Տավուշցիների ձայնն ուղիղ եթերում | Ժողովրդական խոսափողը Բերդում

2026 թվականի հունիսի 7-ի խորհրդարանական ընտրություններին ընդառաջ Տավուշ Մեդիան նախընտրական, ընտրական և հետընտրական փուլերում իրականացնելու է համալիր գործողություններ՝ քաղաքացիների ձայնը բարձրաձայնելու, համայնքային և հանրային կարևոր խնդիրները վեր հանելու, դրանք Ազգային ժողովում ներկայացված լինելու համար պայքարող քաղաքական ուժերին ու դերակատարներին հասցեագրելու նպատակով:

Այս համատեքստում նախընտրական շրջանում իրականացնում ենք «Տավուշն է խոսում. ժողովրդական խոսափող» նախաձեռնությունը՝ հասկանալու, թե ինչն է այսօր կարևոր համայնքների համար, ինչ հարցեր ու խնդիրներ են հուզում մարդկանց և ինչպես կարելի է խթանել ավելի ակտիվ, իրազեկված ու պատասխանատու քաղաքացիական մասնակցությունը։

Այսօր՝ հունիսի 3-ին, Բերդ քաղաքի «Սորաններ» դենդրոպարկում կայացավ «Տավուշն է խոսում – ժողովրդական խոսափող» նախաձեռնության հերթական հանդիպումը՝ բնակիչներին հնարավորություն տալով ուղիղ եթերում բարձրաձայնել իրենց հուզող հարցերն ու մտահոգությունները։

Բաց հանրային հարթակում իրենց տեսակետներն ու առաջարկներն արտահայտեցին տարբեր տարիքի քաղաքացիներ։ Քաղաքացիների խոսքում հնչեցին համայնքային կյանքի, ճանապարհային ենթակառուցվածքների, զբաղվածության, կրթության, երիտասարդների ներգրավվածության, սոցիալական խնդիրների և մարզի զարգացմանն առնչվող այլ հարցեր։

Նախաձեռնության նպատակն է ստեղծել բաց երկխոսության միջավայր, որտեղ յուրաքանչյուր քաղաքացի կարող է ազատորեն ներկայացնել իր կարծիքը, առաջարկներն ու ակնկալիքները՝ նպաստելով հանրային մասնակցության և համայնքային խնդիրների բարձրաձայնմանը։

Տավուշցիների ձայնն ուղիղ եթերում | Ժողովրդական խոսափողն Իջևանում

«Տավուշն է խոսում – ժողովրդական խոսափող» բաց հանրային հարթակն այսօր` մայիսի 27-ին, տեղակայվել էր Իջևանի Քանդակների այգում՝ դառնալով բնակիչների ձայնը լսելի դարձնելու կարևոր հարթակ։ Այստեղ հնչեցին Տավուշի մարզին հուզող ամենատարբեր հարցերը՝ սոցիալ-տնտեսական խնդիրներից ու անվտանգությունից մինչև կրթություն, երիտասարդության ներգրավվածություն, զբաղվածություն և համայնքային զարգացման այլ թեմաներ։

Բաց ձևաչափի շնորհիվ յուրաքանչյուր քաղաքացի հնարավորություն ունեցավ բարձրաձայնելու իր մտահոգությունները, առաջարկներն ու ակնկալիքները:

1 ից 14

- +

1.

2.

3.

4.

5.

6.

7.

8.

9.

10.

11.

12.

13.

14.

Նախընտրական բանավեճ․ Նոյեմբերյան խոշորացված համայնք

ՏավուշTV-ի

ուղիղ եթերում կբանավիճեն Նոյեմբերյան խոշորացված համայնքի ղեկավարի թեկնածուները.

Արսեն Աղաբաբյան, «Ապրելու երկիր» կուսակցություն

Մհեր Աղամյան, «Հանուն հանրապետության ժողովրդավարության պաշտպանների դաշինք» կուսակցություն

Կարեն Աբազյան, «Քաղաքացիական պայմանագիր» կուսակցություն

Դուք ևս կարող եք Ձեր հարցն ուղղել թեկնածուներին. ուղարկե՛ք դրանք մեզ նամակով՝ tavushtv2020@gmail.com կամ գրեք մեկնաբանություններում.

Դեկտեմբերի 2-ին՝ ժամը 19:00-ին միացե՛ք մեր եթերին՝ ստանալու բոլորիս հուզող հարցերի պատասխանները:

Բանավեճն ուղիղ եթերով հեռարձակվելու է ինչպես մեր եթերով (կարող եք դիտել Տավուշում, նաև՝ Ռոստելեկոմի 904 և Յուքոմի 232 ալիքներով) այնպես էլ ֆեյսբուքյան և յութուբյան էջերով՝ Տավուշում, Հայաստանում և ամբողջ աշխարհում: