Իջևանի համայնքապետարանն ամփոփել է 2023 թվականի ընթացքում կատարած աշխատանքները․ փետրվարի 29-ին տեղի ունեցած Իջևան համայնքի ավագանու արտահերթ նիստի ընթացքում ներկայացվել է համայնքի 2023 թվականի բյուջեի կատարման հաշվետվությունը: Ավագանին հաստատել է նաև համայնքի 2024 թվականի տարեկան աշխատանքային պլանը:

2023 թվականին Իջևան խոշորացված համայնքում կատարվել են մեծածավալ աշխատանքներ։ Կառուցվել են նոր ճանապարհներ և պուրակներ,մանկապարտեզներ, ընդլայնվել է լուսավորության ցանցը, կազմակերպվել են մշակութային, երիտասարդական և մարզական միջոցառումներ։ 2023 թվականին համայնքի բյուջեն փաստացի կազմել է 2.807.693.000 դրամ: Տարվա ընթացքում սոցիալական աջակցություն է տրամադրվել 462 բնակչի՝ 9.366.000 դրամի չափով: 183 զինծառայող ստացել 5.490.000 դրամ ֆինանսական աջակցություն: Սպորտի և մշակույթի բնագավառում բարձր արդյունքներ ցուցաբերած մարզիկները,մարզիչները, սաներն ու ուսուցիչները պարգևատրվել են ընդհանուր՝ 3.790.000 դրամի չափով: Ֆինանսական աջակցությունների և դրամական պարգևների ընդհանուր բյուջեն կազմել է 18.646.000 դրամ: Ընդհանուր առմամբ 2023 թվականին համայնքում իրականացվել է 744 միլիոն դրամի սուբվենցիա, որից համայնքի ներդրումը կազմել է 335 միլիոն դրամ: Սրանք կատարված աշխատանքերի մի մասն են կազմում, իսկ ամբողջական հաշվետվությունը ներկայացվեց ավագնու անդամներին: Նիստի ավարտին ավագանու անդամները իրենց առաջարկությունները ներկայացրեցին համայնքի ղեկավարին` օրակարգում ներառված այլ հարցերի վերաբերյալ:

Հանրապետության մարզերում մարտի 6-ի ցերեկը, 8-9-ին, 11-ի ցերեկն առանձին շրջաններում, մարտի 7-ին և 10-ին, 11-ի գիշերը շրջանների զգալի մասում սպասվում են տեղումներ, գիշերային ժամերին լեռնային շրջաններում՝ ձյան տեսքով։ Մարտի 7-ին առանձին վայրերում հնարավոր է նաև ամպրոպ։
Քամին՝ հարավարևմտյան 2-4մ/վ, մարտի 6-ի ցերեկն առանձին շրջաններում սպասվում է քամու ուժգնացում 18-23մ/վ, մարտի 7-9-ին՝ 15-20մ/վ արագությամբ:
Օդի ջերմաստիճանը մարտի 7-ի ցերեկը կնվազի 3-5 աստիճանով, այնուհետև՝ էապես չի փոխվի։

Երևանում մարտի 6-ին կեսօրից հետո, 7-ին, 8-ի, 9-ի և 11-ի գիշերը, 10-ին ժամանակ առ ժամանակ սպասվում է անձրև, մարտի 7-ին հնարավոր է նաև ամպրոպ։ Մարտի 8-ի և 9-ի ցերեկը մայրաքաղաքի առանձին հատվածներում հնարավոր է կարճատև անձրև։

Մարտի 7-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Դիլիջան քաղաքում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12։00-ին, գործարկվելու է էլեկտրական շչակ:

Խնդրում ենք չանհանգստանալ։

Յուրաքանչյուր տարի փետրվարի 17-ին աշխարհում նշում են Բարության ինքնաբուխ դրսևորման օրը։ Օրվա շրջանակում «Հույսի կամուրջ» հասարակական կազմակերպության Իջևանի մասնաճյուղը Իջևան համայնքի դպրոցականների շրջանում հայտարարել էր «Բարությունն ափիս մեջ» համադպրոցական նկարչական մրցույթը։ «Բարությունն ափիս մեջ» համադպրոցական նկարչական մրցույթից բացի «Հույսի կամուրջը» նախաձեռնել էր նաև զրույց-քննարկումներ Իջևանի դպրոցներում։

Համադպրոցական մրցույթին մասնակցել են Իջևան համայնքի 17 հանրակրթական դպրոցները․ լավագույն ինքնուրույն աշխատանքներ ներկայացրած աշակերտները «Հույսի կամուրջի» կողմից ստացան խրախուսական նվերներ։

Մարտի 4-ին՝ ժամը 10:00-ից մինչև 13:00-ն ընկած ժամանակահատվածում, Տավուշի մարզի Իջևան համայնքի Ազատամուտ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում՝ ժամը 12։00-ին, գործարկվելու է էլեկտրական շչակ:

Խնդրում ենք չանհանգստանալ։

Հացը ոչ նյութական մշակութային ժառանգության կարևոր բաղկացուցիչներից է, հայ ժողովուրդն ունի հացի բազմաթիվ տեսակներ՝ ցորենհաց, գարեհաց, մատնաքաշ, պան, նկանակ, լավաշ, լոշ, անեկ, բաղարջ, խուկլի, կողի, կսկուծ, պասպաճիկ, սոմին, բոքոն, ձողիհաց, ճաթ, կիլիկհաց, տաշտիքեր, պահուց քալիճա, տաք հացի քուլիճա, դոմպիկ, թերուն, փռան ու թոնրի բաղարջ և այլ տեսակներ։ Պատմական Հայաստանի բնակավայրերը, որոնք աչքի են ընկել բերքի ու հացի առատությամբ, ունեն այսպիսի անվանումներ՝ Հացաշեն, Հացառատ, Հացավան, Հացի, Հացիկ, Հացեկաց։

«Սասնա ծռեր» էպոսում կա «Հացն ու գինին, Տեր կենդանին» աղոթք-բանաձևը, որում Հացն ու Գինին քրիստոնեկան պատարագի Հաղորդությունն է, իսկ Տեր կենդանին՝ Աստված։ Հացն իր զորությամբ դարեր շարունակ եղել է հայերի հավատարիմ ուղեկիցը: Գանձաքարի բնակիչ Աննայի մանկության հուշերում լավ է տպավորվել տատիկի հացի թխման աշխատանքը՝ ավանդական թոնրում։ Հացը որպես ոչ նյութական մշակութային արժեք ներկայացնելու և հացի թխման արարողությունը՝ իր բոլոր «օրենքներով» փոխանցելու նպատակով, Աննա Մելիքսեթյանը «Հացին երգը» նախագիծն էր ներկայացրել «Մենք ենք, մեր սարերը» ծրագրին։ Թոնրատունը առաջին հերթին դպրոցականների համար է ծառայելու՝ նրանց հմտացնելով ավանդական հացի պատրաստման աշխատանքում։

Դեռ հնուց թոնրատունը կառուցվել է տան ամենակարևոր, առանցքային մասում ու հայերի կյանքում և կենցաղում կարևորագույն նշանակություն է ունեցել, քանի որ այնտեղ էր թխվում ընտանիքի գոյատևման հիմնական երաշխիքը՝ հացը:

Թոնրատան բացման արարողության ընթացքում հյուրերի համար թխվեց Տավուշի խորհանոցին յուրահատուկ քաղցրավենիքն ու բաժանվեց բոլորին՝ ինչպես հին ու բարի օրերում։

Մարտի 1-ը միջազգային հանրությունը նշում է Քաղաքացիական պաշտպանության համաշխարհային օրը: Ինչպես ամեն տարի՝ այս տարի ևս օրվան նվիրված միջոցառումներ են անցկացվել հանրապետության ուսումնական հասատատություններում։ Փրկարար ծառայության Տավուշի մարզային փրկարարական վարչության ծառայողները Տավուշի մարզի համայնքներում իրականացրել են հատուկ տակտիկական ուսումնավարժություններ, անցկացրել դասախոսություններ։

Տավուշի մարզի 48 հանրակրթական դպրոցներում և 36 նախադպրոցական ուսումնական հաստատություններում ավելի քան 250 ուղեցույցների միջոցով իրականացվել են արտակարգ իրավիճակներում վարվելակերպի կանոնների պահպանման իրազեկման աշխատանքներ: «Ես պատրաստ եմ» խորագրով ուղեցույցը, որը ստեղծվել է նոյեմբերյանցի Կարինե Ալեքսանյանի ու իր թիմակիցների ջանքերով՝ նպատակ ունի բարձրացնել բնակչության անվտանգության և պաշտպանվածության մակարդակը։ Քաղպաշտպանության օրվա միջոցառումների շարքում հանրակրթական դպրոցներում իրականացվել է նաև ուսումնավարժություններ՝ պատսպարման կազմակերպումը «Օդային տագնապ» ազդանշանի դեպքում թեմայով:

Քաղաքացիական պաշտպանության համաշխարհային օրվա առիթով կազմակերպված միջոցառումների առանցքում բնակչության իրազեկման մակարդակի բարձրացումն ու պատրաստվածության ամրապնդումն էր՝ կրկին հիշեցնելով՝ ով իրազեկված է, նա պաշտպանված է։ Օրվա առիթով Տավուշ հեռուստաընկերությունը ցուցադրեց մի շարք հեռուստահաղորդումներ ու տեսահոլովակներ, իսկ www.tavushmedia.am կայքի գլխավոր էջը ամբողջությամբ հագեցած էր քաղպաշտպանության վերաբերյալ նյութերով։ Այցելեք ու դիտեք, լսեք, կարդացեք և եղեք իրազեկ։

Քաղաքացիական պաշտպանության միջազգային օրվան նվիրված, մարտի 1-ին
Հայաստանի մարզերում և Երևանում անց են կացվել դասախոսություններ և ուսումնավարժություններ:

Տավուշի մարզում իրականացվել են օրվան նվիրված հետևյալ միջոցառումները․
Իջևան համայնքի Դիտավան բնակավայրի դպրոցում, Իջևան քաղաքի թիվ 1, Դիլիջան քաղաքի թիվ 1, Բերդ քաղաքի թիվ 3 հիմնական և Նոյեմբերյան համայնքի Բարեկամավան բնակավայրի միջնակարգ դպրոցներում անց են կացվել հատուկ տակտիկական ուսումնավարժություններ՝ Պատսպարման կազմակերպումը «Օդային տագնապ» ազդանշանի դեպքում թեմայով:

Իջևան և Դիլիջան քաղաքների ավագ, Բերդ քաղաքի թիվ 1, Իջևան քաղաքի թիվ 1 , Նոյեմբերյան համայնքի Կողբ բնակավայրի թիվ 1 հիմնական և Հաղթանակ բնակավայրի միջնակարգ դպրոցներում անց են կացվել դասախոսություններ՝ Մարտի 1-ը քաղպաշտպանության համաշխարհային օր, քաղպաշտպանական ազդանշանները, ՔՊ պաշտպանական կառույցները, «Առաջին օգնությունը բեկորային վնասվածքի դեպքում», «Տարհանման կազմակերպումը օդային տագնապի դեպքում» թեմաներով:

Տավուշի մարզի 48 հանրակրթական դպրոցներում և 36 նախադպրոցական ուսումնական հաստատություններում 252 ուղեցույցների միջոցով իրականացվել են արտակարգ իրավիճակներում վարվելակերպի կանոնների պահպանման իրազեկման աշխատանքներ:

Օրվա առթիվ իրականացված միջոցառումների մասին կպատմենք Տավուշյան ռեպորտաժի տեսքով։

Սահմանին ապրող երիտասարդի կյանքի պատմությունը՝ պայքարի, հաջողության հասնելու և արժանապատիվ ապրելու մասին։

Մասնագիտությամբ վեբ ծրագրավորող Աշոտը ապրում է Ոսկեվանում․ ուսումն ավարտելուց հետո վերադարձել է հայրենի գյուղ՝ գիտելիքները ծառայցնելու և իր ներուժով գյուղի զարգացմանը նպաստելու համար։ Կանգ չառնել որևէ դժվարության դիմաց, երբեք չհանձնվել ու չհրաժարվել սեփական նպատակներից․ Աշոտը լավ գիտի՝ արդյունքի ու հաջողության հասնելու ճանապարհը հեշտ չի տրվում։
—
Տեսանյութը պատրաստվել է «Քաղաքացիական կրթություն և մասնակցություն» ծրագրի շրջանակում՝ Ամերիկայի ժողովրդի աջակցությամբ` ԱՄՆ Միջազգային զարգացման գործակալության (ԱՄՆ ՄԶԳ) միջոցով: Այստեղ ներկայացված բովանդակության պատասխանատուն ՓԻ-ԷՅՉ Ինթերնեշնլի ենթադրամաշնորհառու «Արտակարգ Ալիք» տեղեկատվական ՀԿ-ն է, և պարտադիր չէ, որ այն արտահայտի ԱՄՆ ՄԶԳ կամ ԱՄՆ կառավարության տեսակետները: «Քաղաքացիական կրթություն և մասնակցություն» ծրագիրը իրականացվում է «ՓԻ-ԷՅՉ Ինթերնեշնլ» կազմակերպության և իր ենթադրամաշնորհառուների կողմից։

Մարտի 1-ին՝ ժամը 11:00-ից մինչև 12:00-ն ընկած ժամանակահատվածում, Տավուշի մարզի Իջևան համայնքի Դիտավան բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում` ժամը 11:00-ին, գործարկվելու է էլեկտրական շչակ:

Խնդրում ենք չանհանգստանալ։