«Մեղեդի վոկալ» ժողգործիքային համույթի ամփոփիչ համերգը Բերդում

Օրերս Բերդի համայնքային մշակույթի տանը կայացավ «Մեղեդի վոկալ» ժողգործիքային համույթի ամփոփիչ, հաշվետու համերգը: Համերգների շարքի մեկնարկը տրվել էր Բերդ համայնքի Արծվաբերդ, Վերին Կարմիրաղբյուր և Տավուշ գյուղերից:

Հանդիսատեսը համույթի ելույթի ընթացքում ունկընդրեց և վայելեց հայկական, ազգային, Ժողովրդական և աշուղական երաժշտություններ ու երգեր:

«Ժողովրդական երգարվեստը և պարարվեստը տավուշյան արմատներում սերմանված են, և այն սերնդեսերունդ կրում ենք և պարտավոր ենք կրել»,- իր ելույթում նշում է «Մեղեդի վոկալ» ժողգործիքային համույթի համահիմնադիր Արմեն Մելիքյանը:

«Մեղեդի վոկալ» ժողգործիքային համույթը ստեղծվել է «Բերդ մշակույթի կենտրոն» մշակութային ՀԿ-ի կողմից՝ Բերդի համայնքային մշակույթի տան և ԿԳՄՍ նախարարության աջակցությամբ և Տավուշ ՀԸ-ի գործընկերությամբ: Համույթի նպատակն է տարածել և հանրահռչակել հայկական, ազգային, ժողովրդական երգարվեստը: Այն նպատակ ունի նաև ժողովրդական երգի միջոցով նպաստելու սերդունդների միջև համերաշխության մթնոլորտի ձևավորմանը․ հենց այդ նպատակով է, որ համույթի կազմում ներգրավված են Բերդ համայնքի և տարածաշրջանի բնակավայրերի տարբեր սերունդների ներկայացուցիչներ:






«Կենաց կավ»-ից մինչև համայնքային պարի համույթ․ սահմանապահ Բերդավանն ապրում է արվեստով ու մշակույթով

Գործող խմբակների, դրանց պատմության և մշակութային առօրյա եռուզեռի մասին պատմում է Բերդավանից մեր թղթակից Վիկտորիա Թորոսյանը։






Դիլիջանի Հովհաննես Շարամբեյանի անվան մանկական գեղարվեստի դպրոցն ամփոփեց անցնող ուսումնական տարին

Դիլիջանի մանկական գեղարվեստի դպրոցն ամփոփեց անցնող ուսումնական տարին. հուլիսի 4-ին Դիլիջանի մշակույթի պալատում կայացավ 2021-2022 ուսումնական տարվա դպրոցի հաշվետու համերգը:

Դիլիջանի Հովհաննես Շարամբեյանի անվան մանկական գեղարվեստի դպրոցը վերջին տարիներին ընդլայնել է իր գործունեությունը, լայնորեն ընդգրկելով Դիլիջան խոշորացված համայնքի գյուղական բնակավայրերը: Գյուղական բնակավայրերում ստեղծված խմբակներում ընդգրկված են շուրջ 120 դպրոցականներ:






Տավուշում ամփոփվել են հանրակրթության նոր չափորոշչի առաջին փուլի փորձարկման արդյունքները

ՀՀ կրթության, գիտության, սպորտի և մշակույթի նախարարությունը, Եվրոպական միության (ԵՄ) և Համաշխարհային բանկի (ՀԲ) ֆինանսավորմամբ, Տավուշի մարզում կազմակերպեց հանրակրթության նոր չափորոշչի առաջին փուլի փորձարկման արդյունքների ամփոփումը:

Միջոցառմանը մասնակցեցին Տավուշի մարզի 82 հանրակրթական ուսումնական հաստատությունների տնօրեններն ու փոխտնօրենները, ԲՏՃՄ և հումանիտար առարկաներ դասավանդող ուսուցիչները։






Հաշմանդամություն և մեդիա․ հանդիպում-դասընթաց Իջևանում

Հունիսի 20-ին Իջեւանում «Ես կարող եմ կոտրել կարծրատիպեր իմ համայնքում» ծրագրի շրջանակներում «Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը կազմակերպեց «Հաշմանդամություն և մեդիա» հանդիպում-դասընթացը։

Դասընթացի ընթացքում լրատվամիջոցների ներկայացուցիչները՝ լրագրողներ, օպերատորներ, թղթակիցներ և ԵՊՀ ԻՄ բանասիրության բաժնի ուսանողները բարելավեցին իրենց գիտելիքները գենդերային և հաշմանդամության նկատմամբ զգայուն լուսաբանման վերաբերյալ:






«Ի՞նչ, որտե՞ղ, ե՞րբ»․ ինտելեկտուալ շարժումը Նոյեմբերյանում

Հունիսի 11-ին Արմենիա TV-ի եթերում Նոյեմբերյանի ՆԻԿԱ ակումբի՝ Արմեն Ամիրաղյանի ղեկավարած գիտակների թիմը փայլուն հաղթանակ տարավ «Ի՞նչ, որտե՞ղ, ե՞րբ»-ի խաղում։

Արդեն 23 տարի է, ինչ մի քանի նոյեմբերյանցիների ջանքերով գործում է Նոյեմբերյանի Ինտելեկտուալ Կրթության Ակումբը՝ ՆԻԿԱ-ն, որտեղ ամեն ուրբաթ նոյեմբերյանցի գիտակները հավաքվում են «Ի՞նչ, որտե՞ղ, ե՞րբ» խաղալու։

Տավուշյան rեպորտաժ-ում պատմում է Նոյեմբերյանից մեր երիտասարդ թղթակից Արաքսյա Ամիրաղյանը։






ՀՀ-ում ԱՄԷ դեսպանությունը պարենային օգնություն է տրամադրել Տավուշի մարզի ընտանիքներին

Հայաստանում ԱՄԷ դեսպանությունը 2022թ․-ի Ռամադան ամսվա ամենամյա բարեգործական ծրագրի շրջանակում պարենային օգնություն է տրամադրել Տավուշի մարզի սոցիալապես անապահով շուրջ 75 ընտանիքի։

Բարեգործական ծրագրի ընթացքում, որն իրականացվում է ԱՄԷ Կարմիր մահիկ և Զայեդ բին Սուլթան Ալ-Նահյան բարեգործական և մարդասիրական կազմակերպությունների հովանու ներքո, ՀՀ բոլոր մարզերում անապահով ընտանիքներին բաժանվել է ընդհանուր առմամբ 800 պարենային զամբյուղ։




Իջևանում բացվեց «Ընտանիքի անկյուն» ռեսուրսային կենտրոնը

«Մենք հավատում ենք այն առաքելությանը, որ առողջ և երջանիկ երեխան հասարակության կարևորագույն հիմնասյուներից է»։

Ապրիլի 22-ին տեղի ունեցավ Իջևանի «Ընտանիքի անկյուն» ռեսուրսային կենտրոնի պաշտոնական բացման արարողությունը։

Իջևանի «Ընտանիքի անկյուն»-ը նյութատեխնիկապես ապահովված և կահավորված տարածք է, որտեղ անցկացվելու են դասընթացներ, թեմատիկ-հանդիպում-քննարկումներ և միջոցառումներ՝ ուղղված կանանց ու տղամարդկանց դերերի վերաբերյալ կարծրատիպերի փոփոխմանը, երեխայի խնամքի և ծնողավարության մեջ տղամարդկանց ներգրավվածության մեծացմանը։




Իջևանում կայացավ UPSHIFT ծրագրի հերթական՝ դասընթացների փուլը

Գաղափարների մրցույթ ծրագրերի նախագծման դասընթաց BootCamp լավագույն ծրագրերի ֆինանսավորում․ նպատակը՝ ունենալ ակտիվ քաղաքացիներ, ովքեր պատասխանատու են իրենց երկրի ու համայնքի համար։

Իջևանում կայացավ «UPSHIFT» դեռահասաների զարգացման և համայնքային ներգրավվածության խթանման ծրագրի հերթական փուլը։

Ապրիլի 23-ին Իջևանում կայացած «Ծրագրերի նախագծում» թեմայով դասընթացին մասնակցելու համար ներկայացված ծրագրային գաղափարներից ընտրվել էին լավագույն 10-ը, որոնց թիմերի համար էլ այն իրականացվում է։ Նշենք, որ ծրագրային գաղափարները պետք է վերաբերեին համայնքային որևէ խնդրի լուծմանը։

Մայիսին կայանալիք ծրագրերի ընտրության BootCamp-ի ժամանակ գնահատող հանձնաժողովն ընտրելու է լավագույն 5 գաղափարները, որոնց իրականացման համար ծրագրի կողմից կտրամադրվի ֆինանսական աջակցություն, ինչպես նաև կշարունակվի փորձագիտական աջակցությունն ու մենթորությունը։ Ընտրված ծրագրային գաղափարները թիմերն իրականացնելու են Իջևան խոշորացված համայնքում, հունիս-հուլիս ամիսներին։




Բնապահպանական արշավ՝ Տավուշի Գիտելիքի նորարարական հաբի կողմից․ Անտառների և Ջրի միջազգային օրեր

Կարևորելով բնության հետ կապը և մեզ շրջապատող բնական միջավայրի նկատմամբ պատասխանատու վերաբերմունքը․ Տավուշի Գիտելիքի նորարարական հաբը բնապահպանական արշավ է իրականացրել։

«Սա անհրաժեշտ է թե՛ բնությանը, թե՛ մեզ․ յուրաքանչյուրիս ներդրումը մեծ ազդեցություն կարող է ունենալ ողջ աշխարհի վրա»։

Արշավի շրջանակներում «Դիլիջան» ազգային պարկի հետ համագործակցության շրջանակներում կազմակերպվել են մի շարք միջոցառումներ․

  • բնության պահպանությանը նվիրված դասընթացներ,
  • հատուկ պահպանվող տարածքներում շրջայցեր,
  • ծառատունկ ազգային պարկում, որի ընթացքում տնկվել է 50-ից ավելի տնկի


Գիտելիքի նորարարական հաբերը ստեղծվել են Եվրոպական միության կողմից աջակցվող «EU4Youtհ․ Սոցիալական ձեռներեցության էկոհամակարգի զարգացում (SEED) սահմանամերձ շրջաններում կանաչ առաջընթացի համար» նախագծի շրջանակներում՝ Տավուշի, Շիրակի և Լոռու մարզերու, որն իրականացնում են CENN-ը, Green Lane NGO-ն։ Նախագծի նպատակն է նպաստել երիտասարդների ձեռնարկատիրական ներուժի, սոցիալական ձեռներեցության, ինչպես նաև կանաչ նորարարությունների զարգացմանը: