Օգոստոսի 5-ին, ժամը 15:14-ին Ճգնաժամային կառավարման ազգային կենտրոն տեղեկություն է ստացվել, որ Տավուշի մարզի Ազատամուտ գյուղում երկու քաղաքացի մտել են Աղստև գետը լողալու և կորել տեսադաշտից։

Դեպքի վայր են մեկնել ՆԳՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության Ազատամուտի հրշեջ-փրկարարական խումբը և մարզային փրկարարական վարչության օպերատիվ խումբը, հրշեջ-փրկարարական ջոկատից երկու, հատուկ ջրափրկարարկան ջոկատից մեկ մարտական հաշվարկ։

Փրկարարները և ջրափրկարարները Աղստև գետից հայտնաբերել և ափ են դուրս բերել Հ․ Է․-ի (ծնված 1990 թ․) ջրահեղձված դին։

Որոնողափրկարարական աշխատանքներին ներգրավվել են 44 փրկարարական ծառայող (որից 5-ը ջրափրկարար)։

Մթության պատճառով որոնողափրկարարական աշխատանքները ժամանակավորապես դադարեցվել են։

Փրկարարների կողմից երկու տեղամասում սահմանվել է հերթապահություն։

Օգոստոսի 5-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Նոյեմբերյան համայնքի Այրում բնակավայրում անց է կացվելու ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

Խնդրում ենք չանհանգստանալ։

Ավանդույթի ուժով յուրաքանչյուր տարի օգոստոսի 1-ին նշվում է Կիրանց գյուղի օրը։ Մենք մասնակից ենք եղել Կիրանցում գյուղին նվիրված միջոցառումներին ու այս տարի ևս օգոստոսի 1-ին Կիրանցում ենք․ այստեղ նախորդ տարիների պես ազգային երգի փոխարեն շինարարական աղմուկն է․ նոր կամուրջն է կառուցվում, որը պիտի ծառայի տարածաշրջանի բնակչությանը։

Աճարկուտում դարձյալ շինարարություն է: Երկար դադարից հետո գյուղում ասֆալտապատվում են ճանապարհներ: Հայաստանի այս անկյունում մարդիկ մի ցանկություն ունեն՝ մարդաշատ տեսնել իրենց գյուղն ու ապրել արժանապատիվ խաղաղությամբ:

«ՄեդիաԴիտակ» մեդիագրագիտության փառատոնը հուլիսի 29-ին և  30-ին Նոյեմբերյան քաղաքում էր: Փառատոնը՝  հետաքրքիր և ուսանելի միջոցառումների անցկացմամբ մեկնարկել էր Գեղարքունիքի մարզի Մարտունի քաղաքում: Փառատոնն անցկացվում է «Մեդիագրագետ և պաշտպանված համայնքներ» ծրագրի շրջանակում, որի արդյունքում Տավուշի մարզի Ներքին Կարմիրաղբյուրի միջնակարգ ու Նոյեմբերյանի ավագ դպրոցներում բացվել են մեդիագրագիտության և քաղաքացիական կրթության դասարան-ակումբներ, որտեղ ուսուցիչներն ու աշակերտները իրականացնում են մեդիագրագիտության զարգացմանն ուղղված տասնյակ միջոցառումներ, հանդիպում-քննարկումներ, մրցույթներ ու բանավեճեր:

«ՄեդիաԴիտակ» փառատոնին նախորդել է կարողությունների զարգացման դասընթացը, որի ընթացքում դպրոցականները զինվել են կեղծ լուրերի դեմ պայքարի գործնական հմտություններով ու գիտելիքներով:

Կարողությունների զարգացման դասընթացների ավարտին իրենց ստացած գիտելիքներն ու գաղափարները դարձրել են մեդիագրագիտության բարձրացմանն ուղղված նախաձեռնություններ, որոնք իրականացրել են Նոյեմբերյանում:

Մեդիագրագիտության փառատոնն ավարտվեց ծրագրի մասնակիցներին խրախուսական նվերներ ու վկայականներ հանձնելով: Իսկ վերջում ինտերակտիվ բեմադրությունն էր՝ «Կեղծ լուրերի մամլո ակումբ» խորագրով, որը հումորային մոտեցումներով հանդիսատեսին սովորեցնում է կեղծ լուրերի դեմ պայքարի մեթոդներն ու դրանք կանխարգելելու տարբերակները։

Ակնաղբյուրի դպրոցականներն այսուհետ դասերը կացկացնեն նորոգված ու լուսավոր դասասենյակներում։ Հայ բարեգործական ընդհանուր միության օգնությամբ՝ ֆրանսահայ կամավորներն ու մի խումբ երիտասարդներ այլ երկրներից, երկար տարիներ չվերանորոգված մասնաշենքի մի քանի դասասենյակներ վերանորոգել են, մասնավորապես կարգի են բերել լաբարատորիաներն ու լսարանները, կահավորել դրանք․ կատարվել են նաև ներքին հարդարման աշխատանքներ։

ՀԲԸՄ կամավորների առաջին այցն է Ակնաղբյուր, մինչ այդ նրանք նմանատիպ աշխատանքներ են կատարել Սարիգյուղում, որից հետո շրջել են համայնքի կրթամշակութային հաստատություններում և հերթական բարեգործական ծրագրի իրականացման համար ընտրել Ակնաղբյուրի դպրոցը:

Ակնաղբյուրի դպրոցի վերանորոգման աշխատանքներում ներգրավվել են նաև տեղի բնակիչները: Սփյուռքահայ կամավորներին տպավորել են Ակնաղբյուրի հիասքանչ բնությունն ու բնակչության հոգատար վերաբերմունքը:

Միջոցառմանը ներկա էին Տավուշի մարզպետն ու Իջևանի համայնքապետը: Գնահատելով նրանց աշխատանքները երախտագիտության հետ միասին շնորհակալագրեր և հուշանվերներ հանձնեց ֆրանսիացի կամավորներին:

Հուլիսի 30-ին, ժամը 14:26-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան քաղաքի Մյասնիկյան փողոցում տեղի է ունեցել հողազանգվածի փլվածք. կա տուժած:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ շինարարական աշխատանքների ժամանակ տեղի է ունեցել հողազանգվածի փլվածք (մոտ 5 խմ). քաղաքացին մնացել է հողազանգվածի տակ։

Մինչ փրկարարների կանչի վայր հասնելը՝ Ա. Թ.-ն (ծնված 1991 թ.) տեղի ուժերով դուրս է բերվել հողազանգվածի տակից և տեղափոխվել բժշկական կենտրոն:

Փրկարարները սահմանազատել են տարածքը:

Դիլիջան քաղաքի կենտրոնական փողոցում շինարարարական աշխատանքի ընթացքում փլուզում է տեղի ունեցել. նախնական տվյալներով կա տուժած:
Մանրամասները` հաջորդիվ:

Կողբը Նոյեմբերյանի ամենաակտիվ բնակավայրերից է, հատկապես մշակութային առումով, եւ դա պատահական չէ: Այսօր Կողբը մշակութային ժառանգության եւ նորարարության խաչմերուկ է դարձել երիտասարդների համար, որտեղ անցյալը մերձենում է ներկայի հետ: Մշակութային միջոցառումները, ավանդական տոնակատարությունները եւ տեղական արվեստագետների աշխատանքները դարձնում են Կողբը մի վայր, որտեղ ոչ միայն պահպանվում են պատմական արժեքները, այլև զարգանում են նոր ստեղծագործական նախագծեր: Սա մի նոր միջավայր է, որտեղ խնամքով պահպանվում են նախնիների մշակութային ավանդույթները, իսկ նոր սերունդներն իրագործում են իրենց ստեղծագործական երազանքները:

Երիտասարդները՝ որպես համայնքի հենասյուներ. Սյուզաննա և Ռուզաննա Աղաբաբյան քույրերը