Ժամը 20։00-ի դրությամբ ընտրական իրավունք 2 միլիոն 505 հազար 102 քաղաքացիներից քվեարկությանը մասնակցել է 1 մլն 476 հազար 597-ը կամ ընտրական իրավունք ունեցող քաղաքացիների 58,97%-ը, որոնցից 65 հազար 597-ը (63,4%)`Տավուշի մարզում: Այս մասին տեղեկացնում են ԿԸՀ-ից:
Այսօր՝ հունիսի 4-ին, Նոյեմբերյանի քաղաքային այգում կայացավ «Տավուշն է խոսում – ժողովրդական խոսափող» նախաձեռնության հերթական հանդիպումը՝ բնակիչներին հնարավորություն տալով բաց և ազատ միջավայրում բարձրաձայնել իրենց հուզող հարցերն ու առաջարկությունները։
Հանրային բաց հարթակում իրենց տեսակետներն արտահայտեցին համայնքի տարբեր բնակավայրերից ժամանած քաղաքացիներ։ Քննարկումների ընթացքում անդրադարձ կատարվեց համայնքային ենթակառուցվածքների բարելավմանը, ճանապարհների և մշակութային ժառանգության պահպանման խնդիրներին, գյուղատնտեսության զարգացմանը, երիտասարդների զբաղվածությանը, կրթական և մշակութային կյանքի ակտիվացմանը, ինչպես նաև սոցիալական ու տնտեսական բնույթի մի շարք հարցերի։
Բնակիչները ներկայացրին նաև համայնքի զարգացման վերաբերյալ իրենց պատկերացումները, առաջարկություններն ու ակնկալիքները՝ ընդգծելով բնակիչների ակտիվ մասնակցության կարևորությունը համայնքային որոշումների կայացման գործընթացում։
Նախաձեռնության նպատակն է ձևավորել բաց երկխոսության հարթակ, որտեղ յուրաքանչյուր քաղաքացի հնարավորություն ունի ազատորեն արտահայտելու իր կարծիքը, բարձրաձայնելու համայնքային խնդիրները և ներկայացնելու դրանց լուծմանն ուղղված առաջարկներ՝ նպաստելով հանրային մասնակցության և համայնքների համաչափ զարգացմանը։
Այսօր՝ հունիսի 3-ին, Բերդ քաղաքի «Սորաններ» դենդրոպարկում կայացավ «Տավուշն է խոսում – ժողովրդական խոսափող» նախաձեռնության հերթական հանդիպումը՝ բնակիչներին հնարավորություն տալով ուղիղ եթերում բարձրաձայնել իրենց հուզող հարցերն ու մտահոգությունները։
Բաց հանրային հարթակում իրենց տեսակետներն ու առաջարկներն արտահայտեցին տարբեր տարիքի քաղաքացիներ։ Քաղաքացիների խոսքում հնչեցին համայնքային կյանքի, ճանապարհային ենթակառուցվածքների, զբաղվածության, կրթության, երիտասարդների ներգրավվածության, սոցիալական խնդիրների և մարզի զարգացմանն առնչվող այլ հարցեր։
Նախաձեռնության նպատակն է ստեղծել բաց երկխոսության միջավայր, որտեղ յուրաքանչյուր քաղաքացի կարող է ազատորեն ներկայացնել իր կարծիքը, առաջարկներն ու ակնկալիքները՝ նպաստելով հանրային մասնակցության և համայնքային խնդիրների բարձրաձայնմանը։
