և թվային ցանցի բոլոր ալիքներով: Մենք տարածում ենք վստահելի, արժանահավատ տեղեկություններ, անդրադառնում համայնքային խնդիրներին և օգնում ձևավորելու ավելի իրազեկ և պատասխանատու հասարակություն։

2025թ. ից սկսել ենք դրամահավաք՝ ԴԻՄԱԿԱՅՈՒՆ ՏԱՎՈՒՇ ծրագիրն իրականացնելու համար, և մեր նոր գործընկերն իր փորձն ու կարողությունները դրսևորելու իրական հնարավորություն կունենա:

Ուր և ինչպես դիմել

Եթե կարծում եք, որ դուք այն SMM մասնագետն եք, որը կարող է նպաստել մեր լսարանի ներգրավմանը և Տավուշի համայնքների ձայնը լսելի դարձնել, ուղարկեք Ձեր ինքնակենսագրականը (CV) և մոտիվացիոն նամակը head@tavushmedia.am հասցեով, որից հետո կարող եք զանգահարել 055 010401 հեռախոսահամարով: Սպասում ենք Ձեր նամակներին մինչև հունվարի 31-ը: Վերջնափուլ անցածները կհրավիրվեն հարցազրույցի:

Տավուշ Մեդիան փնտրում է Մարքեթինգի/Վաճառքի մասնագետի, որը կնպաստի մեր գործընկերային ցանցի ընդլայմանն ու ամրապնդմանը: Մենք փնտրում ենք այն մարդուն, որը կկիսի մեր արժեքները և  սատար կլինի Տավուշի մարզի ու նրա տեղեկատվական կարողությունների զարգացմանը: Եթե փորձ ու ոգևորություն ունեք, ամենակարևորը՝ գործընկերներ ներգրավելու և հարաբերություններ պահպանելու հմտություններ, ապա սա Ձեր հնարավորությունն է:

Պաշտոնի հիմնական պարտականությունները

• Շուկայի ուսումնասիրություն և բիզնես գաղափարի մշակում։
• Համայնքների հետ կապի հաստատում:
• Քրաուդֆանդինգային նախագծերի պլանավորում և իրականացում:
• Գործընկերային նախագծերի մշակման և առաջարկների պատրաստման աջակցություն:
• Գովազդային և վիդեո արտադրական ծառայությունների փաթեթների մշակում և ներկայացում:
• Գործուղումների կազմակերպում և հանդիպումների անցկացում:
• Նոր գործընկերների՝ նվիրատուների, գովազդատուների և այլն, ներգրավում և երկարաժամկետ հարաբերությունների պահպանում:

Անհրաժեշտ հմտություններ և փորձ

• Կրթություն՝ մարքեթինգի, մեդիայի, հաղորդակցության կամ հարակից ոլորտներում:
• Գործընկերների ներգրավման կամ վաճառքի ոլորտում առնվազն 2 տարվա փորձ:
• Արդյունավետ իրականացված նախագծի օրինակ/ներ/:
• Հայերենի գերազանց, անգլերենի և ռուսերենի լավ իմացություն:
• Բանակցային հմտություններ և պրեզենտացիաներ ներկայացնելու կարողություն:

Ի՞նչ ենք առաջարկում

• Ճկուն աշխատանքային գրաֆիկ, այդ թվում՝ հեռավար:
• Մրցակցային վարձատրություն:
• Հնարավորություն՝ ակտիվորեն մասնակցելու Տավուշի համայնքների զարգացմանը:
• Ոգեշնչող գործընկերային միջավայր:

Տավուշ Մեդիայի մասին

Տավուշ Մեդիան մարզային արագ զարգացող տեղեկատվական հարթակ է որն այս տարի կդառնա հինգ տարեկան: Տավուշ հեռուստաընկերությունը լիցենզավորված է, հեռարձակվում է մուլտիպլեքսով և թվային ցանցի բոլոր ալիքներով: Մենք տարածում ենք վստահելի, արժանահավատ տեղեկություններ, անդրադառնում համայնքային խնդիրներին և օգնում ձևավորելու ավելի իրազեկ և պատասխանատու հասարակություն։

2025թ. ից սկսել ենք դրամահավաք՝ ԴԻՄԱԿԱՅՈՒՆ ՏԱՎՈՒՇ ծրագիրն իրականացնելու համար, և մեր նոր գործընկերն իր փորձն ու կարողությունները դրսևորելու իրական հնարավորություն կունենա:

Ուր և ինչպես դիմել

Եթե ցանկանում եք Տավուշ Մեդիայի թիմի անդամ դառնալ, ուղարկեք Ձեր ինքնակենսագրականը (CV) և մոտիվացիոն նամակը head@tavushmedia.am հասցեով, որից հետո կարող եք զանգահարել նաև 055010401 հեռախոսահամարով: Ձեր նամակներին կսպասենք մինչև հունվարի 31-ը, որից հետո կհարցազրուցենք վերջնափուլ անցածների հետ: